婆媳關係 今日: 0 | 主題: 27783

積分: 31492

1^#

發表於 08-11-25 11:58 |只看該作者 |倒序瀏覽 |打印

我成日都同大家講, 我有一位唔當我係人的99, 仲有一個叫都唔啋, 唔尊重人, 自視很高的大姑9. 估唔到原來99話已經係就晒我喎. 我同佢地已經反咗面, 都係因為大姑9... 定係因為我小器? 首先講吓當日情況先:

話說上一次返99屋企連飯都冇得食, 已經谷鬼氣, 好嬲, 同愚孝C6講, 佢當然話佢老母冇問題, 仲鬧我添, 話我黑面係唔俾面佢同玩野. 點知第2個禮拜六係2個B的舊曆一歲生日, 99話佢郷下興當日要"抓銀"(唔記得叫咩名, 大約係俾D唔同既野BB揀, 以BB攞既野睇下佢地將來前途如何). 咁我都俾面99同c6(幾唔鐘意都算啦, 話晒99係長輩, 又唔想c6唔開心), BB生日有人同佢地慶祝咪答應囉, 但同c6講明要同佢一齊食飯, 一係點都要留飯俾我. 咁啱果日c6(做運輸)有一單貨送去99屋企隔離棟樓, c6話攞咗貨之後返屋企接埋我地至去99屋企, 我地坐定佢就去送貨, 返來可以一齊食飯, 呢個安排都幾好. 當時新工人要到星期二至到我屋企, 而我表姐(結婚時做我大妗)可以嚟幫我幾日, 咪同表姐一齊去囉. 咁唔好彩, 果日成個下午都落大雨, c6成5pm都未攞到貨, 我都好心急打幾次電話追佢, 終於到8pm至攞到貨. c6到8點半至返到屋企, 我話唔想bb咁夜至出街, 去到99屋企成9點, 去到bb要食奶, 跟住瞓覺, 不如唔去啦. 但c6話唔得, 因為佢地買咗蛋糕, 同大姑9都嚟咗(大人物都嚟, 真係無得講), 同埋佢地竟然未食飯, 等埋我地喎.

9點幾一去到, 大姑9竟然識斟茶俾表姐, 同佢打招呼, 真係識做戲, 連我表姐都話佢好人.

跟住99話食飯先, 我話唔好意思, bb夠鐘食奶, 你地食先啦, 99今次竟然話等埋一齊至食, 咁我就開奶餵大b, c6餵細b.

但99話切蛋糕仲講明係蛋白蛋糕, 我問今日究竟係邊個生日? 99話係bb, 咁我話bb食緊奶喎, 你地切蛋糕食啦, bb唔食得蛋白, 99即時黑面.

咁c6唔餵細b俾99餵, 99餵奶唔熟手, c6同佢講要抱高d, 要點攞奶樽至啱..., 99都冇出聲, 大姑9開始發表佢的偉論:"駛唔駛你教呀? 呀媽以前都係咁餵你啦." 99話(好細聲):"我以前唔係咁餵啊, 你地食人奶."

食完奶後, bb睇vcd, 我地食飯, 99同表姐講一齊埋枱食, 佢自己去睇bb, 我話唔駛, 佢地睇vcd唔會嘈, 一齊食啦, 但99冇理我. 表姐同99講, 一齊食啦, 你煮飯咁辛苦, 襯熱啦, 99話唔辛苦, 但又肯一齊食喎.

99話俾d雞咀2個b食, 我問有冇特別意思架? (我當然唔想啦, 咁肥咁硬, 根本唔食得), 99話佢地郷下1歲食雞咀, 將來講野叻d, 咁我話唔駛啦, 佢地而家都好多野講. 99又黑面跟住同我表姐講, 我地1歲嘜都食得, 我呢個新抱就嘜都唔俾bb食.

