2016年媽媽會今日: 0|主題: 2047

收藏本版

發帖

返回列表

跳至頁

查看: 1016 | 回覆: 9

[9月] [抒發/分享] 羊膜破裂經驗 [複製鏈接]

nomelai

洋房

積分: 92

1^#

發表於 16-7-7 07:05 |只看該作者 |倒序瀏覽 |打印

好耐冇上黎, 估唔到再上黎嘅時候係喺醫院打呢篇唔太開心嘅分享..

今個星期一我如常返工放工, 點知放工搭巴士嘅時候, 覺得自己下體開始滲左d野出黎, 等到落車衝去廁所望望, 就發現底底濕左透明一片, 好稀, 唔似平時分泌物咁(平時係帶d白色、微黃同粘粘地)

當時個心都有d７上8 落嘅, 醒起醫院話24週後要直接去醫院, 但當時身上又唔齊文件, 當下決定返屋企食埋個晚飯等埋老公先再去威爾斯

食飯時仲同老公嘈左2句, 佢叫我做乜唔去北區急症先, 但我堅持去急症冇用, d人都會叫我去返威記

最後我拎齊文件去左威記, 姑娘第一時間叫我至少留院一晚, 估唔到呢一晚就係我唔知要住到幾時嘅開始....

第一次檢查, 醫生幫我開鉗抽驗流出黎嘅乜... 然後到半夜3:00, 俾醫生叫左去照照聲波, 醫生仲話胎水正常, 唔似穿羊水, 但第一次開鉗驗嘅時間唔confirm 到底係咪羊水, 所以要等第二朝再開鉗驗

然後到第二朝, 醫生最初再開鉗時都覺得乾爽, 唔似穿羊水嘅, 等一等檢查結果就ok, 當下以為係自己多心, 正想話放低心頭大石之際, 點知.....

大約15分鐘後醫生突然返轉頭, 同我講檢出黎真係有羊水成份, 所以要開始幫我打抗生素療程以防我同Bb 受感染....之後我發現自己已經喊到聽唔到佢講乜了...個腦淨係諗阿b你唔好咁快出黎呀, 我連走佬袋都未執, 公司又有一堆野未做完云云...

到我慢慢平伏心情, 姑娘黎幫我打針時, 佢安慰我唔洗太擔心, 因為如果羊水滲出量唔多, 羊膜有機會自我修復嘅, 要我盡量保持放鬆;
而家我29週尾, Bb 肺功能仲未成熟, 最理想可以等到37週bb 足月提早催生(touch wood除非期間有惡化..)

宜家呢刻我仍然喺醫院, 羊水仍然有慢慢滲出黎, 唔知要留幾耐呢?

如果話唔驚唔擔心就假嘅, 請大家祝我同Bb好運啦!!

順道提醒各位媽媽, 記得留意身體異常情況, 相信自己直覺! 有懷疑就唔好等, 盡快去醫院檢查呀!