想生BB 今日: 1|主題: 109646

收藏本版

發帖

返回列表

跳至頁

查看: 43715 | 回覆: 98

想知政府ivf流程同收費？ [複製鏈接]

12 3 4 5

Mamachanchan

大宅

積分: 2653

1^#

發表於 18-3-5 00:05 |只看該作者 |倒序瀏覽 |打印

有無JM最近係威爾斯到做完ivf呀？
或者其他醫院？
可以分享一下流程同收費嗎？

0 0 0

私人傳訊

Glo722

複式洋房

積分: 267

2^#

發表於 18-3-5 17:00 |只看該作者

我係廣華做，排政府，都等咗幾年，我先係家計會到睇，佢會問返啲情況，一般結婚後1年都未有懷孕就會轉戒你去政府，佢會有埋半私家同政府俾你選擇的，我揀係政府，費用大約係$8000左右

私人傳訊

Mamachanchan

大宅

積分: 2653

3^#

發表於 18-3-5 23:39 |只看該作者

Glo722 發表於 18-3-5 17:00
我係廣華做，排政府，都等咗幾年，我先係家計會到睇，佢會問返啲情況，一般結婚後1年都未有懷孕就會轉戒你 ...

本帖最後由 Mamachanchan 於 18-3-5 23:40 編輯

咁你係一開始比8千？
有無揀要到錢嘅藥呀？
成個ivf過程係點？
我見有長方案同短方案分。

私人傳訊

Glo722

複式洋房

積分: 267

4^#

發表於 18-3-6 12:00 |只看該作者

分幾次比架，可以揀藥，佢有隻針係打肚皮，話無咁痛，皮下注射，另加6000蚊，可以拎返屋企自己打或每朝返醫院打，但姑娘話肌肉注射嘅藥同皮下注射嘅藥，藥性係一樣，只係痛啲同無咁痛

如果選擇政府，我上年開見醫生，當時係36歲，因做政府會睇年齡，因當時去家計會先，佢會計歲數到正式見醫生時大約幾歲（一般排2-3年），當時我剛剛好趕得切，到正式見醫生前會先做啲檢查，再決定係做邊一種，我當時做晒檢查後醫院就決定我做ivf,到正式見醫生時，會先要聽講座，講解成個過程係點樣做，而我聽完後選擇咗用政府嘅排卵針，即係肌肉注射，我覺得無乜點痛，我本身係唔怕痛嘅人呀

到正式開始打排卵針，每朝早0800~0900返醫院，等姑娘打針，打完就走得（打咗9日），醫生會安排照超聲波時間（打針第1日開始計第7日照），會mon住你啲卵子情況（第10日再照），到卵子大細合適時會叫你返去打破卵針（第11日再照，破卵針係晚上返醫院打），因我打完有卵巢刺激過度症，所以醫院打嚟叫我當日晏就返醫院買過另一隻藥，然後夜晚再返去打，破卵針係打肚皮（姑娘話我轉咗個隻藥性，大多數人打完都話痛，包括我在內，都真係幾痛），到第2朝8點再返醫院做抽卵手術（第12日抽卵），當日先生都要一齊返去，因要交精，抽卵過程會打鎮靜劑同止痛藥，放心個過程係會訓覺基本上係無感覺，但可能藥效對我嚟講比較弱，我差唔多臨尾聲時醒醒地，所以有啲感覺，抽完之後醫院會即刻進行培植，做完之後需要係醫院訓幾個鐘，其間姑娘會check，先生都可以留係到陪你，因為唔落得床，就要靠先生去買嘢食醫肚，訓到差唔多姑娘會話你知走得，出院需要人陪同先可以出院架，隔2日會再返醫院見醫生，醫生就會答你左右一共抽咗幾多幾，有幾多粒係成功培植到，有幾多係唔得，當時我一邊抽6粒，另1邊抽咗7粒，最後有5粒係成功培植到為杯胎，之後就係等嚟M嘞，嚟咗就打返醫院，因為我有刺激卵巢過度症，所以早咗嚟M，醫院就電話通知我再等下一次經期先，等啲荷爾蒙低返去正常值先再返醫院放杯胎，成功率會高啲，所以我等到下一次經期再打返醫院，最後我係1月27日返醫院放胎，我5個杯胎都只係去到3日胎，開頭第1個醫生就建議如果3日胎就放2粒，5日胎就放1粒，因5日胎個成功率會高好多，但見另1個醫生就話因我第1次做，其實都未知係咪我佗唔到，就先不如先放一粒啦，最後放咗1粒，另外當時見醫生，醫生就話佢地做緊個統計，就係落膠水（即是透明質酸，會體內自然分解唔會傷害身體，但過往嘅報告所得成功率會再高啲）問我參唔參加，但係無得選擇加定唔加，因為會同時有2班人，一班係有加，一班係無加，結果會係完晒個過程後先會知自己係有加定無加，當然我就參加咗啦，因為都無壞，當多個機會比自己，最後醫院叫我2月9日返醫院驗孕，而我就偷步由2月4日，每日開始驗（因為無聊做下實驗，一般幾多日先會驗出），到2月8日偷成功咗，到2月9日朝再驗，都係2條線，到而家就嚟8周啦，暫時佗住個孖胎（我係自然分裂），因為未穩定，所以用住暫時呢個詞語，希望2個寶寶平平安安，健康咁出世啦，希望幫我嘅解答幫到你啦