吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康 › 婦女醫護› 子宮肌瘤開刀手術全記錄

婦女醫護今日: 1|主題: 34373

收藏本版

發帖

返回列表

跳至頁

查看: 36104 | 回覆: 56

子宮肌瘤開刀手術全記錄 [複製鏈接]

12 3

RilakkumaPoon

別墅

積分: 573

1^#

發表於 17-12-18 21:40 |只看該作者 |倒序瀏覽 |打印

本帖最後由 RilakkumaPoon 於 18-2-18 02:49 編輯

依家已經做咗手術兩個禮拜啦當初知道有子宮肌瘤後不停咁睇咗好多網頁知道咗好多知識令自己心裡更踏實我依家希望可以回饋大家分享番我嘅經歷

整編文字係用電腦語音輸入法輸入或許會有好多錯別字請大家多多包涵

我有一個17 cm大嘅子宮肌瘤生響子宮外面連接住子宮摸個肚到感覺得到除咗腸胃唔好同尿頻之外冇其他症狀月經正常
手術由伍菁華醫生幫我開刀做響嘉諾撒醫院住咗兩日半產科病房6人房包膳食

總收費大約七萬蚊當然醫生手術費會按個別情況而定因為我只得一個子宮肌瘤要切除或許未算最繁瑣

我本身都算怕痛但成個過程都唔太痛我估同醫生手勢個人體質肌瘤位置(我不用割開子宮) 甚至傷口長度有關我估計傷口長啲肚肌肉拉開少少已經有足夠位置做手術唔會令到嘅肌肉過份拉扯

落床一啲都唔痛只有咳同埋拆左鹽水(內含止痛藥)當晚覺痛第二朝一食止痛藥就唔痛全個過程我只食過一粒止痛藥亦冇打止痛針手術後冇嘔我出院後情況一日比一日好只係頭一星期郁動時會感覺傷口有少少拉扯同埋依家過左兩個星期傷口外面已經埋口裏面間唔中先會閃一下痛手術後亦完全冇影響條氣仍可正常及大聲講野帶腰封令脊骨舒服但係令傷口唔舒服所以冇帶開刀傷口都有15cm長始終要有空間攞個肌瘤出嚟傷口開得低著內褲可以遮住

醫生暫時開咗六個星期假比我如果四星期後情況好好我到時都可以返工

過程期間亦好感謝有論壇嘅朋友陪我更有一位同我同一日做手術所以能夠彼此分享更多即時感受對我幫助十分大亦記載咗我好多實時感受㗎

子宮肌瘤大
http://www.baby-kingdom.com/forum.php?mod=viewthread&tid=20708121&extra=&page=1

(子宮肌瘤）傳統開刀手術
http://www.baby-kingdom.com/forum.php?mod=viewthread&tid=20754929&extra=

心得

* 最緊要揀適合自己嘅醫生唔需要太急
* 住院床位選擇近洗手間位置比較方便出入除非嗰度病房嘅病床真係太近門口又成日開門先會比較嘈窗口位要加錢之餘又比較曬
* 拔鹽水之後要食止痛藥
* 腰封視乎醫生有冇指示要用我覺得腰封固定住條腰但行路時腰間會擺動當條腰扭動但又無位俾佢走個傷口就扯住痛
* 手術後1星期腸胃未恢復唔好食太多野
* 手術後頭一兩星期最好有人照顧飲食同幫手拎下嘢減少自己操勞加速痊癒
* 個人認為瞓或挨响床上傷口最舒服其次係坐企同行係比較痛跳同伸展對傷口會痛我會起碼半年後先做運動但兩星期開始要郁下d手同腳
* 手術後不宜穿太緊的褲和Leggings, 傷口會痛同容易生肉芽

0 0 0

私人傳訊

RilakkumaPoon

別墅

積分: 573

2^#

發表於 17-12-18 21:43 |只看該作者

本帖最後由 RilakkumaPoon 於 17-12-18 22:29 編輯

行事曆

************************************************
∼2009年：初次摸到肚有舊實實地嘅野網球大小偏左
∼2015年：腸胃不太好好易肚脹易飽月經正常無其他症狀
2017年：舊野大左可左右自由移動的側睡會移向左邊
************************************************
7月中：去旅行
8月4日：睇普通科醫生先轉介至腸胃科外科
8月17日：入院做腹腔電腦素描照胃照腸
8月25日：腸及胃正常電腦素描顯示有一15cm子宮肌瘤
11月15日：2:30pm 覆診準備安排12月頭做手術；3:00pm 打電話預約另一婦科醫生(1)
11月18日：轉睇婦科醫生(1)
11月20日：12:00pm 打電話再預約另一婦科醫生(2) - 但要排到1月；12:30pm 再問朋友介紹另一婦科醫生(3) - 伍菁華醫生
11月22日：打電話預約3位婦科醫生(2) (3) (4)
************************************************
11月24日：去睇婦科醫生(3) - 伍菁華醫生
11月25日：照盤腔電腦素描
12月2日：覆診看電腦素描報告預約後日做手術！！
12月4日：2:00pm做手術；3:30pm完成；整天臥床；10:00pm飲半杯水
12月5日：流質食粥；4:00pm拆鹽水及尿喉；6:00pm落床去洗手間，唔痛；半夜起身行痛
12月6日：軟餐清淡的食物；早上食止痛藥後唔痛；8:00pm出院
************************************************
12月7日：晚上終於有便便
12月8日：行動好d，但喉嚨痕，一咳傷口痛至標眼水
12月9日：再好d，但禽日行多左同咳過，攰和少少痛，即刻休息番多d
12月10日：已好好多
12月11日：痛返，因禽日又郁到個傷口多咗
12月12日：休息番多d又好番
12月13日：覆診，拆線消毒傷口，傷口埋得好好
1月13日：再覆診
************************************************

