吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 我真係覺得你地好煩呀!! (好長)

婆媳關係今日: 1|主題: 27784

收藏本版

發帖

返回列表

跳至頁

查看: 2152 | 回覆: 10

我真係覺得你地好煩呀!! (好長) [複製鏈接]

youfish

民房

積分: 139

1^#

發表於 09-2-10 14:17 |只看該作者 |倒序瀏覽 |打印

我係同我老公o既阿爺阿麻一齊住..
初初我大肚o個陣都無乜野o既..
但係e+阿b出左世之後我就覺得佢地好煩..

bb咁細個多數都會成日喊呀..扭計呀咁啦.
佢地又要同我地爭住抱喎..
又成日話係咪肚餓呀..比奶佢食啦
大佬呀.. 阿b岩岩先食完奶一個鐘咋..
又比奶？傻架咩？
跟住話比佢聽食左奶佢又話飲水..
o個陣我餵人奶佢又係咁成日都話要比水佢飲..
大佬呀.. 我講左十萬次話餵人奶唔洗比水架
佢又聽唔入耳喎..

有時阿b o係房大喊o係度扭計..
我已經好努力咁tum佢..
但係佢地又會無啦啦衝入我間房
o係度講埋晒d廢話.. 又話食奶又話飲水..
有時仲趁我洗奶樽自己入房抱阿b出廳玩
喂.. 可唔可以有d禮貌呀？
間房係我架.. 你又唔敲門自己衝入黎..
仲要趁我唔得閒又借d意抱走阿b..
我知你有時可能係好心想幫下我湊..
但係我知佢幾時真係喊幾時係扭計..
我唔想寵我個女寵到壞晒囉!!

我地有時買d野返黎放左o係廳
佢又係都中意插隻手埋去搞下佢咁喎..
好似初初我阿媽送個3L o既熱水壺黎..
佢又o係咁研究.. 我地已經叫左佢唔好攪架喇
點知最近比我發現佢地自己見到個熱水壺用左1L
o係度"好心幫我"加d凍開水入去裝滿佢!!!!
我頂!!!!!!!!!!係咪路呀!!!
你唔識可唔可以唔好掂呀？
個熱水壺唔可以咁用架囉..
你係咪想快d用壞佢丫？
再者.. 你咁溝水落去.. 我都唔知會有咩後果
個d熱水又係mainly比我個b沖奶o個陣用..
係用黎沖奶比佢飲..
你就咁溝凍水我都唔知會唔會飲到阿女病囉!!!

今日仲好笑.. 買左架學行車返黎
我個女四個月都無呀!!!!!
我問佢呢d幾多個月大先岩坐..
佢話上面無寫,幾時用都得喎!
你話係咪比佢吹漲!!!!!!!
我咪即刻上網check下囉
最快都起碼一歲囉..
同埋我見好多網站都唔建議比學行車bb坐囉!!
再者我由一開始都無諗過比學行車佢坐囉!!
搞到我今日成日都唔敢抱阿b出去比佢地玩..
我唔想搞到阿b第時行路有問題先黎後悔..

我唔識點同佢地講任何野..
因為佢地覺得岩o既就永遠都係岩
從來都唔聽人講野!!!!!!!!!
我真係忍左好耐好耐..
次次有d咩事發生都好..
我又唔可以話佢地.. 又唔可以鬧佢地..
只可以話比自己知.. 好少事者.. 唔好咁介意啦
跟住吞落肚當無事發生..
但係佢地真係令我覺得好辛苦呀!!!

0 0 0

私人傳訊

Siuchoi

珍珠宮

積分: 32052

2^#

發表於 09-2-10 15:04 |只看該作者

咁除左分開住, 係永遠冇解決辨法的.....

私人傳訊

傻豬彤彤

侯爵府

積分: 20129

畀面勳章

3^#

發表於 09-2-10 15:14 |只看該作者

哈哈...我同你都幾似...不過我99仲哀...成日同d親戚朋友講我壞話(仲要吾應)...又話阿囡吾跟佢...我又吾比佢抱...我抱bb落街又ee哦哦...早幾日...忍吾住啦...開左火:;pppp: !!仲要比人話我冇用...成日發脾氣...激到我想死

私人傳訊

youfish

民房

積分: 139

4^#

發表於 09-2-10 15:52 |只看該作者

唉真係勁無奈同埋勁嬲囉..
個個都淨係識叫我唔好咁嬲..
我夠知啦.. 咁佢地唔做咁多野我咪會嬲囉!!!
都唔係第一次忍架啦..
次次都叫我忍忍忍..
遲早忍唔住真係同佢嘈!!
我忍咁耐呀.. 都係為我老公著想..
費事佢左右做人難..
但係真係鬼咁難頂!!!!

私人傳訊

juicypig

珍珠宮

積分: 30278

環保接龍勳章 hashtag影視迷勳章

5^#

發表於 09-2-10 16:29 |只看該作者

算啦,老人家都係咁架喇, 一係就搬走, 如果唔係就唯有忍耐吓囉

一個人之所以快樂,不是因為她擁有得多, 而是因為她計較得少

私人傳訊

mavisw

別墅

積分: 923

6^#

發表於 09-2-10 17:07 |只看該作者

作為旁觀者覺得真係唔係物嘢咁大件事.唔值得嬲亦唔需要忍.平心以論,依你所講,2老真係好關心bb.處處為bb着想,又想幫輕你(如加水入熱水壺).作為媽媽嘅你又好緊張bb(每一個細節),因你全無經驗.建議你同佢地溝通,話俾佢地聽要點做,等佢地瞭解明白而家嘅新式揍法.佢地係用緊自己經驗. 試唸吓,到你抱孫時,你都會用而家嘅知識,到時你個女都會對你有微言.好似你話bb車要一歲先坐得,我係13年前都無呢啲知識,個時係bb6 個月已經可以坐,但每次唔可以超過半小時(因脊骨未夠硬).講真1歲bb都識行啦,仲使物坐bb車.大家都係生於唔同年代,實有唔同睇法/代溝,你要明白呢點,所以唔好用忍嘅方法,咁樣你會覺得好辛苦同唔得客觀.話你知當年我都係俾bb 99揍,逢假期先自己揍,bb一喊,老爺就話bb肚餓, 99就俾奶, 後來bb唔舒服, 99俾電話我叫我收工帶bb睇醫生,醫生話bb食滯左,所以有啲燒,返到去我即刻同99講,佢唔係好好意思咁反應,即係話佢已經明白自己做錯左(個時bb唔夠3 個月大).仲有一次,佢地成日搵啲毛公仔同我個仔玩,啲塵跌左落眼,搞到眼發炎,我又同佢地講以後唔好俾毛毛公仔bb一玩(個時bb得4個月).係要一樣一樣咁講.無辨法.希望你睇到呢一段,明白個中道理.仲有,唔好成日俾bb喊,當佢喊,如果真係想抱,就抱吓佢,bb要安全感,body touch係其中一環.其實唔使抱好耐.有時又可以走埋去捉住隻手同佢傾計,或者俾啲玩具同佢玩.我都係咁揍個仔同個女, 我抱佢地亦唔多.佢地好少喊,通常係肚餓先喊,而且喊得唔大聲唔耐,佢地一喊,我就用好溫柔嘅語氣同佢地講嘢,佢地知道你收到佢地信息,就會覺得安心, 再見埋你個樣就更開心.好快會收聲.記住bb喊係俾信息你,俾極你都無反應,會不安/發脾氣,就會愈喊愈大聲.成日咁喊, 你話佢第日脾氣會唔會好?我呀媽都係咁教我唔好俾bb喊太多,第日脾氣唔好.你試吓呢個方法啦, 對bb好work嫁.

私人傳訊

Cat1218

大宅

積分: 1690

7^#

發表於 09-2-10 18:19 |只看該作者

原帖由 mavisw 於 09-2-10 17:07 發表
作為旁觀者覺得真係唔係物嘢咁大件事.唔值得嬲亦唔需要忍.平心以論,依你所講,2老真係好關心bb.處處為bb着想,又想幫輕你(如加水入熱水壺).作為媽媽嘅你又好緊張bb(每一個細節),因你全無經驗.建議你同佢地溝通,話俾佢 ...

你真細心,仲咁樂意去講出自己的睇法,教埋樓主點處理.

我都有相同感受,其實樓主可以跳出個框框,嚮另一個角度去睇下,其實樓主的2老真的好關心你同bb.如果佢唔識用你地的熱水器都好正常,嚮佢地個年代無呢d野,你就應該平心靜氣去同佢地解釋點用,仲要多謝佢想幫輕你的心,樓主我以前都係咁諗架,唔想佢地掂自己任何一樣野,唔想佢地關心,覺得佢地好煩,我地有咁嘅諗法,係因為我地仲沒學識人情世故,我地沒成熟,你要聽多d其他你信任的長輩的意見,學下點去改變自己的思想,你第時就唔會咁辛苦了.

私人傳訊

joyjoyma

大宅

積分: 1190

8^#

發表於 09-2-10 19:33 |只看該作者

我同99未有b既時候感情都好好,生左之後就多左衝突,其實講就好似好小事,尢其係咁多年前,但果時又真係好煩,所以我好明白樓主感受,好似我地調教個b早點瞓:9:pm,正常呱,佢就好反對,要抱返阿b出來睇电視(幾個月大),11:30先瞓.我關燈瞓,佢就話阿b会驚要開燈瞓,最後比佢攪到bb的睡眠質素好差....到而家都係唔好. 無喇喇又話要買羊奶比bb飲. 工人煑好粥仔佢又靜雞雞加塩,又成日响奶到加料....最難頂係d迷信嘢.我知佢關心bb,但係有時佢唔聽人講,我買了好多揍仔書,有時都唔敢直接講,都係話:專家話,e生話,但佢又唔聽,仲話信人不如信下老人家.... 好彩,C6肯出聲,咁小事就算啦,嚴重d既事佢地講好多次之後都肯聽下佢個仔講.

私人傳訊

NicoleTszChing

大宅

積分: 2333

9^#

發表於 09-2-11 02:42 |只看該作者

其實我都覺得好小事o者~~
可能你係新任mami會比較緊張,但兩個老人家都係出於好意,唔想你咁辛苦~

我唔係同老人家住,未必體會到你o既苦況,
但就學行車一事,
我個囡4,5個月大時,我都考慮左好耐,比唔比佢坐.
我都有留意個d報導,專題,
而家係有專家唔太建議bb坐學行車,
除左因為bb脊骨未夠硬外,可能會引致o形腳.

但我mami都話,又唔係叫你由朝到晚都比bb坐,
只係坐一陣jei,佢地o個時湊b,個個都坐啦,又唔見有事!!
(況且因為係我自己湊囡囡,又要做家務,如果唔放囡囡落學行車,真係唔知可以放o係邊先係安全!)
或者因為出自自己mami口,所以覺得係喎,又o岩喎....
我自己細個時都係咁坐啦,又唔見我有事!

同埋,會唔會係你搵錯資料呀??
好少學行車係比1歲o既bb坐嫁喎....
好多都係for6個月~1歲.
因為到1歲左右bb已經學行,仲可以爬出車嫁啦!

我個囡已經係細細粒o個隻....(到而家16個半月大都仲比人問夠1歲未?!)
但佢都係由6個月坐到11個月度就無坐啦,
因為就算較到最高,亞囡都可以爬到出車lu!!!!!

同埋你唔駛咁緊張啦,
你咁緊張bb感覺到,bb都會識驚嫁~~
我個人認為應該放鬆d,
同埋大菌當細菌,細菌當補品.
我識有d mami過份緊張bb,而且好驚bb接觸到細菌,
攪到成家人好似有潔癖咁,屋企好鬼乾淨.
但個小朋友可能習慣左,攪到免疫力底,
一出街就好易病!!

原帖由 youfish 於 09-2-10 14:17 發表
我係同我老公o既阿爺阿麻一齊住..
初初我大肚o個陣都無乜野o既..
但係e+阿b出左世之後我就覺得佢地好煩..

bb咁細個多數都會成日喊呀..扭計呀咁啦.
佢地又要同我地爭住抱喎..
又成日話係咪肚餓呀..比奶佢食啦
大佬呀 ...