99好快食飯後即時去抱細b(佢好少抱大b, 因大b似我), 對於bb嚟講, 99係陌生人同埋佢阻住bb睇vcd, 咁細b喊, c6話俾奶咀細b食, 我平時淨係bb瞓覺至俾佢地食奶咀, 咁我話唔好, 放返佢落bb車就冇事, 唔好成日抱住會縱壞, c6話唔緊要, 一次半次, 之前返完99屋企, 2個b都好扭抱, 今次我唔想再忍佢地, 我話:"次次都一次半次, 你講明冇耐性教bb要我教, 而家又要我返去再執手尾, 唔好啦." 但99話:"我想抱佢, 寧願縱壞都要唔俾佢喊." 我覺得99越來越離譜, 我即刻攞起2個奶咀放入褲袋, 唔理佢地, c6同99都黑面. 99抱多一陣細b都喊, 放返落bb車, 咪冇事囉.

食完飯後c6同姑仔舖枱切蛋糕, 其他人同bb玩, 大姑9走過去同表姐講:"你地俾bb睇電視呀, 我d朋友唔會架."表姐點知我地平時點吖? 咁即係話我啦, 頭先開始時又唔出聲, 都唔係第一次見bb睇啦, 咁即係喺表姐面前玩野啦, 咁關心咁鍚2個b又唔見佢抱吓佢地同佢地玩?

切蛋糕時影相, c6抱住細b, 我梗係想抱大b啦, 99咁難得話俾佢抱咪俾佢抱囉, 大b唔跟佢勁喊, 大姑9又講野, 用好似取笑既態度同99講:"人地個女喊呀, 俾返個女人地呀媽啦." 99交返大b俾我. 我覺得佢好過份, 咩叫人地個女呀, 呢個都係佢個侄女, 呢個都係99個孫, 幾難得佢老人家肯抱吓, 咁即係我同大b都係街外人? 唔緊要, 我仲可以同c6+大細b, 自己一家大細影張相添.

...待續.

0 0 0

私人傳訊

積分: 31492

2^#

發表於 08-11-25 15:28 |只看該作者

食完蛋糕玩完抓銀之後都10點幾, 我抱住大b佢已經瞓咗, c6執野走,

99抱住細b:"bb你咁快要走, 一日都係你呀媽, 唔俾你早d嚟."
我:關我咩事? 係你個仔要等攞貨, 點解入我數?"
99黑面.
c6(發脾氣): 係吔, 係我呀, 關我事呀.
我以為佢幫我講說話, 早2日至知佢嬲我博咀.

大姑9同佢c6都走, 我唔想同佢地搭同一架升降機, 特登遲d至出門口, 但c6跟住佢家姐唔理我, 表姐推住細b架bb車出埋去, 我出到lift口見到大姑9兩公婆仲喺到, 架lift而家至到, 大姑9讓表姐入先, 跟住佢地兩公婆入去, 我唔想入.

我同6講: 架lift咁逼(5個大人, 2架bb車), 不如我地搭下一架啦. c6黑面唔理我自己行入去.

我話大b瞓咗, 如果佢喊我自己一個人攪唔掂喎, 我手袋又喺你度, 不如你陪我等下一架lift啦? 佢好唔高興咁行出嚟, 仲好惡咁"掘"住我.

我冇理由留底細b同表姐架,
我同表姐講:"表姐, 我地搭下一架lift, 你出返嚟啦." 表姐出嚟之後,

c6同大姑9講:"sorry".

我都好嬲, 即時講:"點解要同佢講sorry, 係都佢同我講啦."

c6指住我好惡:你以後唔好返來食飯.
我:好呀, 以後你自己一個人返.
c6:係你一個人唔好返.
我: 你為咗跟住你家姐, 我同大b你都唔理. 平時有事你唔會幫我, 你家姐話我地個女係人地個女, 你又唔出聲, 你攞貨遲咗你呀媽又入我數. 我有咩做錯呀? 平時都唔出聲啦, 你唔要我地3母女, 返去同你呀媽住啦, 同你家姐結婚啦, 同你家姐生個b出嚟啦, 你地至係一家人呀.

呢件事我地嬲咗好耐, 第2日仲係我老豆生日, c6全日失踪, 話要令我冇面喎, 我好想同佢離婚呀.

早2日講開99, 我問佢99對呢件事點講呀, 大姑9又有咩投訴呀? c6話當晚大姑9已經打咗電話俾99, 佢話我咁唔鐘意佢, 以後有我出現佢就唔會嚟, 就晒我. 大姑9又再一次表演佢本末倒置的功力, 好可憐咁, 唔怪得99鍚晒佢啦.