私人傳訊

RilakkumaPoon

別墅

積分: 573

3^#

發表於 17-12-18 21:44 |只看該作者

詳細心路歷程

發現

已經唔係好肯定幾時發現有肌瘤只係回想返好幾年前個肚都仲係好平我相信係大約2009年有一日瞓覺嘅時候摸到左邊有一個網球咁大實實地嘅野而當我去完尿尿時膀胱同埋嗰個實實地嘅嘢都會同時平反而且我又冇乜身體嘅症狀所以一路擺響度冇理到

2015年發覺腸胃冇咁好食少少野就飽但當時都唔係太為意亦都唔係好想面對亦有諗過係咪條腸塞住咗好多嘢所以變成咁

直到2017年覺得個幾樓好似大咗好多子宮肌瘤係可以活動嘅向左打側瞓嘅時候就會移咗向左而且我當時減肥有少少成績其他部分瘦左但係嗰個位置仍然好凸咁我見橫掂個腸胃都唔多號不如就決心去睇醫生睇下發生咩事

其實自己都估到有d事預計睇醫生後要戒口所以7月請咗大假去旅行食咗好多違禁品包括海膽魚生蟹膏雞肉我知如果真係有激素或者毒素都會响身體積聚但係真係忍唔到口

私人傳訊

RilakkumaPoon

別墅

積分: 573

4^#

發表於 17-12-18 22:01 |只看該作者

就醫

份保險有包專科醫生門診但需要普通科醫生轉介於是我8月頭首先睇普通科醫生醫生一睇我個肚咁大已經覺得係婦科問題需要做手術而且我每日都有便便應該唔會喺腸道嘅問題因為醫生知道我好大機會要做手術所以佢先轉介我去腸胃科專科外科咁可以順便照腸照胃如有需要會再轉介去婦科

去咗睇腸胃科外科醫生佢摸我個肚都已經認為我有子宮肌瘤但因為我話腸胃都有問題便便有啲唔係好規律所以佢都安排咗我8月中入播道醫院照胃照腸同照腹腔電腦素描結果腸同胃非常好完全冇瘜肉醫生手勢好好照腸照胃一啲都唔痛入院做電腦素描感覺仲好神奇有興趣可以睇下以下條link

電腦斷層掃描 CT Scan 全記錄
http://www.baby-kingdom.com/forum.php?mod=viewthread&tid=20863872&extra=

照腸當天嘅早上醫生早咗一個鐘黎我當時都未瞓醒有啲手忙腳亂佢帶埋電腦素描嘅底片過嚟底片顯示我有一個15 cm嘅子宮肌瘤喺近腹部嘅右邊睇落都非常大個中間有一部分重鈣化咗大概係網球咁大我上網睇鈣化係好事表示無血通過肌瘤枯死但亦代表肌瘤已經存在一段好長時間真正睇到身體裏面有個咁大嘅肌瘤清楚睇到個位置同形狀個感覺都幾怪下而且醫生話應該要做手術做完手術仲要休息幾個禮拜我先開始知道個嚴重性我同醫生講我真係要考慮下我全程冇喊過但有點茫然同自己講乜我真係有個咁大嘅肌瘤係身體牙

醫生安排咗播道醫院嘅婦科醫生响醫院巡房見一見我話嗰位婦科醫生下午應該會同我做婦科檢查出奇地婦科醫生同我講完嘢之後我問之後係咪會有檢查做？佢個樣笑得好奇怪然後就話今日冇檢查要做

之後我就跟腸胃外科醫生嘅指示十一月中再去覆診然後安排做手術嘅事宜到11月15日我就請咗半日假去睇醫生點知醫生仍然係想安排嗰位播道醫院嘅婦科醫生幫我做手術可能想內部轉介返俾自己人做但嗰位婦科醫生咁耐以嚟都冇理過我甚至冇叫我去佢診所度做檢查我唔知佢係咪連呢啲門診嘅錢都唔想賺定係佢覺得可能幫內地婦人開刀已經好夠賺因為我當時喺播道醫院見到佢有好多個病人嘅其中喺我隔離床嗰一位內地病人係做輸卵管切除手術佢當時好慘做完手術好痛原來傷口積住啲瘀血嗰位婦科醫生嘗試喺床位幫佢清除瘀血但唔成功要即刻再做多一次手術我聽到都鄧佢辛苦幸好佢做完手術都算精神而且夜晚瞓覺雖然覺得好痛但係都冇嘈閉閉不過我真係唔想有佢同樣經歷所以我冇信心搵嗰位婦科醫生做手術佢可能亦估到我唔會搵佢所以都冇理我於是我睇完醫生隨即打電話去約另一個婦科醫生好彩18號(星期六)就有得睇

