婆媳關係 今日: 0 | 主題: 27782

積分: 399

1^#

發表於 08-10-14 19:11 |只看該作者 |倒序瀏覽 |打印

事件一:
我和c6一齊一年三個月後, 我們準備懷孕, 3個月後我己經有左。有一次個賤人99同她們的外國親戚一齊坐遊輪到第二個國家玩, 個親戚是住在我99家。我同99, 外國親屬一間房, 我先到洗手間洗澡, 完事後, 我一打開門, 那個親屬見到我出來, "芳"忙地說: "生不生到bbxx(c6)都好大責任。"
- 其實當時我都不想疑心太大, 但見親屬的表情和說話, 我都估到個賤人話我無仔生。我心想: "你個賤人, 我這一年多同你個仔一齊以來, 你從來也沒有同我提過或暗示想抱孫, 仲常常在我面前表現到好好, 好nice, 好和可的對我, 背後話我無仔生。你個妹都住在你家, 你要講人壞話, 好心留番屋企講, 我又唔同你同住。你個女40多age人, 到現在都生唔到仔, 十年時間都生唔到, 你仲要在我面前話是個女婿的問題。你咁話人, 你實有報應, 你話我生唔到仔, 我現在生到呀, 吹咩, 我鬼唔望你報應在你個女身上, 成40多age都生唔到仔, 你要怪就怪你個媽口臭及黑心。

事件二:
由我來到這裏開始, 你就不停叫我不要出來工作。又話我出來工作是因為貪錢。我識你個仔時, 都有見過下你, 見過數次咁大把, 仲mak你唔同我講你唔鐘意新抱做工, 到了過了門, 就話唔比我做工, 但你個女就可以做。最攪笑是你個賤人後生時, 環境好好夠不用出來工作, 你又去做, 又唔話自己? 仲有要我子女出生後, 長大成人後才可以找工作做。你都short上腦, 我那時多少age, 中年人出來社會工作, 之前又無工作經驗, 鬼請你! 如果是這樣, 我父母為什麼要對我供書教學呀。你個賤人眼角又高, 大陸婆睇唔起, 無學歷覺得襯唔起你個仔, 你都要付心自問自己是什麼新鮮羅白皮, 以為自己好了不起, 有學歷的女人, 會唔會咁於留在家中, 相父教子, 你做人都唔化!

事件三:
之後我出去工作, 賤人好唔like, 但無我辦法。後來有左bb, 唔好彩, 三個月未到, bb胎死腹中, 個賤人找日來我家話來探我, 我好感動la! 我這差不多兩年的相處, 都知賤人好傳統, 實怪我無bb。點知我一打開門, 個賤人立即好關心, 好"恩勤"地慰問我: "你點呀? 你有無事呀?" 記住佢的表情真的好心痛, 好緊張 (無誇大的形容)。當時她細仔和我c6在我旁邊。然後佢突然攬著我, 緊緊不放, 維持至少一分鐘。那時, 我好感動, 對於一個死了bb的女人, 無親人無朋友, 佢的表現令我好感激。點知, 當佢仍攬著我, 將她的臉轉到我另一邊時, 佢兩個仔的角度是看不到的, 她突然變臉, 把出一張:"唔!"的表情 (合著眼, 想"唔"一聲那種表情)。

[ 本文章最後由 laimanw 於 08-10-14 13:02 編輯 ]

0 0 0

私人傳訊

積分: 399

2^#

發表於 08-10-14 19:54 |只看該作者

續

之後佢同我一齊風花說雨, 講其他事, 等到兩個仔在客廳坐時, 佢和我在kitchen時, 佢就數我。話我為什麼出來工作? ... 佢將所有佢的唔開心, 睡不著... 一切一切也因為我唔聽佢講, 出去工作弄到此田地, 因為我工作, 所以無左個bb, 我現在做工好辛苦呀? 如果我份工叫辛苦, 我相信這個世界上全部mami都會因工作而流產。最後, 仲要好形地, 同我發脾氣, 用好兇的語氣同我講: "我走la!"
- 你個賤人, 你自己死左老公, 都有depression, 都曾自殺過。你個賤人, 我無親無故, 你咁對我? 我之後真係有depression, 想過自殺, 好彩個老公對我好, 我的朋友對我好, 我的家人關心我, 我先可以企番起身。如果我今日真的死了, 我做鬼都番你找你算帳! 我不是賴你, 我的depression是你造成的。由bb死了後, 我一直都好堅強去面對, 你個死八婆一來到之後, 我就崩潰了! 你個死八婆, 你有呀媽, 我無呀媽生呀! 你個女都十年前流過產, 八婆! 你有人性都唔會賴人流產無左個bb la, 你個女流產你又唔話你個女? 你個女係人, 人地個女唔係人? 你全屋人都係好人, 其他人就是衰人?

