吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 超氣頂~見家長後一肚氣

婆媳關係今日: 0|主題: 27783

收藏本版

發帖

返回列表

跳至頁

查看: 6674 | 回覆: 37

超氣頂~見家長後一肚氣 [複製鏈接]

pxyky

大宅

積分: 3984

1^#

發表於 09-2-9 13:48 |只看該作者 |倒序瀏覽 |打印

之前一直有睇眾多靚太點樣被99蝦. 估唔到自己都會成為坐上客....件事好長, 我只係想借POST爆發一下.

剛過去的SATURDAY約左見家長, 之前同BF都各自同父母傾左, 諗住當晚只係見下面食下飯, 傾下計, 應該會順利. 點知未來99突然話要男女家分開食飯, 佢地亦唔會黎出席女家的飯席. 我地話簡單攪姐, 唔係咁嘛？個仔同你傾好左, 你又反口？陣間我D親戚以為你個仔老豆老母一早唔係度添呀.

成日話你結婚個時都係咁, 都係乜都冇攪, 冇過大禮, 冇上頭, 冇著婚紗, 冇影相, 只係食飯. 你個時掂唔代表我要同你一樣.

完全係自己想點就點. 你係度難為緊自己個仔咋.
錢又唔洗你地出(我亦都唔希望你出, 免得你日後講D咩). 仲要咁自私.

聽完我地解釋一輪排期注冊要結婚個日的三個月前先有排BOOK, 佢(隻未來99)竟然又白痴到叫我地而家上網排, 排到邊日就邊日結.

咁叫你擇日黎把托咩？租衫、BOOK化妝個D咪要改？你唔洗諗為你個仔著想架？

又話會同你D親友講我地係去旅行結婚既, 你唔想見你D親友姐, 你咪收埋自己囉, 做咩攪到我好似唔見得人咁？有冇尊重過我同我媽咪呀？你個仔結婚你聚身抱都好似一D都唔高興咁.

[ 本帖最後由 pxyky 於 09-2-9 15:59 編輯 ]

0 0 0

私人傳訊

毛B

子爵府

積分: 10674

2^#

發表於 09-2-9 14:10 |只看該作者

唔好咁勞氣, 我係你的話, 我會 : 男家乜都唔搞, 你話唔駛搞丫麻, 好! 照你說話去做, 而家縮骨小氣o既係你, 你咪同你親戚朋友講我地旅行結婚囉, 第日你男家有咩gathering我都唔會出席

至於女家就乜都照搞, 仲要搞到風風光光, 大排延席, 乜都做到足, 女家擺酒男家可以一個都唔到, 你唔黎我都唔會覺得可惜

私人傳訊

KiuShaBB

珍珠宮

積分: 31492

3^#

發表於 09-2-9 14:37 |只看該作者

你男友覺得點吖? 佢有無覺得佢呀媽唔啱?

如果你未來99係唔想攪既, 咪你地女家自己攪囉, 仲好, 到時唔駛見到佢呀媽, 又唔知佢會攪d咩出嚟.

佢自己小家攪成咁啫, 唔好話人.

私人傳訊

bonnie1103c

大宅

積分: 1144

4^#

發表於 09-2-9 14:45 |只看該作者

又係一個衰９９
佢唔攪 , 你地女家攪 , 到時唔見佢仲唔使煩 tim

but 最重要你未來老公點先 ? 佢聽你定係佢阿媽???如果佢係聽阿媽講 , 第時有排煩
anyway , 結婚係件喜事 , 唔好為呢 D 人而唔開心

私人傳訊

Fbee

民房

積分: 39

5^#

發表於 09-2-9 15:31 |只看該作者

其實你99咩都唔想你地攪係咩動機先,佢係驚要出錢

or驚煩先

mouth: ,不如先了解左你99點解會咁先啦!再對症下葯,叫你老公解釋下,再睇你99點講啦!結婚係開心嘅野,無謂攪到大家都唔happy啦!

私人傳訊

cat130

男爵府

積分: 6114

6^#

發表於 09-2-9 15:43 |只看該作者

其實如果你同你老公都唔介意男女家分開擺, 我又覺得唔係問題喎, 人地黎飲都唔知你男家有無擺啦, 最多都係話唔係聯婚擺酒姐, 雖然依家少d, 不過無話唔比咁做丫嘛...

如果男家係麻煩既, 我寧願分開擺, 眼不見為淨, 不過我會答佢"哦, 阿auntie如果鍾意男女家分開食飯都無問題呀, 不過我地女家會照擺酒囉, 但係你知啦, 酒席呢d野book左就無得加架喇, 到時男家想要一圍半圍都比唔到架喇, 最緊要你明喇可..."