呢位醫生係幫過我家姐做微創朱古力瘤手術我上到去診所原來星期六好多病人有一半係本地孕婦一半係內地孕婦我入到去醫生仲係好忙見到佢都係能幹，能夠一心二用嘅而且佢幾nice 都好主動話要同我做檢查又安慰我個瘤係纖維瘤唔使太擔心亦講咗畀我聽個手術會點做收費大概多少同埋如果開刀後發覺個肌瘤同腸胃有關會搵埋腸胃科醫生到場盡量唔會令收費太貴我原本都想即刻就簽同意書安排12月頭做手術因為當初已經安排好一切同公司預告咗12月冇咁忙會打算請病假萬一要休息超過四星期都可以用下年1月嘅病假屋企人方面亦係12月會比較得閒照顧我但醫生最後講咗一句話個手術都好易做嘅啫佢可能一心想安慰我但我當時覺得呢句說話會唔會係佢同自己講嘅呢會唔會係佢近排比較多做接生好少做子宮肌瘤手術呢於是我想俾自己有多少少時間考慮同自己講唔需要心急嘅就算唔能夠預期12月做手術最多就遲啲嘅啫冇乜大不了反而最緊要搵到一位適合自己嘅醫生

私人傳訊

RilakkumaPoon

別墅

積分: 573

5^#

發表於 17-12-18 22:03 |只看該作者

於是20號星期一我即刻問好朋友有冇婦科醫生介紹朋友好好即刻畀咗伍菁華醫生嘅資料我朋友形容佢有經驗唔多說話但實話實說朋友兩胎都係佢開刀傷口唔痛又冇發炎於是22號星期三我分別約咗三位醫生：

伍菁華醫生 11月24日 (我好朋友介紹)
方幸生醫生 12月4日 (論壇曾經有人推介佢仁心仁術)
江孟儀醫生 1月26日 (老公朋友推介)

24號見伍醫生嘅時候我同佢講話我都個肚有舊實實地嘅嘢佢話哎呀然後問我發現咗幾耐我話都有一段時間佢就問點解唔去睇醫生呀我話你冇乜症狀所以冇理到之後佢即刻幫我照超聲波話見到有個好大嘅肌瘤要做手術會開刀做之後再安排咗我照盆腔電腦素描 (CT Scan) 我隨即約第二朝去照一個禮拜後返去睇報告

伍醫生畀我嘅感覺係果斷精神有魄力真係實話實說嗰種人佢講嘢唔會好急語氣都算nice 但絕對唔會講或者聽多餘嘅說話程序上或關心嘅說話佢會留畀姑娘講而佢照超聲波仲非常之大力

一個禮拜後 12月2日(六) 報告出咗指我有一個好大嘅肌瘤醫生話要做手術叫我考慮下我話我都想做手術咁醫生問我想切咗舊嘢定係切子宮我話淨係砌切過瘤想幾時做？我問如果最快幾時可以醫生話最快牙星期一下晝有個手術室嘅期係佢嘅不過星期一會唔會對我嚟講太快我問如果唔係星期一做係咪就會等好耐醫生冇答咁我諗左陣醫生居然喺我原定想做手術嘅日子有期雖然時間好似好急但其實我已經有一段長時間嘅心理準備而且12月應該係最適合做手術嘅時候亦唔希望自己再拖所以我話星期一我可以嘅於是醫生同姑娘隨即打電話去預約並且喺診所抽血之後姑娘俾我閱讀手術程序及風險並簽署手術同意書臨走提我要帶入院信身份證 CT Scan 底片保險Claim form 並說明手術前6至8小時唔可以飲水同食嘢手術後一個禮拜內唔好食行氣活血嘅中藥否則會出血最好一個禮拜後先進補西醫冇主張戒口但中國人通常都唔會食太毒嘅嘢例如蛋同牛

成個過程好似book機票酒店去個短trip 咁！！後日(星期一)就做手術！！當時個心情真係又興奮又緊張又hyper
除咗細個做過手術外之後一直都未做過個心情有d唔知點咁我先去食個最後午餐定一定神當然又係叫埋d違禁品雞肉配蝦濃湯飯之後再whatsapp我老公老公都話下咁快我通知埋我上司佢哋都叫我放心去做手術其實我早喺8月已經提過會響12月冇咁忙嘅時候做手術同請病假

私人傳訊

RilakkumaPoon

別墅

積分: 573

6^#

發表於 17-12-18 22:05 |只看該作者

本帖最後由 RilakkumaPoon 於 18-1-8 13:31 編輯

入院前準備

返到屋企我開始執嘢行裝方面同去一個兩三天嘅旅行差不多帶咗：

一兩條鬆身容易著嘅連身裙做睡裙
一條厚身少少嘅鬆身連身裙出院著
一件有帽風褸外套
一兩條高腰薄身鬆身棉質內褲
一對襪及内衣
水樽及飲管 (自己載水飲，有需要先讓姑娘斟)
濕紙巾
半包特長夜用衛生巾 (最後入到嘉諾撒醫院有畀一包我)
半個檸檬 (手術後聞，止嘔，我最後冇嘔)
旅行裝洗頭水皂液
大小毛巾各一條
鬆弛熊♡
橡筋及梳
牙膏牙擦 (嘉諾撒醫院冇入院套裝送)
可帶個鎖鎖櫃 (我住間房個櫃冇電子鎖)
膠袋 (最後冇用因每個床位都有垃圾桶)

夜晚瞓覺嘅時候發咗個做手術嘅夢夢到做完手術後就算屈埋個身個傷口都唔痛點知一訓醒發覺原來仲未做手術嘅

到入院前一日(星期日) 我故作平常執下嘢睇下電視煲下果皮水心裡有份講不出嘅不自在於是上論壇同jm分享下到咗夜晚我又諗聽日嘅同樣時間我已經做完手術

我反覆諗聽日嘅流程會係點其實到咗聽日入院後就會有好多程序要做手術前都冇咩時間畀我去諗太多成個過程最驚就只係推入去手術室嗰一程而比較痛就只係打麻醉針嘅時候之後手術過程係全身麻醉基本上冇知覺之後瞓醒痛唔痛就冇得控制萬一痛又有止痛藥食我睇過d post話依家啲止痛藥好有效當我咁樣分析過件事之後個心舒坦咗好多於是就早啲去瞓