99呢? 佢話:呢個新抱好麻煩, 已經就晒佢啦, 佢話要一齊食飯, 已經等埋佢啦, 佢話要埋枱食, 已經俾佢埋枱啦, 仲攪咁多野出嚟.

吓? 點解99會知我唔高興冇得一齊食飯架? 原來c6同99講咗, 99話我多要求, 好麻煩, 真係我過份咩? 為咗就我, 我至有得同佢地d大人物一齊食?

私人傳訊

sbandliz

積分: 2106

好媽媽勳章

3^#

發表於 08-11-25 15:36 |只看該作者

吓? 要佢批准先可以埋枱食?
咁係當你係工人?

私人傳訊

fungwongphie

積分: 46803

趣教勳章畀面勳章貢獻勳章大廚勳章遊學勳章冬日勳章春季勳章 BK Milk勳章 hashtag影視迷勳章月餅勳章開心吸收勳章

4^#

發表於 08-11-25 15:55 |只看該作者

99話已經就晒我 <------ thank you wor ~

Please do not quote any information posted by fungwongphie.
不誠實使用電腦會構成罪行，切勿以身試法。
何謂不誠實使用電腦??

私人傳訊

積分: 31492

5^#

發表於 08-11-25 15:57 |只看該作者

原文章由 sbandliz 於 08-11-25 15:36 發表
吓? 要佢批准先可以埋枱食?
咁係當你係工人?

之前我要個工人喺廚房食飯, 99話唔好, 話我刻薄個工人喎. 99要工人埋枱同我地一齊食呀.

我係連工人都不如呀.

[ 本文章最後由 KiuShaBB 於 08-11-25 15:58 編輯 ]

私人傳訊

積分: 31492

6^#

發表於 08-11-25 16:03 |只看該作者

原文章由 fungwongphie 於 08-11-25 15:55 發表
99話已經就晒我

我而家真係thank you 99同c6呀, 我以後都唔駛去佢屋企食飯.:;pppp:

私人傳訊

littlesister

琥珀宮

積分: 158880

畀面勳章

7^#

發表於 08-11-25 16:03 |只看該作者

原文章由 KiuShaBB 於 08-11-25 15:57 發表

之前我要個工人喺廚房食飯, 99話唔好, 話我刻薄個工人喎. 99要工人埋枱同我地一齊食呀. 我係連工人都不如呀.

點解你99唔俾你埋枱食飯既?? 要你睇住bb

私人傳訊

積分: 31492

8^#

發表於 08-11-25 16:37 |只看該作者

原文章由 littlesister 於 08-11-25 16:03 發表

點解你99唔俾你埋枱食飯既?? 要你睇住bb

99知我同大姑9唔妥, 次次做節大姑9都成9點幾等我地走至嚟, 咁99勁偏心大姑9同大姑爺, 佢又想見c6同細b, 咪唔俾我呢個外人埋枱阻住佢地囉, 費事大姑9唔高興. 幾次都係咁呀, 之前我有得食架~~隔夜餸, 我食完佢地再煮新鮮餸咋.

私人傳訊

tantanmama

公爵府

積分: 28711

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

9^#

發表於 08-11-25 16:52 |只看該作者

其實你返得去99度食飯, 都唔差在做戲做全套->扮無嘢. 唔係要你扮殷勤, 只係全程唔搭嘴, 無論你99同姑9講咩都當聽唔到就算囉. 只要佢地冇做d危害bb安全嘅嘢, 你就唔好理佢地喇. 你一黑面, 你c6實覺得你玩嘢, 激嬲佢d屋企人同落佢面. 之前都講過好多次, 愚孝仔係唔會覺得佢屋企人有問題, 佢只會認定所有錯都係老婆一手做成, c6夾喺中間, 佢係最痛苦果個.
你俾面c6同佢返99度食飯"抓銀", 即係你都care你c6嘅. 唔好再嬲佢喇.