如果唔係聯婚, 照計女家擺酒男家無人出席都係正常, 最緊要你地自己點睇, 少個人阿支阿jor仲好...

私人傳訊

pxyky

大宅

積分: 3984

7^#

發表於 09-2-9 15:44 |只看該作者

原帖由 bonnie1103c 於 09-2-9 14:45 發表
又係一個衰９９
佢唔攪 , 你地女家攪 , 到時唔見佢仲唔使煩 tim
but 最重要你未來老公點先 ? 佢聽你定係佢阿媽???如果佢係聽阿媽講 , 第時有排煩
anyway , 結婚係件喜事 , 唔好為呢 D 人而唔開心 ...

其實我同佢一直相處都ok, 客客氣氣咁. 佢亦都唔係衰, 只係自私自己唔想攪, 唔想見人就要人地咁做. 佢一味話自己當年都係咁(因為未來92同99既父母都唔係度). 一聽到lee度我心都諗, 係囉, 你都識講你地父母唔係先咁姐, 冇人怪會你地. 但係而家你地又未死, 做乜都要你個仔同新抱都咁樣？攪到我阿媽好唔開心.

後尾又話怕我地辛苦, 不如分開兩日攪, 一日簽婚, 一日食飯. 其實就係藉口, 都係想唔見我地d親友. 佢個仔仲未諗到佢媽既藉口, 仲問我意見(個時我冇聽到未來99講野, 我同我媽傾緊野). 我一聽到就話唔係喎, 有咩辛苦啫. plan好晒, 突然要分開兩日咪又要重新再plan?隻未來99都冇野好講.

咁結果個晚佢地好似半推半就抵下要迫住同我地一齊食飯(結婚個日). 咁好啦, 以為攪掂啦, 可以著手去訂酒席同攪租衫個d野.

點知琴日(即係第二日)早上, 未來99打比我搵我媽. 我媽好咢然囉. 佢原來同我媽講話都係分開食飯喎.

真係咁都得？我想信係佢自己諗左冇同我bf講. 咁我媽都好好聲氣應承左佢. 未來99話唔會黎女家當飯既飯焗. 但就唔敢唔歡迎我媽去佢地既飯焗囉, 問我媽幾多人去. 後尾我媽話番比我知, 我話我地唔會好似佢地咁冇禮貌. 同埋我半講笑咁同我媽講(其實好嬲)咁男家食飯, 我都唔去喇. 我同佢地唔同姓.

到左夜晚我同bf傾番, (我冇主動提番佢媽早上的電話既事)原來佢媽之後打左比佢. 男友話無問題, 佢同媽傾過後話一齊食飯喎~:;pppp: 你話係咪玩野. 不過今次到我唔濟. 我免得佢之後又改變主意, 咁我到時咪真係企左係度乜都攪唔成？問左我男友, 佢只係想兩邊都開心, 見佢而家都好難作決定, 因為佢早排先拍心口話佢自己比錢, 佢結婚, 佢唔理(父母既決定)佢要話點就點. 我唯有同男友講, 既然佢咁唔想一齊食餐飯, 無謂勉強, 要知道勉強無幸福. 就算佢地唔黎, 我屋企人都會好為我地開心(好似有d影射佢屋企人). 再講我都唔想人以為我迫佢地個仔

.
每次同媽咪傾番都好激氣, 我諗日後可能仲有好多野令我大開眼界. 不過我想話比你地(未來99&92)聽, 你地點對我唔緊要, 最緊要你個仔錫我, 而我屋企人都唔會令你個仔難做

, 唔似得你地咁. 以後我對你地既野只會做足, 唔會做多.

私人傳訊

pxyky

大宅

積分: 3984

8^#

發表於 09-2-9 15:49 |只看該作者

原帖由 Fbee 於 09-2-9 15:31 發表
其實你99咩都唔想你地攪係咩動機先,佢係驚要出錢 or驚煩先mouth:mouth:" /> ,不如先了解左你99點解會咁先啦!再對症下葯,叫你老公解釋下,再睇你99點講啦!結婚係開心嘅野,無謂攪到大家都唔happy啦! ...

所有錢都係我同bf一齊儲番黎. 佢地又我地拍拖開始, 已經一早同個仔講日後結婚唔會出錢. (我覺得lee個唔係問題, 靠自己係好既)
佢地唔想攪係下下都怕麻煩(其實要做野既係我地, 佢地只需要坐係度等飲茶). 佢地好似同d親戚冇乜來往, 話男家圍數少, 好尷尬, 唔想見人. 又話佢當年結婚都係咁, 未聽講要父母出席食飯喎.