私人傳訊

RilakkumaPoon

別墅

積分: 573

7^#

發表於 17-12-18 22:11 |只看該作者

入院

嘉諾撒醫院比我想像中容易去我響屋企附近搭城巴去金鐘站再轉醫院穿梭巴士去比原定十點鐘早咗一個鐘醫院畀我嘅感覺好寧靜好舒服我入到去入院櫃檯只得我一個我遞上入院信後職員比價目表我睇同安排產科病房六人房大房俾我話如果窗口位就要加200蚊我睇過我份保險可以 cover 但我唔希望用到咁盡而且職員提我我個床位係比較近洗手間所以我最後都冇加錢同樣我份保險亦可以讓我住三人房但其他所有雜費可能會同時提升所以我最後都揀住大房

職員收取按金同響claim form上面吸印後就叫職員安排我上房想到2樓產科病房首先要入一間房驗尿姑娘同我脫毛俾左包衛生巾手術袍手術帽同埋手術後要著嘅網褲俾我後呀姐就帶我入病房六人大房喺走廊最盡頭沿途非常靜一入房右邊係浴室左邊係洗手間有兩格我張床就門口對住個張由於唔係貼住浴室同埋廁所房門又隔音病房又喺走廊盡頭比較少人經過所以非常之寧靜當時病房只有我一個人

床頭側邊有個衣櫃有衣架地櫃上面有熱水壺凍水壺同一個杯櫃桶入面有睇電視用嘅長線耳筒同額外點餐餐牌
我開始放好我嘅行裝去浴室沖下個身然後換睡裙訓响床等待迎接一連串嘅檢查上次入播道醫院照胃照腸時一入到去已經要照心電圖冇幾耐又抽血打靜脈注射用嘅針口以及隔一陣就量血壓好忙碌但今次我等咗兩個鐘都冇任何檢查要做做咗十一點半姑娘就過嚟同我灌腸佢用一個類似探耳仔嘅探熱針將裏面嘅灌腸藥物插入後面注射入去感覺有少少唔自在但未至於痛姑娘話唔好一有感覺就去最理想係等15分鐘等藥水藥力完全生效會去得比較徹底但如果真係忍唔到就去我兩分鐘後已經有想去洗手間嘅感覺四分鐘之後直頭冇辦法忍要衝去洗手間只係痾咗一次份量普通感覺未清晒

私人傳訊

RilakkumaPoon

別墅

積分: 573

8^#

發表於 17-12-18 22:14 |只看該作者

本帖最後由 RilakkumaPoon 於 18-1-8 13:36 編輯

做手術

之後又冇嘢做於是我同老公都瞓著咗原本老公當日工作好忙未必請到假我就話我自己入院都得最緊要係出院我自己冇辦法拎到重嘢先需要陪到最終佢都請咗成日假陪我好在佢響做手術之前陪响我身邊我個心都定咗好多之後鬧鐘1：30pm響我著好手術袍同手術帽裏面唔可以著內衣同埋戴首飾亦唔可以化妝搽指甲油等到2：00pm 阿姐推張床入嚟叫我自己坐上張床上面佢幫我將手術鋪後面嘅繩結全部鬆開然後我就瞓上去佢幫我蓋好被我同老公講拜拜佢就推我出去病房對出就係Lift 之後嘅一段路都唔係好長而且走廊係有少許彎曲感覺平和好多推到一道門前面佢撳咗個掣裏面嘅人問請問乜嘢事佢就答有病人嚟做ot 於是度門就開咗佢推咗我去一個開放式嘅地方等候嗰度留底唔係太高只得我一張床右手邊就係護士站我聽到類似關於手術嘅安排見到人來人往感覺比較忙同埋生活化唔似得推去走廊等待咁冷冰冰咁恐怖

回想起幾歲嘅時候喺伊利沙伯醫院做手術當時醫護人員推我去長長嘅走廊嗰度又凍燈光又暗又要喺走廊等候好耐再由一個擔架搬去另一個擔架繼續前進最後入到去手術室頭頂有一盞圓形嘅大手術燈裏面有好多個圓形燈嘅整個感覺都好恐怖再加上啲全身麻醉針係直接打喺右邊嘅腳掌面係我有史以來打過最痛嘅針之後隨即昏迷咗記得醒番之後成個人仲係非常之攰好模糊但有人嘈係會聽到瞓唔著但係又出唔到聲講嘢我仲記得當時咁啱有一班太太走入嚟我哋大房張枱度嘈喧巴閉佢哋明明唔屬於嗰間房幸好最終醫護人員趕番佢哋出去

