＋

婆媳關係

收藏本版
發帖
返回列表
跳至頁

首頁
1

尾頁
   0
tungtsz


大宅

積分: 2183

好媽媽勳章


1#
發表於 08-11-11 12:26 |只看該作者
由於係我坐月的時候...好多原因令我同99搞到反面...其中一件令我最憤怒既事...係因為99不理會我既反對...自把自為趁我同老公去幫BB攞出世紙既時候...係無任何保護BB頭皮既情況下...用佢自己把梳(莫講話消毒...洗都唔知有無洗...)強行刮走BB頭上所有既頭泥(BB個時未夠2個月大)...終於搞到BB個頭皮紅晒兼之後每次幫BB洗頭佢都喊...我唯有帶埋BB搬去我細妹度住...

半年後亞99返加拿大...我至搬返屋企...諗住一切回復原狀...一家3口加上狗狗可以好好生活...點知個多月後...狗狗証實淋巴癌...我都盡量好好安排時間照顧BB同狗狗...點知亞99又話要11月尾返HK...我今次同老公講明無論如何唔可以比99係我屋企住...因為佢根本唔鍾意狗狗...何況狗狗病了...99之前已經成日教BB講:我唔鍾意你...你快D走...我當時已經好反感同99講...你唔鍾意狗係你既事...你可以唔係我屋企住...但BB同狗狗係一家人...你唔可以咁樣教BB憎狗狗...99當時仲要黑面...一心諗住亞99成70歲由加拿大返嚟探個孫...我都唔希望做到咁絕...但而家比99講中...狗狗係上星期日晚上離開左我...我好自然怪我99...唔係佢...我之前就唔駛搬走去避佢...唔係佢...我就唔會少左半年時間同我隻狗狗相處...呢2日我內疚到不得了...諗起狗狗就喊...傷心得病了...但仍要撐住...因為我仍要照顧BB...

99係11月尾又返HK...我好唔想見到佢...見到佢就會諗起佢點傷害我個BB...見到佢...就會諗起狗狗曾經比佢咒罵...

私人傳訊

芷茵媽


複式洋房

積分: 132


2#
發表於 08-11-11 12:42 |只看該作者
你都係唔好太傷心, 太難過la...!!

你仲要照顧BB 架!!

盡量同先生商量下, 講出你o既感受, 到99 返o黎就請佢去第二度住la...!!

可以唔見, 就盡量唔好見la...!!
私人傳訊

ivory0915


珍珠宮

積分: 39762

開心吸收勳章 醒目開學勳章


3#
發表於 08-11-11 12:48 |只看該作者
原文章由 芷茵媽 於 08-11-11 12:42 發表
你都係唔好太傷心, 太難過la...!!

你仲要照顧BB 架!!

盡量同先生商量下, 講出你o既感受, 到99 返o黎就請佢去第二度住la...!!

可以唔見, 就盡量唔好見la...!! ...


我都係咁話，見少d啦。
私人傳訊

edea


王國長老

積分: 119115

王國長老


4#
發表於 08-11-11 12:58 |只看該作者
雖然我都覺得妳奶奶思想同做法唔係咁好,但係老實講狗狗走既事又唔可以入佢數, 如果妳咁諗真係會好傷害婆媳關係.

話晒係一家人, 刮bb頭皮當然不可接受啦, 但如果可以放開一d會好d, 好彩妳奶奶唔係長住香港, 算啦!

我唔係經常上BK, 想搵我嘅朋友請email: [email protected]
私人傳訊

mikitten


子爵府

積分: 11724


5#
發表於 08-11-11 13:05 |只看該作者
我都係因為62，被迫同我隻狗分開，依家間中接隻狗返屋企住下，62都唔鍾意，話第二日就要接返佢走。我成日同老公講，隻狗係我o既，我攞返都好正常，加上99又唔鍾意隻狗，隻狗跟我，起碼日日有得定時落街行，又唔洗成日比人困o係個籠度。但係老公就成日怕得罪62，雖然62都錫隻狗，但係唔等於佢可以搶佢走，敢佢話佢錫我個仔，唔通我又要俾埋個仔佢?

