吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 明明覺得冇感情, 但為左某d人/事繼續同老公一齊.. (純呻 ...

夫婦情感今日: 4|主題: 42712

收藏本版

發帖

返回列表

跳至頁

查看: 2265 | 回覆: 12

明明覺得冇感情, 但為左某d人/事繼續同老公一齊.. (純呻) [複製鏈接]

twllc

男爵府

積分: 7859

好媽媽勳章

1^#

發表於 16-7-2 23:40 |只看該作者 |倒序瀏覽 |打印

我成日覺得好似同屋住, 交談唔多, 小朋友瞓左覺就佢睇電腦我睇電視.... 就算有交流我都好炆, 因為永遠我有乜提議都ban, 我做乜野佢都話我做唔好/無盡力

其實我覺得冇可能生活落去, 但有3個小朋友, 要走唔易。而且佢申請左去移民, 地方亦係我好想生活既地方, 所以依家有乜唔開心到想離婚, 都同自己講忍忍忍... 去到果邊坐完移民監, 再冇改善先同佢離婚!! 希望我能夠堅持到果一日

0 0 0

私人傳訊

skybiebie

侯爵府

積分: 24812

2^#

發表於 16-7-3 02:10 |只看該作者

twllc 發表於 16-7-2 23:40
我成日覺得好似同屋住, 交談唔多, 小朋友瞓左覺就佢睇電腦我睇電視.... 就算有交流我都好炆, 因為永遠我有 ...

源頭呢？佢有不滿地方嗎？

私人傳訊

tommy715

男爵府

積分: 6304

3^#

發表於 16-7-3 03:57 |只看該作者

回覆:明明覺得冇感情, 但為左某d人/事繼續同老公一齊.. (純呻)

我真是鄧你辛苦重同佢生3件㸃走?談何用易做為夫妻一啲情趣都冇?我就寧願食開眉粥，都不食愁眉飯!

私人傳訊

jump.jump

伯爵府

積分: 19784

4^#

發表於 16-7-3 05:53 |只看該作者

你係申請移民中個國家住過幾耐？去到拎埋 pr 就離婚獨立，你怕唔怕係過程中你所需既 support 會唔夠？人係一個新地方重新起步係難過想像中好多，我係自己移民到外國既，算學野快身邊多貴人但都用左一年時間先適應到，而家我算係好正常融入左新社會既一份子，但我識既眼見既都係融入唔到既多，思鄉，語言阻礙，文化衝擊，樣樣都要面對，年紀愈大愈難適應，你帶埋子女應該會更吃力，到時所需支援會好多

移民同離婚都係人生一個好大轉變，你個過橋抽板 plan 未必順住你如意算盤走

優悠在澳洲

私人傳訊

twllc

男爵府

積分: 7859

好媽媽勳章

5^#

發表於 16-7-3 07:59 |只看該作者

回覆樓主:

其實一切都係同佢生完3個小朋友先開始既... 以前就算稔法唔同都冇所謂, 但自從生了第一胎孖仔出世後開始報興趣班和學校, 衝突開始出現(果陣第二胎啱啱出世)。

第一胎我奶奶和工人姐姐開始幫手湊, 3年來發覺奶奶在教養上太多問題(呢樣我老公認同既), 我就辭職湊仔。但做ftm2年後開始俾說話我聽, 例如呢2年儲唔到錢; 你娘家第時有錢留俾你但我冇; 話我大洗; 買平野(例如淘)又話我成日慳埋d雞碎錢, 大錢又唔慳; 又話我湊得冇好過奶奶... 開始要睇佢面色受佢氣。可能因為咁, 感情差左好多, 連我大仔都問我同daddy點解成日鬧交。

至於移民, 我地已經申請到, 過2-3個月就走。我未去果邊長住過, 但一向喜歡外國較休閒既生活; 同時可以遠離我媽和奶奶(又係另一問題)。當然幻想和現實係2回事, 但我唔試過會永遠後悔... 因為我學歷經驗唔在申請移民表上。可能大家覺得我去到就離婚係過橋抽板, 但初結婚時我同老公買樓但俾6299姑仔入住到我就生, 果幾年又成日幫姑仔和6299調解分爭, 6299後來買樓我又有夾首期....呢d冇功都有勞, 我老公到依家都冇感謝過我為佢屋企既付出。所以我一直認為攞個居留權當補數...申請移民費用仲係我出既,所以我唔覺得如果他日離婚係欠左佢, 只係當平靜落黎時會唔捨得呢段感情。