吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 想請教有經驗既家長們，我好頭痛

自由講場今日: 1309|主題: 1368870

收藏本版

發帖

返回列表

跳至頁

查看: 2830 | 回覆: 28

想請教有經驗既家長們，我好頭痛 [複製鏈接]

Nikkichau

大宅

積分: 4676

1^#

發表於 16-8-18 15:04 |只看該作者 |倒序瀏覽 |打印

本帖最後由 Nikkichau 於 16-8-18 15:07 編輯

我個女仲差一個月就兩歲，但仲未系識講好多野，只系識少量既疊字，而問題系我覺得佢好懶學野，我家姐個女細佢兩個月，雖然都唔系識好多，但至少佢會跟人口水尾學，所以佢識既都比我女多，當然我唔系要比較，我系擔心佢咁樣讀書面試k1時點算。。仲有佢好活躍，我覺得系過份活躍，佢唔坐得定架，鐘意走黎走去，買d益智玩具返黎教佢點擺，數數字，佢又冇心學，佢鐘意跟佢自己果套玩，我覺得佢系專注力低，最後一樣令我最頭痛，就系佢成日打人，我諗呢樣系我錯先，因為曾經我會輕輕打下佢手仔以為佢會知錯知驚，但點知佢學左我，成日打人，但奇怪既系佢只打女人，仲要系師奶老女人果d，男人我從來未見佢打過，不過佢系唔怕同人接觸，對其他小朋友佢又好主動好熱情同人玩，但我好擔心佢講野能力同情緒，成日起手打人，好多時同d長輩出黎食飯，我做呀媽唔比較姐，但其他人會，我聽到個心好難受，又怕佢咁既表現有冇學校肯收佢，黎緊點面試。

系好長篇，希望jm可以教下我應該點做，分享下你地點教仔女，尤其面對d難教既小朋友，我真系唔識教。。

0 0 0

私人傳訊

iris5a

侯爵府

積分: 24367

2^#

發表於 16-8-18 15:08 |只看該作者

小朋友仲細, 慢慢教

如果擔心, 可以返健康院轉介cac做評估

私人傳訊

方方媽媽

水晶宮

積分: 74328

3^#

發表於 16-8-18 15:17 |只看該作者

你囡囡好正常喎.2歲就識坐定定聽你教佢,先至有問題呀.
每個小朋友的發展唔同,多元智能有七項(你上網查查啦),唔係人人都發展同一項先架嘛,有D就先發展AB項,有D就先發展CD項.我有個朋友個囡,2歲半已經字正腔圓咁講"媽媽,我好愛你",當時,我囡2歲仲係一舊飯咁,咩都講唔正,入到幼稚園先至學講野乍,依家我成日都要叫佢"比你把口休息下啦,比我隻耳休息下啦"

至於打人果度,你真係要教佢唔可以再打人,呢點刻不容緩呀.
一見佢打人,就捉住佢雙手唔放,同佢講唔可以.當你有經驗,大概知道佢幾時會出手,就預先睇實,預先提醒,及時阻止.亦要教佢點表達,因為佢打人,係因為佢有不滿或當係玩,教佢如何表達不滿,或用其他方式同人玩.

私人傳訊

方方媽媽

水晶宮

積分: 74328

4^#

發表於 16-8-18 15:18 |只看該作者

你唔求入名校幼稚園,其實唔難搵幼稚園的.唔洗擔心.

點評

pomanlife

發表於 16-8-18 15:47

wcpcelia

發表於 16-8-18 15:36

私人傳訊

Littlecatta2013

珍珠宮

積分: 40517

5^#

發表於 16-8-18 15:42 |只看該作者

IN普通幼稚園，識講下水果交通工具顏色形狀早晨BYEBYE媽媽爸爸呢D都夠架喇

私人傳訊

pomanlife

彩鑽殿

積分: 610158

馬年勳章 2026勳章 2025中秋節勳章父親節2025勳章母親節2025勳章 2025勳章蛇年勳章 2024年龍年勳章虎到金來勳章牛年勳章 2018復活節勳章 2018母親節勳章 2018父親節勳章畀面勳章叻叻勳章有「營」勳章好媽媽勳章環保接龍勳章大廚勳章親子達人勳章 wyeth冷知識勳章遊學勳章 BK猜猜猜慶中秋冬日勳章春季勳章炎夏勳章秋日勳章 BK Milk勳章 hashtag旅遊勳章 hashtag影視迷勳章育兒性格勳章認識瑞士牛牛第一回認識瑞士牛牛第二回認識瑞士牛牛第三回認識瑞士牛牛第四回最關心BB問題熱投勳章 Xmas吸收勳章美好大世界2017勳章開心吸收勳章 HiPP勳章(1)

6^#

發表於 16-8-18 15:46 |只看該作者

Nikkichau 發表於 16-8-18 15:04
我個女仲差一個月就兩歲，但仲未系識講好多野，只系識少量既疊字，而問題系我覺得佢好懶學野，我家姐個女細 ...

針對返個女既情況去搵適合佢既幼稚園, 可以返健康院轉介做評估, 做完評估後, 有d會轉介去適合幼稚園

私人傳訊

siumachu

侯爵府

積分: 22070

7^#

發表於 16-8-18 16:14 |只看該作者

首先你唔好再打佢，話比佢知打人唔啱，改用其他方式罰佢，例如罰企或冇糖食冇玩具。。。。。

其他發展人人唔同，同佢玩多D講多D，唔好講bb話。

點評

Nikkichau

發表於 16-8-19 01:43

私人傳訊

joey0904

大宅

積分: 4238

8^#

發表於 16-8-18 16:29 |只看該作者

我囝囝下個月都2歲, 但同佢年齡既小朋友好多都識講嘢, 句子或疊字, 但我囝囝仲係BB話, 間唔中一啲疊字, 都有啲親朋戚友話, 仲唔識講嘢, 我只會答, 唔識有幾出奇, 佢識聽指令, 會肯去做, 對於一個未夠2歲唔識講嘢, 真係咁重要咩!!
依家啲小朋友好聰明, 識得聽大人講既嘢, 吸收得好快, 我身為亞媽唔會覺得呢個階段仲唔識講嘢係有幾大件事。

而且IN普通幼稚園, 依家大部份都係IN 家長同小朋友既表現, 例如溝通, 合作性, 禮儀, 只要小朋友識得聽老師指令, 有禮貌, 點都勝過識講好多嘢。

只要你相信自己教既方式, 有好榜樣, 小朋友學習一定無問題

加油!!!

私人傳訊

黃二少奶

水晶宮

積分: 67440

2025勳章蛇年勳章 2024年龍年勳章 2023年兔年勳章醒目開學勳章畀面勳章 BK Milk勳章

9^#

發表於 16-8-18 16:36 |只看該作者

回覆樓主:

我女3歲返學之前都係坐唔定，佢返學初期都坐唔定，係慢慢學習，所以你女咁樣好正常，至於講野想當初我女去面試都係冇咩識講，總有幼稚園收我又唔擔心，至於打人你真係要嚴肅教佢咁唔啱，兩歲仲細慢慢教

私人傳訊

小_魚

男爵府

積分: 8128

10^#

發表於 16-8-18 16:50 |只看該作者

唔洗咁擔心, 小朋友發展個個唔同, 而家只係一個兩歲人仔, 你想佢識幾多? 雖然話即使自己唔同人比較, 但D 多事親戚都會多多野講, 呢個時候最好就當耳邊風, 人地講由得佢, 你一句"小朋友個個發展唔同, 我覺得自己小朋友無問題"KO 佢.

'不過佢系唔怕同人接觸，對其他小朋友佢又好主動好熱情同人玩' <-- 呢樣對interview 我覺得係著數架, 起碼到時老師問野都唔會因為驚陌生人而唔答, 其實兩歲interview 唔會要求小朋友講好多野, 通常都係認下colour, 指下眼耳口鼻, 可能會叫小朋友擺下D小玩具, 所以唔洗太擔心
如果你太緊張, 可能影響埋小朋友情緒都唔知, 放鬆D 啦

私人傳訊

lovececing

侯爵府

積分: 22319

11^#

發表於 16-8-18 17:00 |只看該作者

我好彩搵到間playgroup都幾好，比較著重規舉，要小朋友學等待，要坐定先有得玩，要舉手，你可以去搵吓有冇類似嘅playgroup, 我覺得都唔錯，2歲人仔係咁，佢有自己嘅一套玩法，唔傷害到佢嘅就由佢，佢都有佢自己嘅創意，打人-我阿囡之前都係，一樣因為我打佢，佢就開始識打人，所以我宜家都唔敢打，如果佢打人都會話佢唔岩，我會唔開心，咁宜家就小咗，放心，每個小朋友都有優點，實有幼稚園收嘅