你條八婆, 在人前人後做足功課, 又買野來。做完手術後, 叫你不要來, 因知你份人好虛偽, 死了來。為什麼? 不想有人話她不好, 不想別人找到她話柄。她想: "你看, 你做完手術, 流產我都有來看你, 多好!" 八婆, 兩年la, 你d野我仲睇唔清咩, 你對你個死對頭親屬, 都做同一樣的野。為mak? 不想被人找佢話柄, 轉個頭又在我面前數臭個親戚, 話人點蝦你。緊係la, 你對我都是這樣的, 明知我因為這件事後angry你, 你仲好好戲, 係你d仔女面前扮到個死人可憐樣, 又夾送我食 (剩夾比我, 最錫的細仔都唔夾), 仲要夾時個死人樣好委屈咁。你d仔女都會以為我蝦你呀, 八婆! 我無做過任何野蝦你, 如我叫蝦你, 你對我做的又是什麼? 你在我面前, 單獨的時候, 你一付99的架子, 仲mak係你仔女面前突變死狗。八婆, 你入無線包你一定做到視后!

你對仔女來說是一名好好的母親, 對朋友就表現得好友善 (只是背後數人壞話), 你的形像真是一流, 好似林"代"玉, 常常說這裏不適, 那裏不適, 又話頭痛, 又話失眠。仲要在人前人後扮到mak都唔識, mak都怕, 要個仔幫你做。但在我面前, 就話從來無人可以蝦到你, 我都信你形像同你本身唔同 (當時大家關係是好的)。

第四:
我個細叔仔正怪人! 由我認識他開始, 他就不停針對我, 對我態度離譜到無人有。永遠不會叫你; 永遠不會同你講說話; 你同佢一個手掌位的距離, 叫了他6聲以上, 都唔彩你, 其他人也在場, 也見到; 怒pear我; 望到佢, 90度另轉塊面; 我負責影全家福, 佢就望去第二個方向或低下頭; 佢影相, 就突登唔影我; 我坐在他付近, 佢突登走開... 兩年了, 持續是這樣。
- 老公話可能因為: 開頭認識佢時, 佢個老母叫我介紹女仔給他, 我米介紹我一好友給他, 原來他好angry. 我不知道, 自此以後就是這樣。大佬! 你要angry, 唔該你同你呀媽angry, 你無資格angry我, 我好想介紹個best friend比你呀! 我個friend見到你都覺得你唔得, 個人好怪。樣又唔靚仔, 又自以為是, 十問九唔應, 永遠見唔成大公司的工, 難怪你30多age人都未拍過拖!!!!

另有一次因為買你姐姐的入伙禮物, 你老母鍚你, 驚你angry, 就骨我, 等你以為是我出的主意, 怒pear我, 我都好無辜。咁多年, 你兩母子點對我,我都唔敢用差的態度對畨你地, 仲要忍耐! 我流產後, 我怒到離遠忍不住怒pear你媽, 都要事後同佢講對唔住, 你個死仔, 怒pear我, 對我態度咁, 都唔覺得自己有錯。你比你呀媽"縱"到目中無人。發脾氣時, 哥又罵, 媽又罵, 明明自己錯, 仲要別人先"dum"你。你這種人, 有女人鐘意你, 都是那個女仔的禍!

sorry, 好長篇, 但請比我發洩:
我的問題是:
現在我有了bb, 想bb出生後, 同他們斷絶來住, 你們點睇? (老公覺得可以少d見面, 但bb出生來, 八婆好恨抱孫, 因為佢個細仔好少同佢講野, 佢在家悶到死, 好想湊孫, 到時會常到我家, 點算?)

[ 本文章最後由 laimanw 於 08-10-14 13:13 編輯 ]

私人傳訊

elaine815

大宅

積分: 1390

3^#

發表於 08-10-14 23:41 |只看該作者

你B都未出世就敢多問題....出左世仲多....你唔想再唔開心......影響到你同BB最好就........唔好見敢多.....同你C6講啦...兩公婆有咩都傾點先....唔洗理你99點......

我同99住我真係完全明白99點樣兩個樣....點樣扮野..點樣為BB煩......

私人傳訊

ivory0915

珍珠宮

積分: 39762

開心吸收勳章醒目開學勳章

4^#

發表於 08-10-14 23:55 |只看該作者

原文章由 elaine815 於 08-10-14 23:41 發表
你B都未出世就敢多問題....出左世仲多....你唔想再唔開心......影響到你同BB最好就........唔好見敢多.....同你C6講啦...兩公婆有咩都傾點先....唔洗理你99點......