私人傳訊

wmpl


大宅

積分: 3000


6#
發表於 08-11-11 13:33 |只看該作者
我明白你嘅感受,想過去,我仲同C6阿媽住嗰陣,佢唔鍾意我養貓,咁樣我都可以理解嘅,我鍾意又唔係佢鍾意,冇理由迫佢要接受,但係佢真係唔可以咁過份囉~~

因為妒忌佢個孫跟我,就順帶連我隻貓同佢個孫玩都唔鍾意,成日襯我唔喺度,就打我隻貓,咁動物無啦啦俾人打梗係反抗架啦,但係我隻貓都只係"wo,wo"聲,冇其他動作,[因為我隻貓係好細膽嘅],佢阿媽係特登嚇我隻貓,搞到佢個樣好惡,跟住個變態婆就叫個孫過嚟睇吓,係咁話隻貓好惡,問個小朋友驚唔驚?仲夠唔夠膽同隻貓玩~~

個小朋友就梗係驚啦,仲搞 到佢發惡夢,以後當然見到我隻貓就驚得要死,連行過側跟都唔肯,你話哩啲人,係咪衰格變態到極??

所以我都好明你嘅心情,佢自己唔鍾意就算啦,為乜又要搞埋小朋友??教識佢憎恨同討厭小動物??最可惡嘅係啲咁嘅人嘅心態!!

不過我而家都唔憎佢,因為我深信佢咁做自有天收,毋需要我承受憎恨嘅痛苦,而你隻狗狗,我認為佢會好明白你架,唔會怪你架,因為你真心對佢,佢係會知架,你99咁冇口德實有報應,天係有眼,唔駛嘥氣力嚟憎佢,你好好收拾心情啦,無論人同動物,只要你真心付出過,就已經無憾,追悔係最令人心酸,佢都唔喺度,你諗返以前,一定會覺得對佢做得唔夠,又問自己點解唔對佢好啲,係咪?

但係當時人做當時事,就算俾你返轉頭,個結果都係一樣,如果你真係覺得對唔住狗狗想彌補嘅,不如為你狗狗捐多啲錢俾需要幫助嘅其他狗狗啦,咁做對你同對狗狗都會有好好嘅回報,要為你狗狗種善因,如果佢嘅離世只係令你憎恨一個人,俾唔到生離死別嘅正確嘅啟示你,佢都唔會有好報,都要為你受苦難架,想開啲啦!!

[ 本文章最後由 wmpl 於 08-11-11 14:45 編輯 ]
私人傳訊

碟碟


男爵府

積分: 5839


7#
發表於 08-11-11 14:47 |只看該作者
tungtsz,

唔好咁唔開心啦...狗狗離開左係會好唔開心, 但係反過黎諗, 佢唔使再受癌病折磨, 對佢講都係一種解脫....你都唔好太難過, 佢都唔會想你咁傷心架, 而且你仲有bb同大狗狗等你照顧呢, 其實你有緣同佢相聚左一段時間, 有你地既照顧同愛護,陪佢行完人生最後o個段路, 佢已經好幸福, 你都唔好太過介意生完bb頭個半年因為99無得同狗狗相處, 因為已經過去左, 你再怪責自己都追唔番架啦,再諗番只會令到你好痛心, 不如試下多的回味下同狗狗一齊開心既片段, 因為呢的就係佢留比你既美好回憶,同埋俾多的時間陪下大狗狗...等大日唔好再後悔多一次....

至於你99, 佢之前對bb所做既野,唉...佢地的老一輩人真係有好多我地接受唔到既方式對bb, 舊年佢黎你屋企住已經試過一次, 咁今次佢黎你真係要好好地同老公商量下, 可唔可以安排佢唔好住係你屋企?反正佢係香港仲有其他親人/仔女o者, 既然上次都夾唔黎, 依家仲要撞岩你同老公都已經咁唔開心, 咁就唔好再勉强勒,費事佢黎到又多生枝節啦....我估你老公都唔想你再帶阿b返阿妹到住架.....

原文章由 tungtsz 於 08-11-11 12:26 發表
由於係我坐月的時候...好多原因令我同99搞到反面...其中一件令我最憤怒既事...係因為99不理會我既反對...自把自為趁我同老公去幫BB攞出世紙既時候...係無任何保護BB頭皮既情況下...用佢自己把梳(莫講話消毒...洗都唔 ...

[ 本文章最後由 碟碟 於 08-11-11 14:53 編輯 ]
私人傳訊

catherineleungg


男爵府

積分: 5884


8#
發表於 08-11-11 15:03 |只看該作者
唔好唔開心和內疚, 你要振作呀, 你仲要照顧BB和老公架.

至於你99, 咪試下同佢老公傾咗先, 睇下點樣去安置你99.
私人傳訊

tungtsz


大宅

積分: 2183

好媽媽勳章


9#
發表於 08-11-11 16:01 |只看該作者
多謝咁多位既意見...我都好明白而家怪責任何人已經無濟於事...狗狗都會走得唔安樂...只係因為我呢2日既情緒仲好低落...只想搵個地方宣洩...我會好好照顧自己, BB, 大狗狗同個家...