我沒有很多朋友, 但有你們就足夠~~~我沒有很多錢,但我所擁有的東西已經比別人多~~~我沒有很多老公, 但有一個把我寵壞就已經足夠

私人傳訊

謙仔媽咪

子爵府

積分: 10164

12^#

發表於 16-8-18 17:01 |只看該作者

回覆樓主:

唔好咁擔心，真係每個小朋友都唔同，我有兩個小朋友，大仔2歲已經講好多嘢，駁嘴真係好叻，尤其宜家青春期。細仔3歲都唔多講嘢，幼稚園老師叫我帶佢去健康院check吓，到K3先開始講多少少，宜家小學，連續兩年全級第一，所以太細真係好難講

私人傳訊

wingwing515

男爵府

積分: 9635

13^#

發表於 16-8-18 17:14 |只看該作者

每個小朋友發展唔同，唔需要擔心，同太左意人地講咩

我小朋友依家25個月，吾肯講野，坐唔定，成日發脾氣，同你女女差不多，但佢地一開金口就會講唔停

我侄女大我小朋友三個月，歳幾已經成句句子講，我媽成日比較，係好討厭，所以我都冇理

每個小朋友都唔同，我有比佢讀N班，係定左少少，我深信佢好快做開籠雀

私人傳訊

lbb813520

大宅

積分: 1076

14^#

發表於 16-8-18 17:25 |只看該作者

遲講野如果唔放心可以係2歲返健康院評估時同姑娘講下睇下會唔會有轉介言語治療。打人就要即刻阻止，重覆又重覆咁話佢知咁做係唔啱唔可以。呢個歲數會開始明你嘅意思，只係佢唔識表達比你知。面試方面無得強求，到面試日執生。夾硬逼佢只會雙輸大家辛苦。親戚要比較都無辦法，你要擺上心只會令自己唔開心。我從來都唔會理3姑6婆講d乜，最緊要bb 健康愉快成長

大吉小吉總之就係阿吉

私人傳訊

魚兒小寶貝

珍珠宮

積分: 36783

2025勳章蛇年勳章 2024年龍年勳章 2018復活節勳章

15^#

發表於 16-8-18 18:14 |只看該作者

你女係正常，我見好多兩歲講野唔叻，過多幾個月就變開籠雀，你想佢講少句都唔得

. 兩歲半仲係咁就要返健康院check.

都有名你叫 trouble two , 活躍trouble 有自己主見想自己話事係好正常，安安定定聽人講果d 係少數，係天生，冇得強求。呆坐，唔郁果d 個腦可能有問題。

Bb 有拍打動作亦正常，我從來唔打個仔，恐嚇"打打"亦唔會講，所以我仔一歲後只有短暫拍打物件行為，唔會打人。你去圖書館借育兒書睇啦，各成長階段有唔同行為，亦會教你點應對，方法都係要試，睇吓啱唔啱自己同bb .

千奇絕對唔好比較，唔好心急，每人成長進度，長短處都唔同，就算唔睇書，健康院都會派書仔你參考，抽d 時間睇吓啦。

私人傳訊

Nikkichau

大宅

積分: 4676

16^#

發表於 16-8-19 01:20 |只看該作者

方方媽媽發表於 16-8-18 15:17
你囡囡好正常喎.2歲就識坐定定聽你教佢,先至有問題呀.
每個小朋友的發展唔同,多元智能有七項(你上網查查啦) ...

多謝jm你既意見

私人傳訊

Nikkichau

大宅

積分: 4676

17^#

發表於 16-8-19 01:28 |只看該作者

回覆 joey0904 的帖子

就系喇，你知啦佢地好興攞d小朋友黎比較，呀邊個果個又識d乜乜乜，你個女未識喎！人地個又點叻，你個又系唔識喎，仲成日打人。。講到佢好差啦。。呢d說話聽起都難受，有時仲要連我老公都加把口話自己個女好曳又呢樣唔識果個唔識，我都話過佢人地點比較都系人地既事，至少我地做父母唔應該咁，再大d好傷佢自尊心。。