返返嚟而家剛才度門閃開嘅時候我好似見到醫生隨即有位護士好nice 問我資料同我傾計仲話呀乜咁衰㗎用啲File責住人對腳等我話下佢哋先又有另外幾位包括手術室護士同我核對資料同埋問我知唔知做咩手術之後麻醉科醫生過嚟同我簡單講解問我有冇藥物敏感同我講手術後有需要可要求要止痛藥有需要就食唔需要忍之後簽好一份文件之後醫生過黎我見到佢帶咗對耳環添佢問我有冇人嚟陪我做手術我話我老公陪我咁佢問我老公而家響邊我話佢行開咗添咁佢話好啦如果做完手術我見到佢就同佢傾下如果唔係巡房嘅時候傾都得嘅醫生攞起咗文件然後行開咗我就繼續響床上面等冇幾耐有工作人員就㩒開手術室到門拉我張床入去手術室度門係紫色嘅一開門我見到一個好現代化嘅手術室非常新淨手術燈係由六個六角形拼合而成唔算好大棧當張床拉到平排手術室床嘅時候麻醉師叫我移上去手術室張床雙手打開綁實麻醉師好nice 同我講只係打靜脈注射針嘅時候會痛d嘅啫之後叫我握實拳頭然後鬆開佢開始打針在之後注射麻醉劑佢叫我深呼吸當注射咗一陣後我身體已經有啲感覺好似部分地方開始唔用得之後問我個針口痛唔痛我話唔痛姑娘隨即響我膊頭痴住兩粒係話畀心電圖用嘅麻醉師叫我再深呼吸多幾口我就唔知幾時開始冇知覺啦

冇幾耐我聽到醫生响我左邊同我講個手術做好啦我話喺？多謝你呀醫生我當時試圖想睜開眼但係感覺周圍係黑黑灰灰但又知道有嘢郁我感覺醫生講完嘢就移開咗響我正上方有姑娘講話而家嘅時間係三點半我話下咁快嘅咁姑娘話咁快咪好囉於是就有人推我返房我仲記得有人擺個file喺我左邊腰上面我隨即指下條腰搭lift途中我已經開始感覺到出入lift嘅震動同埋天花板上面嘅燈光當推埋床位時你估我第一個見到邊個？我右邊眼尾見到鬆弛熊♡ 咁我就肯定自己返咗自己床位喇之後準備過床我預咗可能會痛點知好穩定一啲都冇痛姑娘幫我著條網褲帶衛生巾我仍然著住手術袍做完手術嘅感覺非常之好我輕輕摸下個肚發覺原本有肌瘤嘅地方平咗個傷口又唔痛個感覺十分興奮明明麻醉藥仲有少少令我眼瞓我都唔捨得瞓我即刻whatsapp老公老公都話下咁快老公當時去咗食晏我哋大家都冇諗過手術好快做完之後我又同好朋友同上論壇報平安仲同同事whatsapp 告知手術完成我見到老公之後急不及待同佢講成個過程嘅感覺當時有d喉沙

私人傳訊

RilakkumaPoon

別墅

積分: 573

9^#

發表於 17-12-18 22:15 |只看該作者

住院

之後夜晚我仲繼續煲劇好鬼精神真係好幸運原來當日冇其他人入院變咗成間房得我一個最適合做完手術休息直到十點鐘姑娘入嚟都話我真係好精神其中一個話有一粒訓覺丸要我食我問唔食得唔得佢話醫生開咗要我食另一位姑娘就氹我話有水畀我飲順便叫我食藥佢仲話醫生好大可能會要我打止痛針我話我唔痛唔打得唔得最後姑娘十一點左右再過嚟問我需唔需要打止痛針我話唔使咁就冇打到啦

我成晚瞓得好好瞓到三點鐘又起身煲劇直到醫生過嚟巡房問我痛唔痛排唔排到氣我話好好一啲都唔痛排咗十幾次氣佢話吓十幾次㖭牙話我今日開始食粥先於是9點鐘有一杯白粥水之後11點左右又有一大碗粥水今次係有瘦肉味嘅粥水我只係食咗一半留返另一半四點先食之後姑娘提我想休息可以而家休息多啲因為晏啲就會有人入院又話我知下晝就可以拆尿喉痛鹽水然後可以落地去洗手間四點鐘姑娘同我拆鹽水同尿喉我仲以為了喉係好似一條友嘅飲管擺咗響身掹返出嚟就可以點知拆尿喉係痛嘅好似有支針筒經過身體咁其實姑娘手勢都好好叫我深呼吸然後一下就掹咗出嚟但我都"u"咗一聲姑娘都話插尿喉呢下比較痛啊可

姑娘話第一次落地一定要嗌佢哋陪因為大部分人都會覺得暈到六點我就開始落地好幸運落地嗰下一啲都唔痛行路都還可以去洗手間亦唔痛第一次姑娘要量度小便我有400 ml 應該合格之後返埋床姑娘走咗我仲行去窗邊影下相先至再瞓都八點醫生再嚟巡房我又話覺得好好傷口唔痛行路都唔痛醫生仲笑然後幫我換防水膠布話我個傷口埋得好靚醫生話知我琴晚瞓得好所以就唔開瞓覺藥畀我醫生走咗之後我九點左右再落床今次個傷口比之前有啲拉扯我不以為意因為瞓番喺床又唔痛直至我瞓到半夜三點起身去洗手間覺得個傷口痛未至於痛到行唔到但明顯係抽住

到第朝六點幾醫生過嚟巡房我話佢知琴晚半夜覺得痛佢話開始痛藥畀我然後寫紙畀我夜晚出院同我講今日可以食軟嘅嘢通心粉之類但唔可以食太多臨走仲捉一捉我隻手但我都唔敢食多只係食咗半碗之後食藥食完藥會有啲心跳之後就再冇痛過不過經過全身麻醉後會感覺喉部不適個喉嚨會突然好痕就算飲水都仲係痕於是咳一兩下痛到我標眼水都下晝六點我老公放工嚟接我出院我哋先去五樓會計部畀錢同埋攞收據之後返去病房姑娘畀返啲報告同埋肌瘤嘅相片畀我就可以出院我download咗星群的士App 注明要緩慢行駛冇幾耐已經收到電話回覆喺個group度亦都見到架車去到邊架車好快到達車廂空氣清新司機好有禮貌駕駛好穩定當有少少震嘅時候我即刻用手按住傷口