我已經同老公表態唔可以接受99再係我屋企住...老公都好體諒...同99講左叫佢返HK係佢家姐個邊住...我真係無法容許BB再次有受傷既機會...因為亞99真係話極都唔聽...佢每次想對BB做D嘢之前...都會好輕描淡寫咁測試我既底線話:點解你唔同BB咁咁咁...我已經答佢唔可以對BB點點點...佢見我好聲好氣咁答佢...亞99轉頭就會對BB做佢之前講過要做既嘢...D咁唔識做既99...係都要迫人發火話佢至開心...

避免將事情惡化...我今次係唔會讓步比亞99係我屋企住...

私人傳訊

碟碟


男爵府

積分: 5839


10#
發表於 08-11-11 16:26 |只看該作者
你要加油...你老公
原文章由 tungtsz 於 08-11-11 16:01 發表
多謝咁多位既意見...我都好明白而家怪責任何人已經無濟於事...狗狗都會走得唔安樂...只係因為我呢2日既情緒仲好低落...只想搵個地方宣洩...我會好好照顧自己, BB, 大狗狗同個家...

我已經同老公表態唔可 ...

[ 本文章最後由 碟碟 於 08-11-11 16:27 編輯 ]
私人傳訊

sandy1425


珍珠宮

積分: 41032

好媽媽勳章 大廚勳章


11#
發表於 08-11-11 18:21 |只看該作者
狗狗有妳甘好的主人,佢今生已好幸福...
別難過了...
私人傳訊

alphabetagamma


珊瑚宮

積分: 108856

環保接龍勳章


12#
發表於 08-11-13 01:41 |只看該作者
贊成唔好再比奶奶住你到.
人邁向新的一天跨新步放眼遠方迎來朝暉將人照亮
私人傳訊

wmpl


大宅

積分: 3000


13#
發表於 08-11-13 06:57 |只看該作者
原文章由 tungtsz 於 08-11-11 16:01 發表
多謝咁多位既意見...我都好明白而家怪責任何人已經無濟於事...狗狗都會走得唔安樂...只係因為我呢2日既情緒仲好低落...只想搵個地方宣洩...我會好好照顧自己, BB, 大狗狗同個家...

我已經同老公表態唔可 ...

你做得好正確,對啲得寸進尺嘅人,係唔可以退讓嘅,你老公都好好,終於都體諒同支持你,俾多啲時間自己冷靜吓啦,唔想見嘅人就唔好見,橫掂見到都只會更唔開心,何必呢?

等到自己心情平復返,先至再諗其他事啦,不過你都要放開啲呀,當人遇上唔開心嘅事就係會唔開心,冇咩應唔應該,唔開心係冇錯嘅,但係總要有個限度同限期,唔係盞辛苦自己同愛錫你嘅人架咋!
私人傳訊

catlover2001526


大宅

積分: 1871


14#
發表於 08-11-28 13:32 |只看該作者
我奶奶都唔鍾意我養貓，但我唔係同佢一齊住，由我大肚都BB出世，佢都想我放兩隻貓貓係外家，我睬佢都傻! 咁我最後讓一步，就係限制貓貓既活動範圍，佢地可以係廳度玩，點知佢仲想個範圍細D，叫我條繩再收短D!我好唔鍾意，點解咩都要俾意見，我有權決定我同我D貓既生活方式!真係好憎佢!:;pppp:
所以樓主，我好明白你既感受!
無人迫佢地鍾意小動物，但佢地都唔應該干涉人地既生活!
私人傳訊

女王大人


大宅

積分: 2657


15#
發表於 08-11-29 18:56 |只看該作者
原文章由 tungtsz 於 08-11-11 12:26 發表
由於係我坐月的時候...好多原因令我同99搞到反面...其中一件令我最憤怒既事...係因為99不理會我既反對...自把自為趁我同老公去幫BB攞出世紙既時候...係無任何保護BB頭皮既情況下...用佢自己把梳(莫講話消毒...洗都唔 ...


試下用軟工
同你c6講, 怕阿bb如果習慣見住麻麻, 第日麻麻返左canada會唔習慣同傷感
提議叫你99唔好黎你屋企住, 但promise俾bb見你99
咁冠冕堂皇既藉口, 就算你c6唔buy都唔會覺得你過份嘛
私人傳訊

冬前


大宅

積分: 1193


16#
發表於 08-12-1 20:53 |只看該作者
不要比bb見你99
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy