好激氣,激到我今日喊左出黎...,大家評下理我係咪真係咁衰
話說,我99同62前年感情出問題,99成日都發晒茅,唔係要生要死就喊苦喊忽(我都係女人,我都明白),每1次我同c6都會陪住佢同佢傾計(不論幾多點...試過半夜2,3點為左陪佢連個女訓左都叫醒個女一齊上去安慰佢),亦叫佢好好想清楚要走or留,佢決定留低時,我地都同佢講,日子一定唔好過要自己放開d,唔好太執著,唔係最辛苦都係自己,好喇,佢決定留之後,我同c6日子就唔好過,(我地同99唔係一齊住,但住得近),少少野唔0岩99心意or唔0岩聽,佢就發脾氣,咁都算,佢週圍話我呢個新抱唔關心佢都算(事實係如果每次打比佢唔係比佢鬧就比佢寸,我諗冇人會再送上門比人話掛),話我攪到佢個仔都唔關心佢都算(唔係佢次次講野都要激到自己個仔發晒火先收口,佢個仔點會唔理佢,仲有,阿99,每次你激到個仔發脾氣嬲你,都係我過2日見你個仔下左度火,叫你個仔唔好嬲打個電話比你問候下咋,,我都仲要比你個仔話我呀,唔係我做醜人開聲既,你個仔根本唔想再打電話比你聽你同62d野呀),好喇,佢為左mark實62,個個禮拜5,6,日(有時6同日,有時就5,6,日)都要去macau,但就要我上去佢度幫佢攪佢d寵物(佢d寵物要一早放出廳,夜晚放入房),雖然近,但我要湊女,1-5女女要返學我已經要早起身,星期6同日係我難得可以晏少少起身休息一下嫁,咁有時我又真係一早就約左人,咁我話佢知,佢就嬲我,大佬,我都有養寵物,養得就係困身嫁喇,我養左之後完全冇去過旅行添啦,呢d係自己責任黎嫁,而且冇可能因為佢要去玩而要我唔約朋友同家人掛(1個月1次我都可以接受,但佢係每個星期囉),今日又打電話黎同我講問我星期日得唔得閒,我同佢講我有個1x年冇見既朋友響加拿大返黎hk玩(係我一個已移民多年既好朋友),個朋友28號響canada上機,1/3會到喇,我唔得閒,叫佢問下佢個仔,跟住.....佢打電話比佢個仔係勁嘈囉,又話以前點樣幫過我地,又話我媽叫我陪去醫院睇醫生又得,又話我耍佢.....,c6講番我知,我真係好激氣,激到喊左出黎,佢再係咁我遲早唔係抑鬱就燥狂嫁喇,我上個再上個星期,先幫佢整完3日,當時我仲食緊中藥,個人累到死都幫佢,c6當時應承佢時都講過:如果係1個月次半次,我地又冇野做咪幫手整囉,嘩,一整就要我整3日,好喇,之後上個星期又問,我一早同佢講左,我媽咪坐骨神經有事,痛到行路都痛,我星期五下午要陪媽咪去專科睇醫生(早2星期已經book左果日見醫院專科),下午一定唔得,因為我唔知要等幾耐,費事趕唔切,佢把聲即刻變晒,好喇,佢今日又問,我推佢,佢就咁黎發神經,我真係心淡,我雖然唔係100分既新抱,但咁耐以黎,就算佢點話我,無論佢話得0岩與錯,我都唔會出聲話返佢,只會默默忍受,唔會博咀,見佢唔打黎,就算我幾唔想打,我都叫c6打電話比佢,c6唔打,我都硬住頭皮打去,大家話,我有咩錯,有咩咁衰?
99希望你知道,我好感激你曾經幫過我同c6,但你唔需要次次都掛響口邊話點樣點樣幫我地呀,我而家好後悔我地當日唔爭氣,骨頭唔夠硬,為左慳果少少銀行利息而問你借,攪到你個仔成日比你咁話,你知唔知當日你個仔要鼓起幾大勇氣先敢問你借?仲有我嫁比你個仔唔=係你家工人,我媽咪daddy好多時知道我累,就算有事都自己攪掂,希望可以比我休息下,等我可以精神d身體好d,我唔係介意去幫你,但我都有我既家人同朋友,我都會約左人嫁,你去macau玩係你既事,你唔可能每個星期都要求我一定要幫你囉,你今日真係太過份,第1,我媽咪係痛得好辛苦仲要返工,我陪佢睇醫生係好正常,而你,只係去玩咋,仲有,你唔駛返工,緊係唔明白我媽咪痛住都要做既辛苦啦,第2,我朋友係1x年冇見,我地上個月已經講好左,佢係今個月月尾返黎,大家仲話要返學校懷念下,我期待左1x年先見到呢個好友,你唔單止冇鄧我開心,你仲話我耍你?我好似冇應承你幫你整嫁,第3,你要同62去拍拖我唔反對,但點解次次都係去macau,hk唔可以咩,去睇戲食飯行街都ok嫁,點解一定要去賭先叫拍拖?我唔知響你心中點先為之1個好新抱,但撫心自問,我自己已經做得好好,我咁既大小姐脾氣,從來都冇向你發過,就算係今日咁嬲我都冇出過1句聲,我daddy媽咪做既野我覺得唔0岩,我都會出聲話,更甚既會發脾氣,就係我明白你係我99,我唔可以咁隨心所欲,所以每次我都只係唔出聲,我唔出聲都比你話我唔好,我出埋聲咪千古罪人?我媽咪daddy當我係寶,嫁比你個仔果陣,佢地係乜要求都冇,只希望我可以開開心心,但每次都係你令我唔開心,你要記住,對你唔住果個係62,唔係我同你個仔or你身邊任何一個人,你要發洩就搵返62唔好搵其他人,包括我,你上星期先講完話想大家一家人可以好似以前咁開心,但你今日又做左咩出黎?點解每次唔合你心意你就要咁?我如果要耍你,我可以完全唔聽你電話,但我冇,我抱住萬份一希望,希望你只係打電話黎關心下我地,但你唔係囉,你成日叫人企係你角度諗,但你又有冇企響我角度諗呀?我有我既家人,有我既朋友,難道我約左人就0岩咩?99你有冇諗過點解你身邊既人,一個一個咁疏遠你?99我只可以講,今日起,我對你已經完全失望心淡,我禽晚先同你個仔講叫佢打電話比你,問候下,但我以後唔會再咁做喇,既然我做咩你都唔高興既,我冇必要再做d c6講既婆媽野,反正做唔做結果都係一樣,都係激氣,我女女仲細,佢仲需要我,我唔能夠為左你而激出病,我仲需要照顧我美好既家,你如果睇到既,就自己諗下啦
because my 99 is the same like yours - NEVER self-satisfy, she is the most unhappy person in this world and everyone in this world owes her everything!! 
You must let her know that you aren't the maid of this family and if she doesn't resepct you, you won't respect her neither!! 
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