私人傳訊

viscattery

積分: 3393

10^#

發表於 08-11-25 16:57 |只看該作者

你老公最過份﹐就算其他野唔幫﹐係佢自己遲左欏貨點解唔講﹐要個老婆死貓。。。佢屋企係人要專重﹐唔通你唔係人?話比佢知﹐你未嫁之前都係阿爸阿媽個寶貝女﹐點解嫁左就變佢屋企人o地底泥。。

私人傳訊

積分: 31492

11^#

發表於 08-11-25 17:03 |只看該作者

原文章由 tantanmama 於 08-11-25 16:52 發表
其實你返得去99度食飯, 都唔差在做戲做全套->扮無嘢. 唔係要你扮殷勤, 只係全程唔搭嘴, 無論你99同姑9講咩都當聽唔到就算囉. 只要佢地冇做d危害bb安全嘅嘢, 你就唔好理佢地喇. 你一黑面, 你c6實覺得你玩嘢, 激嬲佢d ...

其實我都盡量扮無嘢, 大姑9講咁多野我都冇駁佢, 唔係c6同佢家姐講sorry我都唔會發作.

私人傳訊

積分: 31492

12^#

發表於 08-11-25 17:13 |只看該作者

原文章由 viscattery 於 08-11-25 16:57 發表
你老公最過份﹐就算其他野唔幫﹐係佢自己遲左欏貨點解唔講﹐要個老婆死貓。。。佢屋企係人要專重﹐唔通你唔係人?話比佢知﹐你未嫁之前都係阿爸阿媽個寶貝女﹐點解嫁左就變佢屋企人o地底泥。。 ...

其實99都有打過電話催c6, 99知道係c6攞貨遲咗, 99要話吓我啫, 而且c6好難得地都有答99係佢的問題, 唔關我事, 不過有唔高興我博咀囉.

私人傳訊

hugomum

複式洋房

積分: 229

13^#

發表於 08-11-25 17:24 |只看該作者

我都因為次次鬧交都關於c6屋企人,而且c6又將我唔中意ge野講曬比佢屋企人知,攪到我好嬲,終於有幾次我打電話比99 , 姑9,62比佢地知我點解又鬧交.........但係都係無用,因為始終佢地先至係一家人,我做乜都無用,最後仲同姑9鬧,佢唔單止有次叫我離婚,最後就講明我以後都唔會同佢屋企人有關係,c6聽住我同姑9講野,之後...我都無返去99屋企lu,佢亦無強迫我返,之前如果我唔返實鬧ka.
e家話唔去就唔去~

願我的喜樂感染你

私人傳訊

tantanmama

公爵府

積分: 28711

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

14^#

發表於 08-11-25 17:28 |只看該作者

原文章由 KiuShaBB 於 08-11-25 17:03 發表

其實我都盡量扮無嘢, 大姑9講咁多野我都冇駁佢, 唔係c6同佢家姐講sorry我都唔會發作.

睇開d啦, 你姑9一向都係女皇, 你c6咁尊重佢係你c6嘅事, 佢對自己家姐好, 你由得佢囉. 每個人都有好多個角色, 佢喺佢亞媽屋企要做孝順仔同乖細佬, 你只係外人, 唔好諗住c6會為你改變佢同佢屋企人嘅相處模式. 所以, 喺99屋企, c6嘅表現唔係正常嘅佢黎架. 只要返到屋企, 佢顧家錫bb就算啦.

如果你信得過99同姑9唔會危害你個b嘅安全, 你就由得c6帶個b返去, 你自己唔好返. 見少d自然嘈少d架喇, 咁你又唔洗激氣. 你嬲佢地又唔痛嘅, 無謂激壞自己.

私人傳訊

積分: 31492

15^#

發表於 08-11-25 17:33 |只看該作者

原文章由 hugomum 於 08-11-25 17:24 發表
我都因為次次鬧交都關於c6屋企人,而且c6又將我唔中意ge野講曬比佢屋企人知,攪到我好嬲,終於有幾次我打電話比99 , 姑9,62比佢地知我點解又鬧交.........但係都係無用,因為始終佢地先至係一家人,我做乜都無用,最後仲同 ...

你好叻呀會打電話俾99, 我就唔會囉, 都唔想同佢地講野, 唔知佢又作d咩俾c6聽. 而家咪好囉, 係c6講我唔駛再返去食飯.

不過, 而家99又話好想見到我喎, 信佢至奇呀, 咁好戲去做影后啦.

