吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 姐姐到步三天發現的問題

論盡家傭今日: 0|主題: 134108

收藏本版

發帖

返回列表

跳至頁

查看: 2075 | 回覆: 11

姐姐到步三天發現的問題 [複製鏈接]

pkjanel

大宅

積分: 1999

1^#

發表於 16-2-29 07:24 |只看該作者 |倒序瀏覽 |打印

好多都係生活上小習慣覺得有d奇怪。知道一定要同姐姐好好溝通，希望一陣同姐姐講唔會傷感情吧！同大家分享下，睇下各位jm有冇咩差唔多經驗....我果個海外菲！

1. 佢到步第一日我開左對酒店既布拖鞋俾佢著住先，第二日同左佢去日本城買左對岩size既拖鞋諗住佢屋企著。姐姐無在屋企著，在家裡繼續著酒店果對臨時拖鞋，但尋日放佢半日假就著左對新拖鞋出街！會唔會佢無鞋呢？我除左叫佢對拖鞋在屋企著外，仲洗唔洗買對鞋俾佢？佢到步好似得一對好單薄的鞋，唔知係咪無鞋著至咁呢？！ @@

2. 我俾左幾支牙膏sample佢用，但無見佢擺出廁所，廁所只擺左佢支牙擦。唔知佢係咪用我地支牙膏呢。

3. 佢問過我取wifi。我開一至五8pm-12:00am及星期六日7am至12:00am俾佢。轉頭問佢connect到未，佢話唔得，再問洗唔洗幫佢，佢又話唔洗！

4. 我就來生bb，有好多朋友送左新野俾我。有d我唔想折包裝住，因可能因物資太多想轉送朋友。點知佢全部折哂 >_< 而家想送俾人都唔得咧！

其餘姐姐學野好快，電器指兩指就識用，清潔又ok。我住偏遠地區(東涌)，佢的朋友在港島，變左唔知係咪車資問題佢又無出去喎。佢話出去搵下個朋友介紹既教會，但放假當日出左去2個鐘就番來，問佢搵唔搵到又淨答我ok，都唔知佢攪唔攪得掂。我應該點幫佢呢？佢人生路不熟，掉低個2歲女來我度打工，我都想盡量support下佢！不過我又驚我自己太多事...

0 0 0

私人傳訊

wendyplc

男爵府

積分: 6420

2^#

發表於 16-2-29 08:50 |只看該作者

回覆：姐姐到步三天發現的問題

平常心，你已問佢要唔要幫，不用太上心，佢哋一定有朋友在港工作，會十分關照的，第四點，你要同佢講明唔可以拆等你拆，唔係日後咩都自把自為，佢哋唔會分莊閒架，佢哋拆咗等你唔知入面有乜，自己收埋一部分都得，我之前都試過工人自把自為拆禮物，後尾有朋友問件野好唔好用，先知俾個工人收埋自用

私人傳訊

adrio

禁止訪問

積分: 7697

3^#

發表於 16-2-29 08:52 |只看該作者

提示: 作者被禁止或刪除內容自動屏蔽

私人傳訊

CK2406

大宅

積分: 1787

4^#

發表於 16-2-29 11:41 |只看該作者

唔洗諗太多, 大家文化唔同, 有D行為會有唔同.

1. 已經買咗新拖鞋, 但如果佢在屋外著沒計, 由佢著返酒店既拖鞋先, 提返佢新拖鞋著咗出街就唔好係屋企入面再著, 等多半年後再睇表現, 先再買過另一對新拖鞋啦! 唔洗立即再買, 更加唔洗買新鞋比佢, 睇定D先啦!

2. 直接問佢沒見佢支牙膏放出嚟? 問佢有沒用牙膏擦牙? 等佢有介心先, 再細心觀察佢有冇用你地支牙膏啦!

3. 老實講我唔會開wifi比佢地用, 你都已經比咗, 佢又話唔洗幫佢, 就唔好理佢啦!

4. 一定要同工人講, 唔可以自把自為拆禮物, 如果唔係, 以後佢咩都自己開, 自己用, 好難再管到佢.

佢地好快識到人, 有自己友support, 只怕佢學壞....!

私人傳訊

bobohello

侯爵府

積分: 20551

畀面勳章

5^#

發表於 16-2-29 15:42 |只看該作者

回覆 pkjanel 的帖子

你請佢遲D湊仔??
唔好講佢用唔用到, 但一入屋已俾wifi, 我諗你有排煩

私人傳訊

Msolivialeung

子爵府

積分: 14959

6^#

發表於 16-2-29 16:00 |只看該作者

本帖最後由 Msolivialeung 於 16-2-29 16:04 編輯

回覆 pkjanel 的帖子

衫褲鞋襪呢啲，咁大個人應該有準備！就算冇都應該自己有分數，你唔洗理！
當然你有衫褲唔要都可以問下佢想唔想要既！

Wifi最好唔好俾，因為9成會遲早掛住上網唔做野！
到時真係恨錯難返！

佢地好快識到朋友，會教佢地買電話卡或者去街！
所以你唔洗理，佢岀去2個鐘就返可能唔想洗錢姐！
總之佢知道放假你係冇需要提供三餐就得！
遲早都好快唔願返屋企！
最好俾個建議時限佢！

必須要提醒佢不能用你地所有用品！
整個籃俾佢，好似人地做gym個啲！
放哂沖涼野，牙刷牙膏，cream等等！
每次沖涼由房間拎入廁所！
當然，佢係都仲可以偷用，不過至少佢知道你會check!

任何新物品，必須要你同意先可以打開！
我唔明點解佢會冇同意自己開野！
因為啲野又唔係俾佢！