婆媳關係今日: 0|主題: 27783

收藏本版

發帖

返回列表

跳至頁

查看: 13485 | 回覆: 37

恐怖奶奶 [複製鏈接]

君君仔

複式洋房

積分: 453

1^#

發表於 17-5-21 19:56 |只看該作者 |倒序瀏覽 |打印

本帖最後由君君仔於 17-5-21 20:00 編輯

屋企有四個仔，而我係大仔個老婆。
因為一件事，我對奶奶感覺更加恐懼

由第一次見佢個刻，就覺得佢好惡
最奇怪既係，佢對住任何人都笑笑口，完全覺得佢係得個樣惡。
點知，前排就趕走我老公個二細佬兩公婆走
為乜？為錢。
因為我奶奶每次用錢用埋啲無需品上，例如賭。
佢都就快六張野，女人貪令係正常，但你係手緊情況下去扮令，我就覺得佢無腦。
去美容院洗左十幾萬，無錢還，最後我老公個二細佬兩公婆同佢還。
個日我聽到我奶奶大大聲鬧佢老婆，話借小小錢都唔比，大佬，你個底咁花，邊個肯借比你？
佢一路鬧，期間我聽到奶奶話再加家用，如果唔係就扯。
之後佢老公沖返屋企同奶奶理論，點知我奶奶話，個仔我架，拎錢好應該架，你係我邊個姐，乜都唔係呀，我個仔做錯啲乜有你呢個老婆，佢轉頭同個仔講，你大學學費我比架，問你拎小小錢都唔得！
最後第二朝佢地搬走左。係我角度我就覺得佢生仔係養兒防老，同埋傳宗接代。
因為佢老婆身體唔好，所以好小做野，睇緊中醫調理身體生BB，加上係我奶奶一開始唔中意佢，成日恰佢，所以佢老婆後尾開始反擊，我奶奶一亂咁講野時，佢就串下佢咁。
佢地走左之後，得返我呢個新抱，所以身邊既朋友包括我媽都覺得有咩事我都首當其衝。
可能我生左個仔，又唔駁咀，所以覺得我無咩野
但問題開始黎，佢唔係普通一個惡奶奶，仲係無常識既奶奶

BB 衫勞埋男人底底一齊洗，地拖拖完廁所再拖地下，唔係廁所個地下，我意思係個屎塔
佢仲要乜消毒水都唔加，就咁清水拖，點會乾淨。。
有次佢摸完個仔隻腳再摸BB隻手，我即刻扮話要換片入房同佢抹手
佢實在有太多太多無常識既事發生，真係好激氣。
佢地走左後，我奶奶開始叫我做家務
可能有人覺得做家務係應該　但我覺得人人都有責任
佢最細個仔DSE完　無野做　日日係屋企打機打通頂，整係識食玩訓，乜都唔做
又唔見我奶奶話佢？整係話二細佬老婆唔做野唔生仔，根本對人不對事。
咁大個人仲要呀媽了耳仔，醜唔醜

入正題，啲衫多到成座山咁高，我咪幫手洗
洗完，又話我晾得唔好，點點點
有時見太多衫睇唔過眼，但有時湊仔晏就好難抽時間出黎搞呢啲野，搞到夜晚老公放工先得閒搞
洗衫晾衫收衫烚奶樽再泵奶，個仔有時醒返又再哄，搞掂晒都已經兩三點，自己身體又唔好成日訓唔好，個仔又早起身，有時覺得好攰。

琴晚諗住洗埋被袋個啲，點知洗完一拎出黎好多粒粒，因為其中一個枕頭袋係佢地，佢地仲要好耐先換，我懷疑就係佢搞到咁污糟，早知唔同佢地洗
今日奶奶放假，佢洗埋最後啲衫，點知佢突然入黎睥我，係到話我唔洗口水堅奶漬搞到啲衫都污糟埋，我話唔係奶漬，佢死都話係，我又無同佢係因為個枕頭袋，佢一味話我搞到我唔敢出聲，岩岩打比我媽呻點知我媽係電話係咁話佢，咁岩我奶奶入左黎，佢實聽到我媽話緊佢
琴晚佢又要我得閒洗下廁所，話啲男人屙到周圍都係好污糟，心諗，源頭係你個仔到，又關我咩事？