私人傳訊

RilakkumaPoon

別墅

積分: 573

10^#

發表於 17-12-18 22:16 |只看該作者

本帖最後由 RilakkumaPoon 於 18-1-8 13:38 編輯

出院後

我以為放病假可以係咁煲劇點知頭一個星期因為傷口仲係扯住要就住嚟行我每日全副精神都貫注响點樣小心行路同沖涼唔好攞重嘅嘢唔好烏低身唔可以踎低盡量唔好行咁多全力休養令傷口休息以最快速度復原我個人認為瞓多啲或者挨喺床多啲係最好嘅就正如整親手指我哋都唔會刻意去郁多啲隻手指返為唔會用咁多隻手希望個傷口唔好爆開事實上我以為嗰日好番啲就不自覺行多咗嘟嘟第二日就會感覺傷口攰啲痛啲於是我休息返多啲再隔一日係會明顯好轉嘅

依家已經啱啱過咗兩星期行動力方面好咗好多起初落床我要將個身打側之後再用隻手撐起慢慢坐低先可以企喺度依家整個動作都快咗好多無需要咁多精神放喺行動方面個人開始有少少悶可能係局限咗係一個地方冇咩活動就會有呢種感覺

我家姐做咗微創朱古力瘤手術佢提我3星期後最要小心唔好以為好返行番平時咁快之後就會感覺到裏面其實係未好番會痛嘅我家姐就覺得帶咗腰封行路返工舒服啲我諗係因人而異

至於第一次大便我冇痛只有些便秘感聽講好多人頭十幾日都會有便秘或者肚瀉
第一次小便就丁點吉少少血塊之後有痛第3日至第七日都有血好似經期咁樣我依家未肯定係手術後嘅血定係經期

私人傳訊

RilakkumaPoon

別墅

積分: 573

11^#

發表於 17-12-18 22:18 |只看該作者

本帖最後由 RilakkumaPoon 於 17-12-18 22:32 編輯

覆診

出院後一個禮拜去覆診醫生搣咗防水膠布然後我聽到頭尾兩下較剪聲之後搣咗打動嘅膠紙然後用棉花原住開刀傷口消毒整個過程都唔痛之後我以為醫生會換過一塊防水膠布畀我點知佢只係貼咗八條打直嘅膠紙嗰啲膠紙好似一啲手工美術紙咁樣嘅質地黐完之後膠紙與膠紙之間係有空位嘅姑娘話就咁直接沖涼就可以我估因為傷口外面已經埋口醫生話我個傷口埋得好靚我問醫生傷口附近好似冇乜知覺佢話因為開打橫開刀會整斷咗啲神經線我又問肚臍對下少少按落去有啲痛佢話因為我個肌瘤大去到肚臍附近嗰個位之後就再同我照腹腔超聲波今次大力壓落去我覺得腹部有啲壓力嘅痛醫生畀返化驗報告畀我冇特別解釋我睇到上面寫話個瘤冇證據顯示會惡化最後讀到個大少係17 cm 有成七百幾gram 大概一點六磅醫生畀咗六個星期假紙我四個禮拜之後大概一月中會再去覆診到時我可能會問幾時可以開始做運動不過我自己為咗安全起見至少6個月先至會開始做運動

私人傳訊

RilakkumaPoon

別墅

積分: 573

12^#

發表於 17-12-18 22:20 |只看該作者

本帖最後由 RilakkumaPoon 於 18-1-8 13:40 編輯

飲食

我本身都預咗12月做手術之後諗住起碼戒口三個月所以7月去咗日本旅行食好多海膽同魚生 9月至11月期間我都盡量食啲鍾意食嘅嘢尤其是食好多違禁品例如雞蝦海鮮生冷野垃雜嘢等做手術前一個禮拜咁啱奶奶煲咗冬蟲草水魚湯正好為手術前補補身我喺論壇都見過人話手術之前一兩個禮拜飲定花膠湯補身手術後就會快啲好番冇咁痛

手術前一日我刻意食得比較清唔希望手術後個肚脹住又去唔到洗手間其實如果可以的話手術前唔好令個人咁肥會更加好因為手術後郁動比較少就算食好少嘢都唔會消耗好多所以唔會好瘦

手術前6至8小時唔可以食野飲水咁我喺前一晚六點後已經冇食嘢但至於水我第二朝早七點起身都有飲一杯水

手術第一日唔可以食嘢晚上只係飲咗半杯水

到第二日朝早可以食流質我當時都唔肚餓但係醫生同姑娘就安排咗杯粥水畀我飲仲問我夠唔夠我覺得一杯仔已經好夠講到粥水我好鍾意食播道醫院嗰碗唔知點解佢可以煲到非常之有米香個感覺近乎係米漿咁樣係非常之難做到呢點嘅但嘉諾撒醫院都唔差啲粥水算係杰嘅都十一點又有碗粥水今次碗粥水有瘦肉味嘅都幾特別不過我當時都未覺得我趁熱食咗少少就留番大半碗四點先食嘟嘟六點終於有一碗瘦肉粥食啲瘦肉係細細粒咁樣啲米就係傑身嘅比起之前啲粥水有味好多我忍唔住成碗食曬