我同99住我真係完全明白99點樣兩個樣....點樣扮 ...

Agreed, ask for your c6's support, if there is any. Away from your 99 and the so-called 細叔仔.

私人傳訊

yy25

子爵府

積分: 13211

好媽媽勳章醒目開學勳章

5^#

發表於 08-10-15 00:46 |只看該作者

完全吾可以比你99湊啦
真情小見為妙

私人傳訊

lauyau

別墅

積分: 535

6^#

發表於 08-10-15 15:25 |只看該作者

又唔一定係咁, 有時一個小生命來臨可以改變很多野.
可能小bb會令你地開始如何相處呢.

原文章由 yy25 於 08-10-15 00:46 發表
完全吾可以比你99湊啦
真情小見為妙

私人傳訊

fungwongphie

珍珠宮

積分: 46801

趣教勳章畀面勳章貢獻勳章大廚勳章遊學勳章冬日勳章春季勳章 BK Milk勳章 hashtag影視迷勳章月餅勳章開心吸收勳章

7^#

發表於 08-10-15 15:41 |只看該作者

Any example nei ?~

原文章由 lauyau 於 08-10-15 15:25 發表
又唔一定係咁, 有時一個小生命來臨可以改變很多野.
可能小bb會令你地開始如何相處呢.

Please do not quote any information posted by fungwongphie.
不誠實使用電腦會構成罪行，切勿以身試法。
何謂不誠實使用電腦??

私人傳訊

wmpl

大宅

積分: 3000

8^#

發表於 08-10-15 16:12 |只看該作者

我認為誰是誰非都好,樓主你而家嘅情緒都被牽動得咁緊要,咁喺BB出咗世之後都冇可能好快就調節得到,同你老公講,可以間唔中見,但一定要有佢在場,唔可以由你同你99 單獨相處~~

世事嘅嘢好奇怪,就算你老公都知道甚至親眼見過你99啲衰嘢都好,都唔代表佢會完全相信佢阿媽嘅本質就係咁嘅人,如果俾佢見到你99對你BB好呵護備至咁嘅樣,就更加將自己處於劣勢,千祈唔好俾咁多機會你99接觸你BB~~

或者你99真係會因為個BB嘅關係而軟化,但銅油珵始終都係銅油珵,唔好對佢有任何期望,一個時時刻刻連自己仔女都算都利用嘅人,係唔會突然變咗好人嘅~~

我唔係叫你永遠都唔好俾機會你99改過,而係起碼要到你嘅情緒都好安穩,同埋你有把握就算你99做啲咩小動作你都有能力應付嘅時候,先至好再去面對佢~~

做人要適當地保護自己!

私人傳訊

Leomummy

積分: 7723

9^#

發表於 08-10-15 16:38 |只看該作者

原文章由 wmpl 於 08-10-15 16:12 發表
一個時時刻刻連自己仔女都算都利用嘅人,係唔會突然變咗好人嘅~~ ...

咦‥‥咁似影射緊我身邊四大長老咁

私人傳訊

邱吉爾

等待驗證會員

積分: 506

10^#

發表於 08-10-15 17:24 |只看該作者

原文章由 laimanw 於 08-10-14 19:11 發表
事件一:
我和c6一齊一年三個月後, 我們準備懷孕, 3個月後我己經有左。有一次個賤人99同她們的外國親戚一齊坐遊輪到第二個國家玩, 個親戚是住在我99家。我同99, 外國親屬一間房, 我先到洗手間洗澡, 完事後, 我一打開 ...

你個case咁似無記套電視劇亞郭晉安咁對佢嫲嫲ge, 又係人前人後一個樣喎, 咁不如你學吓嫲嫲咁, 裝番個cam, 喺你同99單對單時就record咗佢, 比番你隻6睇, 同佢講唔係想陰佢, 而係事實上我受到d咁ge對待, 而我唔想同佢有咩衝突, 叫你隻6體諒吓你, 唔使你成日去面聖啦, 呢招好老土, 但有用囉

私人傳訊

Joanna.L

積分: 172

11^#

發表於 08-10-16 01:49 |只看該作者

回覆 #2 laimanw 的文章

最緊要揾搵定人幫手湊,最好係工人,因為可以同工人夾計,你99一定成日去你家睇孫,你就叫工人扮唔係屋企,c6問起你同工人都可以夾口共丫

私人傳訊

Joanna.L

積分: 172

12^#

發表於 08-10-16 01:51 |只看該作者

仲有你依家有左唔好成日見佢,你唔開心都會影響個胎

私人傳訊

boganwan

積分: 6083

13^#

發表於 08-10-16 02:15 |只看該作者

原文章由 lauyau 於 08-10-15 15:25 發表
又唔一定係咁, 有時一個小生命來臨可以改變很多野.
可能小bb會令你地開始如何相處呢.

一定冇可能會開心相處,我係過來人,我99以前對我都唔差,但自從阿B出世後就變到好煩,咩都要理,我做咩佢都有意見,做咩都唔啱,到宜家阿囡兩歲幾,唔聼話教佢同佢講道理都唔俾...

不能盡錄,總之越少見面越好

私人傳訊

碟碟

積分: 5839

14^#

發表於 08-10-16 10:42 |只看該作者

依家都相處得唔好, 到阿b 出左世六國大封相都似....我同boganwan差唔多情況, 我冇小朋友時勉强都同隻9相處到, 我地唔係好close, 但都好多時會同佢地飲茶食飯, 出黎都可以有講有笑....到依家我個女就黎歲半, 你見我稱呼佢既單位已經變左"隻" , 唔係"個", 同埋一諗起佢我就會

,淨係想:;pppp:

...依家除左年年節節春秋二祭,我唔會再見佢.....咁你話勒"一個小生命來臨可以改變很多野.
可能小bb會令你地開始如何相處呢."呢句係咪一個神話黎?

原文章由 boganwan 於 08-10-16 02:15 發表

一定冇可能會開心相處,我係過來人,我99以前對我都唔差,但自從阿B出世後就變到好煩,咩都要理,我做咩佢都有意見,做咩都唔啱,到宜家阿囡兩歲幾,唔聼話教佢同佢講道理都唔俾... 不能盡錄,總之越少見面越好 ...

私人傳訊

boganwan

積分: 6083

15^#

發表於 08-10-16 14:50 |只看該作者

原文章由碟碟於 08-10-16 10:42 發表
依家都相處得唔好, 到阿b 出左世六國大封相都似....我同boganwan差唔多情況, 我冇小朋友時勉强都同隻9相處到, 我地唔係好close, 但都好多時會同佢地飲茶食飯, 出黎都可以有講有笑....到依家我 ...

你就好啦

我哋住响隔離座,日日都過去食飯,避無可避

私人傳訊

不悔

洋房

積分: 47

16^#

發表於 08-10-16 15:54 |只看該作者

如果你生既係仔,我唸佢會忌你,你就要把握啦,要俾番d顏色佢睇,當然唔係要鬧佢,但要佢知你都有尊嚴,我而家都係咁,一見有不滿咪講出黎,佢地會睇bb份上,唔敢惡呀...

私人傳訊

KimB

積分: 7268

17^#

發表於 08-10-16 16:15 |只看該作者

樓主，首先你要令到c6明白到99對你造成既困擾，然後先慢慢令佢接受你唔會俾阿b佢揍，然後揾定人揍阿b, 等c6冇得say no。至於，斷絕來往就要遲一步再計劃..... 現在，要小心身體，保持心境開朗, bb先健康嫁！

私人傳訊

KiuShaBB

珍珠宮

積分: 31492

18^#

發表於 08-10-16 16:31 |只看該作者

既然而家都咁多問題, 大家個心都有條刺喺到, 邊個講句野出來都會覺得對方係針對自己, 梗係可以唔見就見小d啦, 將來為咗湊bb的方法, 一定更加多麻煩. 湊bb就一定唔可以俾99湊, 斷絕來往就未必得, 始終佢係你c6的老母同屋企人, 無謂令你c6難做, 但要同你c6傾, 講你的問題同想法, 話佢知你見得99多好想死, 希望佢諒解唔駛逼你見佢地, 唔好俾99成日上來, 起碼你c6唔喺到都唔可以上來啦.

祝你身體健康, 生個肥肥白白的bb.

私人傳訊

積分: 399

19^#

發表於 08-10-17 03:03 |只看該作者

當初就是我不懂得保護自己, 雖然都親眼見過99點對佢個死對頭, 怎樣虛偽法, 但就是以為佢對我都是好, 點知。我以後都不會信她了, 我學會保護自己的方法是, 越少見越好。我覺得她們一家己經害得我很苦了。

原文章由 wmpl 於 08-10-15 09:12 發表
我認為誰是誰非都好,樓主你而家嘅情緒都被牽動得咁緊要,咁喺BB出咗世之後都冇可能好快就調節得到,同你老公講,可以間唔中見,但一定要有佢在場,唔可以由你同你99 單獨相處~~

世事嘅嘢好奇怪,就算你老公都知道甚至親眼 ...

私人傳訊