私人傳訊

wmpl

積分: 3000

16^#

發表於 08-11-25 17:52 |只看該作者

其實有時覺得做新抱嘅想法方向錯咗,,冇錯,,人哋屋企人係好麻煩,,又費事自己出聲搞到大家面阻阻,,不過又要求老公去搞掂,,令到個老公變咗夾心人.......

我唔係為邊一方面講好說話,,只係想講,,其實婆媳問題,,個個都係夾心人,,做新抱嘅就覺得自己係夾喺個老公同佢屋企人之間,,突然變咗個外人,,感覺好難受,,做仔做老公嘅,,就覺得自己夾住喺兩個最重要嘅女人之間,,吃力不討好,,做99嘅又覺得自己夾咗喺個仔同新抱之間,,個仔有咗老婆就好似分薄咗咁,,心態上一時間平衡唔到,,新抱又唔係真係自己個女,,鬧完話完都可以冇隔夜仇,,有時好多批評都唔敢直講,,以為自己好委屈......

個核心問題有時都係因為大家都唔識人情世故,,太天真,,做老婆嘅令到自己個老公難做,,有時又太着眼於當時嘅感受同狀況,,忘記咗原來個目的都只係想同老公嘅關係好啲,,唔想為咗啲其他人爭執,,點知結果個老公又唔識又唔知點去體諒自己為佢嘅付出,,仲講錯咗好多以為可以解決件事嘅說話,,好多時又想逃避,,以為個問題過咗之後就唔係唔問題,,其實就唔知女人唔係咁諗,,兩婆媳心底就積壓咗好多不滿,,一遇到某啲場面就會一解即發,,後果更惡劣!!

私人傳訊

積分: 2178

17^#

發表於 08-11-25 19:47 |只看該作者

樓主,
老實講,我唔知你地之前的事,但以事論事，這件事你係做的唔係幾好。

第一,你姑９和９９等到你地全家９：００才吃飯，係惜你ＢＢ的表現，你有沒有感激過？

第二，蛋糕你又唔比ＢＢ吃，雞咀又唔比吃，（通常做樣而已）,連９９間中抱ＢＢ你都唔比，我係你Ｃ６我都火，你玩野？

第三，你姑９當然都火，你玩她啊媽，
係女都嬲了,自然寸你了,無的講。你話你ＢＢ係

"佢個侄女, 呢個都係99個孫, 幾難得佢老人家肯抱吓“

你又唔比老人家抱，你話邊個無道理？？？

做人要過得人，過得自己。你話係唔係。

唔合聽當我無講到。

私人傳訊

littlesister

琥珀宮

積分: 158880

畀面勳章

18^#

發表於 08-11-25 20:07 |只看該作者

原文章由 KiuShaBB 於 08-11-25 16:37 發表

99知我同大姑9唔妥, 次次做節大姑9都成9點幾等我地走至嚟, 咁99勁偏心大姑9同大姑爺, 佢又想見c6同細b, 咪唔俾我呢個外人埋枱阻住佢地囉, 費事大姑9唔高興. 幾次都係咁呀, 之前我有得食架~~隔夜餸, 我食完佢地再煮 ...

唔係啩! 要你食隔夜飯菜都得

你老公唔係化?? 如果唔同枱食一樣既飯我一定唔會返囉

其實我唔知你同你姑9有咩過節, 不過你既然返得去食飯, 而你姑9又扮冇野, 你咪一齊扮囉, 最好仲笑笑口咁, 等佢地冇聲出, 而且應該扮到見唔到姑9為止囉, 冇必要特登唔同佢同LIFT啫, o個個係你老公家姐, 你咁樣你老公好尷尬架, 仲俾位你老公入你添, 有咩謂喎

你要明白阿媽梗係錫自己個女, 新抱一定冇得比, 你無謂同姑9鬥, 百害而無一利, 最好扮盲扮聾扮啞, 咁就算啦! 仲有呀, 嫲嫲想抱BB咪由佢抱囉, 食一陣奶咀唔會咁易縱壞啩, 你講野咁直你老公都好難唔嬲你喎, 你諗下第日你想抱個孫都唔得你又會點呢?

我唔你話你錯晒, 不過你好難改變你老公全家囉, 惟有當耐唔耐做一場戲咁, 塞住你老公把口, 費事影響夫婦感情咋唔通真係離婚咩

私人傳訊

Cat1218