吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 好心up,62係D親戚面前講大話中傷我

婆媳關係今日: 0|主題: 27783

收藏本版

發帖

返回列表

跳至頁

查看: 2557 | 回覆: 14

好心up,62係D親戚面前講大話中傷我 [複製鏈接]

whywhywhy

大宅

積分: 2099

1^#

發表於 08-12-10 05:09 |只看該作者 |倒序瀏覽 |打印

我啱啱結婚時係同62 & 2伯一齊住, 但生咗BB之後,係湊BB問題上大家唔多協調(62因為BB日夜倒轉,日頭訓夜晚喊,咁佢已經成日俾說話我聽,話我唔識湊搞到62訓得唔好)加上我哋儲夠$所以我哋買樓搬開咗,咁62就同2伯住,但我哋搬咗2-3個月左右2伯又搬咗去同佢女朋友住,淨返62一個人住, 62自己住期間試過煮野冇熄火,搞到個廚房黑晒,又試過偷酒飲半夜CALL我哋同佢睇急症(佢以前有肝癌唔可以飲酒)因為咁我哋同佢傾過,佢都同意去老人院住

我62係個冇打算0既人,佢從來都係有一日過一日,以前有99同佢打算,但99去咗之後,佢就提早退休,攞咗D退休金同第2個女人住, 個女人係99未去時已經一齊,62冇去應99條屍(果時我老公仲讀緊書,佢真係1亳子都冇留低就走咗,呢D係99個妹話俾我知)但2-3年後D$用完,佢亦都同個女人玩完,佢求D仔女俾佢返屋企,咁搞咗一輪,大家都唔想佢訓街,況且99臨終時都叮嚀佢哋幾兄弟姊妹要照顧62,咁62先可以返屋企

但係無論我哋俾幾多$佢,佢真係可以用到一亳子都冇架,佢65歲果年,我已經立即同佢申請生果金(果時我都未同老公結婚),咁老公叫佢儲起D生果金,我哋每個月照一樣俾咁多$佢,但佢唔肯,社署1號入$,佢1號就攞晒D$出黎用,本來D$係佢,我哋唔會理佢點駛,但佢越來越誇張,我哋己經改為1個星期俾1次$佢,佢居然可以星期日俾咗$佢,佢星期三又打電話俾我問我攞$(佢知我老公唔係HK做野,通常都唔係HK,佢其他D仔女都已經唔理佢),我老公之前已經同佢講咗,我媽咪啱啱發現有CANCER,我又要照顧媽咪又要照顧個仔真係應付唔到咁多,叫佢冇乜野唔好成日CALL我,星期日佢返黎會去探佢同俾$佢,但佢唔理,三日唔埋兩日就CALL我攞$,咁我真係行唔開,我1號先同我個仔去探佢交院費同俾$佢,佢4號又打電話俾我話冇$,我同佢講:62我1號黎探你咪俾咗$你囉? 佢詐傻扮唔記得,咁我話唔係喎真係1號喎, 我仲交院費TIM, 佢開始發爛炸話:咁少$E+D$好唔見駛飲2餐茶都冇晒啦, 今次我真係好嬲, 我從來都冇頂撞過佢,但今次我真係忍唔住話佢, 62你D$好唔見駛,我D$都好唔見駛架,咁可以點呢?我又唔可以同老細講E+D$好唔見駛叫佢出多D糧俾我,62E+咁0既時勢揾$好難架,佢就CUT咗我線

之後佢周圍打電話俾所有親朋戚友,話我刻薄佢,話我告枕頭狀,又唔俾佢見個仔同個孫,一早都知我係煩,一早都忍我,自己一早有打算唔要同我住,所以搬去老人院都唔要忍我同我住喎

呢10年黎,我自問對佢問心無愧,能力做到0既我都會去做,就算買底衫褲鞋襪,連骨灰位我都同佢買咗唔敢話佢知,從來冇話過佢一句,佢係老人院打人俾人告,我老公唔係HK,我去搞,我行唔開一個星期探佢2次, 佢冇$用寫欠單問護士借$話個仔會黎還, 我一直唔出聲,我同自己講佢點衰都好,我唔想我老公難做,老公答應過99要照顧佢,佢E+唔係HK我做到幾多得幾多,但佢真係太過份,佢一D都冇諗過我要照顧個細又要照顧個有病0既媽咪行唔開,攞唔到$仲講大話周圍唱我,中傷我

[ 本文章最後由 whywhywhy 於 08-12-10 11:03 編輯 ]

0 0 0

私人傳訊

hinhofion

大宅

積分: 4120

2^#

發表於 08-12-10 07:24 |只看該作者

你都人至義盡la,盡左力就算la,你c6一定明白你,不過我建議你將62 ga野講返比c6知會好d,唔好下下自己一個頂晒

私人傳訊

我愛Corina

瑪瑙宮

積分: 139552

2025勳章蛇年勳章 2024年龍年勳章好媽媽勳章醒目開學勳章環保接龍勳章

3^#

發表於 08-12-10 07:37 |只看該作者

唔好咁嬲,我諗你d親戚都知佢d衰野,未必會信佢....

私人傳訊

KoyeBaby

子爵府

積分: 12904

醒目開學勳章畀面勳章

4^#

發表於 08-12-10 09:40 |只看該作者

其實你c6應該都知自己阿爸係個咩人,你應該同佢講返62嘅所作所為,最後加返句"我唔係要告狀,佢係你阿爸,我幫到一定幫,但係我已經盡哂力!我同你講唔係要你難做,只係想你得個知字!",咁佢都唔會怪你,仲會贏得你c6嘅同情分添!!

私人傳訊

一家的太陽

男爵府

積分: 5742

5^#

發表於 08-12-10 09:44 |只看該作者

同意.
自問對佢問心無愧,就足夠了.