第三日可以食軟餐終於有通心粉食啦但醫生提醒過我一開始都唔好食咁多住碗通粉係分開湯上嘅我食一啖即刻感覺自己係活著嘅

嘉諾撒醫院係包埋單食嘅所以食完早餐之後姑娘就畀另一張表我揀今日嘅午餐同晚餐亦都係我好期待嘅時刻午餐西餐有鮮茄燴牛柳配合薯時蔬中餐就有馬蹄蒸肉餅配時蔬白飯咁我揀咗中餐晚餐西餐有煎魚柳配檸檬汁配炒薯同時蔬中餐有西芹金針炒雞柳配時蔬白飯晚餐我揀西餐因為我想戒口戒得清啲只會食豬魚蛋同菜

餐點嘅份量非常適中健康冇咩油嘅菜飯同肉每樣都只有一個拳頭咁大嘅份量而且烹調方式非常清淡初初過肉餅上到嚟嘅時候我覺得咁奇怪嘅個肉餅做到好似個漢堡扒然後切開咗四塊好似啲鯪魚餅咁樣實實地但又唔爽嘅後來我再睇下原來係將啲豬肉搞到好碎然後造成一個肉餅冇渣唔需要咀嚼太多方便病人食而白菜係焯嘅但係有少少咸味對於我啱啱做完手術來港呢個調味已經十分足夠諗落成個餐係非常之有愛心為病人設想嘅餐單講真好精美或大魚大肉嘅餸菜其實唔太適合病人食要食我寧願出院先食醫院亦有其他自費嘅餐單選擇有一般茶餐廳炒嘢有素食亦都有為產婦而設嘅營養餐同埋滋潤湯水

出院後原本打算淨係食豬肉魚飯烚菜唔食海鮮食多啲正氣蔬菜例如節瓜同菜心但係近排買唔到靚菜心
湯水方面諗住一日飲清潤嘅湯另一日就飲魚湯隔住隔住咁樣對於消化會更加好

頭十日只係每樣野食咗拳頭咁大嘅份量但都覺滯有時甚至滯到好似出街食飯太油嗰種滯於是打後我每餐只食總共一個拳頭份量嘅食物個人舒服返好多之後幾日我胃口又慢慢開始好番感覺聆聽自己身體嘅聲音好重要
原來全身麻醉手術後初期會影響到腸胃加上運動量又極少所以容易便秘肚脹及肚瀉
應該避免食油膩粗纖維或者產生氣體嘅食物例如十字花科菜(西蘭花椰菜花椰菜黃芽白) 番薯西芹豆類過多嘅肉類等等

以下係我出院後嘅飲食：
第四日：瑤柱粥青提子蒜蓉炒菠菜梅菜蒸肉餅花膠魚湯我只食咗一兩塊細花膠
第五日：合桃提子包翠玉瓜煮豬肉清蒸石蚌魚花膠魚湯(淨湯)
第六日：花膠魚湯冬蟲草燉瘦肉湯車厘子蒜蓉炒菠菜麵豉蒸排骨 (我只食咗3粒，冇食d麵豉)
第七日：紅肉火龍果瑤柱粥菠菜蒸魚紅菜頭粟米紅蘿蔔瘦肉湯
第八日：魚湯米粉紅棗水豬潤瘦肉焗飯
第九日：紅菜頭湯螺絲粉番薯蒸魚西蘭花炒肉片鮮魷我冇食啲鮮魷
第十日：魚湯螺絲粉車厘子蒸魚黃芽白炒魚鬆豬潤水木瓜魚湯
第十一日：半個蕃薯一盒乳酪一個細飯碗飯餸
第十二日：一盒乳酪三分一個蕃薯魚湯米粉一個細飯碗飯餸

果皮水：

我每日都有飲最好一開始食野就飲對於消氣消肚脹好有效依家飲左個幾星期
果皮用自家曬(幾年以上) 或中價海味藥材舖頭買嗰d 時間越耐嘅果皮煲出嚟嘅水越香醇
一塊果皮沖乾淨用熟水浸過夜之後可以試下啲浸果皮水苦唔苦如果唔苦可直接用如果苦略略刮左d囊唔好刮晒刮晒會冇味
四碗水滾起加入剪碎嘅果皮煲30分鐘煲好焗一陣先飲會比較出味可以當茶葉咁煲多兩次
煲第一轉或第二轉時會加埋浸果皮水一齊煲果皮水飲落好香醇一d都唔苦自家曬果皮仲會有d果香撲鼻中價海味藥材舖頭買嗰煲起有紅豆沙入面嗰種陳皮味

炒米水：

返工後準備飲炒米水十穀米用白鑊炒乾(唔落油) 然後放喺保暖杯沖熱水焗住之後飲嗰啲米水有助補氣

另外有以下提議，我返工後都會繼續煲黎飲：

石崇魚湯
牛秋魚湯
雪梨瘦肉湯
薏米冬瓜豬展湯
合掌瓜粟米紅蘿蔔無花果瘦肉
蒸釀魚肉節瓜
肉碎魚湯煮節瓜
魚湯浸菜心
菜心煮豬肉

三個月之後我都會盡量戒口未必會完全唔食雞但只會食有機同埋冇打針嘅雞唔會再食外國人嗰啲好大塊嘅雞胸雞扒其他多激素嘅嘢都盡量少食一件起兩件止就算好健康嘅嘢我依家都唔敢日日都食會唔同食物每樣食下份量亦食少啲