原文章由 我愛Corina 於 08-12-10 07:37 發表
唔好咁嬲,我諗你d親戚都知佢d衰野,未必會信佢....

私人傳訊

靚豬咪咪

大宅

積分: 2471

6^#

發表於 08-12-10 10:07 |只看該作者

回覆 #1 whywhywhy 的文章

真係難為了家嫂, 淨係睇都好"鄧" 你慘. 但你己經好叻架la, 忍左咁耐, 唔使心up, 佢咁既人, 都唔當你地係屋企人, 當你地係提款機之麻, D親戚唔會信佢la. 十卜你.

私人傳訊

Melody_Che

大宅

積分: 4192

7^#

發表於 08-12-10 11:03 |只看該作者

唔好唔開心, 你62根本當你係人肉atm, 佢依家甘做, 你未可以一五一十向老公報告羅, 等你老公睇清楚, 你自己以後亦唔好involve落去, 唔係佢始終又係成日搵你羅錢!! 不如俾多d時間自己仔仔同媽咪啦!!

私人傳訊

BananaCupCake

複式洋房

積分: 356

8^#

發表於 08-12-10 11:14 |只看該作者

Don't be upset la. You already try your best. Everyone has bottom line and limit. I think you might "hint" your c6 for what's happening and seek for his support. Hope your mom will feel better soon la.

私人傳訊

Cat1218

大宅

積分: 1690

9^#

發表於 08-12-10 11:16 |只看該作者

哎~真係家家有本難念的經~所以話女人真係唔易做,無咁上下EQ+IQ都好難做人~
樓主你已經做得好好喇~我地一齊努力呀!!

私人傳訊

whywhywhy

大宅

積分: 2099

10^#

發表於 08-12-10 11:48 |只看該作者

Dear all,

好多謝你哋留言支持和安慰, 我已經同老公同2伯商量過,佢哋都贊成我唔好再理62住,俾多d時間去照顧個仔同我媽咪先,62e+改咗由2伯同佢老婆照顧,咁我可以唔駛咁貧撲, 但$我同老公都一樣會照俾, 不過係俾2伯,由2伯分配俾佢,但我知2伯個老婆唔鍾意,但我唔理得咁多喇,我哋e+只有經濟上理行對990既諾言

其實62d野佢d仔女個個都知,包括我老公, 不過呢個世界總有d3姑6婆親戚多管閒事,我62唔止一次係人哋面前講大話中傷我架喇,甚至遠到外國d親友都有聽過佢講我不是,佢好鍾意用群眾力量,係人哋面前扮可憐, 扮委屈,等d親友以為我真係刻薄佢,然後問人哋攞$,等人哋以為我真係成日都唔理佢,搞到佢好似乞兒咁周圍問人攞$,通常三二佰都會俾佢,咁佢既可以攞到$,又可以用群眾力量打擊我,我唔去俾$佢,佢冇$用就扮乞兒,的而且確,佢哩招幾有效,呢幾年我老公唔係hk就更有效,好多人同佢出頭架,試過有個親友當住我面問我個仔係咪好耐冇探爺爺?要尊敬爺爺對爺爺好d呀,呢d叫孝道,果刻我真係好難受,不過日久見人心,e+耐咗,d人接觸多咗我,睇到我平日點對人,d人都開始唔信佢,連之前係我仔面前話我果個親友都叫我唔好再理62,有乜野叫佢揾2伯同佢老婆,新抱同仔又唔係得我哋,佢哋都有責任,都咁多年,都好應該佢哋理返

我咁唔開心唔係因為佢唱我屈我, 而係咁多年黎佢都冇理過我同老公感受我哋都慣, 但e+我媽咪有病,佢一d都唔體諒吓,仲係度搞事太過份

私人傳訊

tantanmama

公爵府

積分: 28711

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

11^#

發表於 08-12-10 12:12 |只看該作者

樓主, 你唔好咁唔開心喇, 俾心機照顧好你媽咪同個仔先啦. 而家你媽有病, 你62可能伯你地會將d錢留俾你媽咪醫病, 於是, 佢更加要用盡方法, 問你地攞多d錢. 咁佢一貫手法都係講大詁扮可憐, 時間耐咗, 其他人都會識穿佢嘅. 你問心無愧, 就唔好再同佢糾纏, 真係純粹經濟上照顧佢就算.

私人傳訊

A.C.C.

大宅

積分: 3786

12^#

發表於 08-12-10 12:21 |只看該作者

唔好傷心啦, 你老爺同我老爺都係同一種人, 無論個仔同新抱做到幾好, 係佢地眼中都係0分
對住呢D人, 你只需要做好最基本嘅本份, 之後, 理鬼得佢
佢要同乜人呻都好, 你當唔知道, 佢打電話來煩你, 唔啱聽就CUT佢線

私人傳訊

whywhywhy

大宅

積分: 2099

13^#

發表於 08-12-10 12:35 |只看該作者

原文章由 一家的太陽 於 08-12-10 09:44 發表
同意.
自問對佢問心無愧,就足夠了.

係呀, 我信"人在做天在看"架, 我敢講對於佢我對得住天地良心

私人傳訊

2on

別墅

積分: 746

14^#

發表於 08-12-10 17:58 |只看該作者

你要堅持ar...
等你c6返來搞la...
你叫你c6唔好因為佢四圍唱你而比$塞佢把口...
咁只會一次比多過一次咋....
佢點唱佢的事...但唔好因為咁而心軟...
你地無錯ka...公度自在人心...
你唔洗理d人點see...
相信你d親戚都知你62係咩人....
如果係好嘅...其他仔女都唔會唔理佢la...
堅持ar,...