私人傳訊

RilakkumaPoon

別墅

積分: 573

13^#

發表於 17-12-18 22:25 |只看該作者

本帖最後由 RilakkumaPoon 於 18-6-7 23:01 編輯

感激屋企人照顧及感慨

經過今次做手術唔多唔少我都感覺到身邊有邊個對我好

我老公原本12月應該冇咁忙但撞啱住院嗰幾日佢特別忙佢都臨時抽時間照顧我陪住我我亦盡量唔要佢咁操勞探我一陣就可以走其餘我有能力做到嘅我都自己做之後返到屋企佢都盡量唔使我行嚟行去拎啲重嘢準備定早餐午餐盒畀我又洗曬啲碗第一次自己洗襪每日都拖好廁所塊地以免我滑倒我好感激佢嘅照顧

另外多得奶奶每日過嚟煮飯我食燉湯畀我飲令我食得健康可以盡快補充返

我家姐姐好熱心好關心我仲即刻攞個腰封畀我用

而令我有啲感慨嘅係當自己唔能夠照顧自己嘅時候想做嘅事做唔到一定要人幫但人哋又唔幫嘅時候嗰種感覺唔係幾好受

我係我去覆診嘅時候有啲男人竟然趁我行得慢想過嚟佔我便宜又或者呃我錢真係唔要得
響地鐵亦都冇乜人讓坐但亦都有一啲好心嘅途人兩位女仕主動上前關心我叫地鐵職員幫助我有位男士亦幫我執返啲醫療報告

我之前試過整親隻腳 Lift入面啲男人見我行得慢都唔撳住㗎lift 由得㗎lift夾我我諗我要習慣一d人見人有事都唔幫係常識

嘗試放慢節奏

希望手術之後自己無論係生活或者工作方面都放慢節奏唔好過份執著或者緊張有事就不妨直率表達唔好鬱喺個心裏面

返工後情況

都有擔心初初返工會唔習慣或者會容易覺得攰到時返工後再同大家更新嘅情況

[3星期後更新 - 12月24日]

行動力同精神都好左好多，今日出左街幾個鐘。

我每日都飲果皮水，個肚時平，時脹，時實，終於今日第一次感到個肚鬆返d，似減緊肥嘅狀態。

未用去疤膏，暫時傷口好似一條線咁，有d凹，周圍肌肉有d脹。

[7星期後更新 - 1月21日]

6星期後覆診，醫生搣晒所有膠布，照左子宮大細回復正常，之後開咗Dermatix去疤膏俾我早晚搽，用咗一星期，疤痕好似淡色咗d。

返咗工一星期，感覺行得自在左好多，開始敢唔扶住野行，亦放心行樓梯同做簡單運動 (不用到腰的)。初時頭一日返工，可能啱啱郁返，行得比較慢，兩隻腳吞下吞下咁。

我本想提早返工，但幸好無。我手術後第二次m比平時多同痛，而且返到公司又唔係成日撞啱同事可幫手開門或搬野，真慶幸自己休養足夠同用到下力先開始返工。

依家係過份扭動，伸展，或間中坐坐下傷口先會閃一下痛；著橡筋頭鬆身褲最舒服，過緊或無彈性嘅襪褲令我傷口痛。
[10星期後更新 - 2月9日]

依家已經返咗一個月工感覺個人靈活咗精神咗但間唔中坐喺到個傷口都會閃一下痛或者唔覺意擰下個身都會痛仲有我已經停止咗做運動因為我發覺就算簡單到踏步或者打開手嗰啲動作其實都會拉到個傷口

至於傷口方面都算埋得幾好依家好似一條小小凹嘅線左邊有少少粉紅色而右邊近住之前個瘤嘅位置嗰邊傷口有 1 mm到嘅肌肉增生好彩冇繼續落去依家都平平地

[11星期後更新 - 2月17日]

行路已好好多，傷口行路及蹲下都大致上無痛了，會繼續避免拿重物。另外，保險差不多完全賠足，實在太好了。

[半年後更新 - 6月7日]

依家好返，開刀疤痕都算復原得好，開始做返運動。但做腹部運動時仍感到傷口是存在的。

私人傳訊

TingTing

水晶宮

積分: 55177

14^#

發表於 17-12-20 15:57 |只看該作者

好詳細......感謝你....

睇到眼濕濕

...好似人生路上過左一關

祝福

私人傳訊

RilakkumaPoon

別墅

積分: 573

15^#

發表於 17-12-20 20:01 |只看該作者

TingTing 發表於 17-12-20 15:57
好詳細......感謝你....

睇到眼濕濕...好似人生路上過左一關

太客氣了，感謝你捧場至真

我用電腦語音輸入，唔覺唔覺講咗一大段野出黎。

雖然唔算走過生死，但都算係一個經歷，俾自己一個新嘅開始。回想起原來都只係兩個禮拜前嘅事。

你幾好嗎？我依家戒緊口，諗住戒到幾耐就幾耐。

私人傳訊

ginger2006

珍珠宮

積分: 31926

16^#

發表於 17-12-20 20:51 |只看該作者

回覆樓主:

Rila~好詳細，這經歷我冇勇氣試，你現在有新開始確實高興，Merry Christmas

私人傳訊

Vin仔媽

寶石宮

積分: 462772

馬年勳章 2026勳章 2025中秋節勳章父親節2025勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章 2021可愛聖誕B勳章牛年勳章 2018父親節勳章 2018母親節勳章 2018復活節勳章開心吸收勳章 hashtag影視迷勳章大廚勳章畀面勳章 BK Milk勳章 15週年勳章