婆媳關係 今日: 0 | 主題: 27784

積分: 11724

1^#

發表於 09-4-11 17:33 |只看該作者 |倒序瀏覽 |打印

我同99關係幾好，基本上一個星期見成四、五次。62就一般，但係間中都會同佢食下飯，同帶埋阿仔同佢同99去街，不過就唔會俾佢地兩個自己帶阿仔去街。99果邊好多親戚，亦間中有同佢地飲下茶。我唔係一個鍾意熱鬧o既人，尤其同99果邊d親戚又唔係話好多野傾。雖然唔會成日見佢地，但係間中都一定應酬下。不過我覺得老公就好唔識做，成日攪到我好似係衰人咁。好似有次我地一家三口去街，99打o黎話同埋佢兩個妹行緊街，話想見下阿仔，咁老公話同佢地食tea，我都話冇所謂，不過就講明淨係食tea，唔想食埋晚飯，叫定老公一陣唔好亂出聲。老公話就話好，點知去到佢地問一唔一齊打邊爐，老公即刻話想去，之後問我點，然後又話都係唔去，咁係咪係人都覺得係我唔俾佢去~有時對住6299又係咁，o係佢地面前講野唔經大腦，令佢地覺得我唔鍾意佢地咁，咁我做咩都冇用啦!老公話佢係有果句講果句，但係我覺得係佢做人唔夠圓滑，甚至我覺得佢係因為想自己做好人，而要我做衰人囉.........

0 0 0

私人傳訊

張家大少奶

積分: 406

2^#

發表於 09-4-11 19:02 |只看該作者

你老公冇係你立場去想多一想
唔夠細心, 令你難做.

私人傳訊

積分: 11724

3^#

發表於 09-4-11 19:41 |只看該作者

原帖由 張家大少奶 於 09-4-11 19:02 發表
你老公冇係你立場去想多一想
唔夠細心, 令你難做.

最弊同佢講左，佢都覺得自己係冇問題，仲大條道理，話佢係有果句講果句，做人應該咩都攤開o黎講。但係我就覺得，好多時本來相安無事，但係就係佢咩都要同人講到明，無端端俾佢攪到大家之間關係變差.....

私人傳訊

miffymiffy

瑪瑙宮

積分: 131850

好媽媽勳章醒目開學勳章畀面勳章環保接龍勳章親子達人勳章 BK Milk勳章

4^#

發表於 09-4-11 22:17 |只看該作者

原帖由 mikitten 於 09-4-11 17:33 發表
我同99關係幾好，基本上一個星期見成四、五次。62就一般，但係間中都會同佢食下飯，同帶埋阿仔同佢同99去街，不過就唔會俾佢地兩個自己帶阿仔去街。99果邊好多親戚，亦間中有同佢地飲下茶。我唔係一個鍾意熱鬧o既人，尤其同99果 ..............我都話冇所謂，不過就講明淨係食tea，唔想食埋晚飯，叫定老公一陣唔好亂出聲。老公話就話好，點知去到佢地問一唔一齊打邊爐，老公即刻話想去，之後問我點，然後又話都係唔去，咁係....

算啦, 唔好放係心. 咁你老公自己同屋企人一齊長大, 咪覺得無乜野囉, 當時你老公真係好想去打邊爐, 但係又怕你唔鍾意, 咪之後又話唔去囉~

咁你當時想唔想都好, 都跟你老公同一答案, 最多返到屋企先解釋俾你老公聽.

其實... 男人無咁計較呢d 小節, 佢地會覺得 "女人" 麻煩咋

私人傳訊

積分: 11724

5^#

發表於 09-4-11 23:20 |只看該作者

原帖由 miffymiffy 於 09-4-11 22:17 發表
算啦, 唔好放係心. 咁你老公自己同屋企人一齊長大, 咪覺得無乜野囉, 當時你老公真係好想去打邊爐, 但係又怕你唔鍾意, 咪之後又話唔去囉~

咁你當時想唔想都好, 都跟你老公同一答案, 最多返到屋企先 ...

因為我就係知佢係咁，所以先一早同佢講定。佢話想去時，我都同佢講佢可以去，我唔會唔俾佢去，佢去我都唔會唔開心，但係佢就話完想去，又話唔去，等全世界都覺得係我唔俾佢去咁......

私人傳訊

060905

男爵府

積分: 6052

6^#

發表於 09-4-12 01:13 |只看該作者

mouth:mouth:" /> 唉.... d男人係咁架, 好多時我同c6都講好數, 佢轉頭又唔記得..... 我多數都係黑面囉, 我成日都做衰人..... 佢地男人梗係無所謂, 煩唔係煩佢地, 俾說話聽又唔係佢地, 佢地梗係覺得無問題架, 好多時都俾佢地d男人「激死」。

私人傳訊

瑤瑤~

珍珠宮

積分: 49369

醒目開學勳章環保接龍勳章 15週年勳章親子王國15週年勳章

7^#

發表於 09-4-12 04:03 |只看該作者

有時d男人係咁架....衝口而出....佢緊係無所謂啦....0個d係佢由細對到大既屋企人嘛

做人新抱甚艱難....有咩唔岩男家都入晒我地數架啦:;pppp: :;pppp:

私人傳訊

積分: 11724

8^#

發表於 09-4-12 09:47 |只看該作者

雖然我唔係真係話對6299十分之好，但係都儘量做啦，99一星期上我屋企幾次，唔係就生得，我都成日陪佢食飯行街。62鍾意影相，我間中都同佢地一齊帶阿仔去郊外，係唔鍾意見到老公個細佬姐，老公都成日話"你可唔可以對我屋企人好D......"，咁佢唔知幾耐先會見我屋企人一次，就算返去食飯，都係臨開飯先出見，食完一陣就鬆人，佢又覺得冇問題喎，佢話覺得返我阿媽度悶，咁我對住佢屋企人就唔可以悶o既。除左6299，仲要對晒佢所有親戚好，淨係99都5個妹1個細佬，間中又要同佢阿婆飲茶，有時我都主動話去探佢阿爺啦~有時D大班人活動我唔想去，都係咁叫佢去，但係佢自己又話唔去，之後又怪我攪到佢同d親戚少見左，咁即係一係要我屈服陪佢去，一係就要我做衰人，點解做人係咁唔公平........

私人傳訊

vvnip

積分: 310

9^#

發表於 09-4-12 13:52 |只看該作者

原帖由 mikitten 於 09-4-12 09:47 發表
雖然我唔係真係話對6299十分之好，但係都儘量做啦，99一星期上我屋企幾次，唔係就生得，我都成日陪佢食飯行街。62鍾意影相，我間中都同佢地一齊帶阿仔去郊外，係唔鍾意見到老公個細佬姐，老公都成日話"你可唔可以對我屋企人好D.... ...

所以我都話啦, 做女人真係唔抵! d衰佬唔會話企我地果邊諗下, 有時激氣到死, 佢都覺得我多鬼餘.

佢有無好似我對佢家人咁對番我爸爸媽媽?? 我c6兩個月先同我媽飲一次茶, 佢地成家就一星期兩次. 去旅行無問下要唔要買D野比外父外母食. 但係佢父母就多到食唔晒.
我嫁左人, 生就係人地既人, 但係人地又唔當我係屋企人, 真係諷刺, 做左孤魂野鬼.

私人傳訊

sandy1425

珍珠宮

積分: 41032

好媽媽勳章大廚勳章

10^#

發表於 09-4-12 16:56 |只看該作者

你c6好衰lor

私人傳訊

積分: 11724

11^#

發表於 09-4-12 17:16 |只看該作者

C6仲話，同6299見面，唔係量o既問題，係質o既問題，即係佢地唔想我o係度，淨係想見我個仔，嫌我"阻頭阻勢"，阿仔未出世，62已經講定，要同阿仔同99三個人去迪士尼.........我話"最好我俾埋個仔佢地o丫嘛~"

私人傳訊

vvnip

積分: 310

12^#

發表於 09-4-12 18:10 |只看該作者

原帖由 mikitten 於 09-4-12 17:16 發表
C6仲話，同6299見面，唔係量o既問題，係質o既問題，即係佢地唔想我o係度，淨係想見我個仔，嫌我"阻頭阻勢"，阿仔未出世，62已經講定，要同阿仔同99三個人去迪士尼.........我話"最好我俾埋個仔佢地o丫嘛~" ...

哈, 我99都係話要帶阿B去迪士尼! 所以呢個係通病, 老人家硬係唔會理BB個媽媽心裡會有點不舒服, 男人(C6&62)唔明都正常, 但係99係女人, 佢都做過人阿媽, 應該明, 但就成日都唔通氣囉! 你C6

咁既說話都同你講, 咩野質既問題呀, 無老婆又會有個仔既? 你唔好覺得唔開心, 唔使去仲好, 自己realx下.
我不知幾想我果D"親人"叫我唔好去, 不過到時唔見人又會有說話聽: "做乜唔去探6299呀?" or "做乜成日唔見人呀, 又去街呀?"

私人傳訊

積分: 11724

13^#

發表於 09-4-13 11:13 |只看該作者

可能一直都係自己湊阿仔，我真係唔放心淨係佢地帶佢去街，一o黎6299乜都由得佢，二o黎99成日買埋d冇謂野俾佢，就連放唇膏o既鏡盒都買過俾阿仔.........次次阿仔同99出街，就算我o係度，都已經扭計好多，我唔敢想像俾佢地帶完出街返o黎，阿仔會變成點........

私人傳訊

hailey姐

洋房

積分: 82

14^#

發表於 09-4-13 13:15 |只看該作者

你個仔會變成點，會越嚟越唔聽你話囉，有恃無恐嘛．．．．．

都係保持現狀好啲，去邊一齊去，理得佢著重 "質" 定 "量" 啫，你自己做好本份，問心無愧咪算囉！不過，講真，你都算難得，一個星期見咁多次奶奶，又相安無事喎，真係唔係好多做得到．你都算功力深厚噃！

至於老公方面嘛，唉，反正大部份老公都係唔識做嘅，你又理佢講乜啫，再講吖，新抱點識做都有嘢俾人講嘅，唔好勞氣啦，計較咁多做乜，個仔鍚你咪得囉，計我話就：個仔大過天啦，自己開心咪得囉，理得人哋諗乜、講乜啫！

私人傳訊

vvnip

積分: 310

15^#

發表於 09-4-13 13:27 |只看該作者

原帖由 hailey姐 於 09-4-13 13:15 發表
你個仔會變成點，會越嚟越唔聽你話囉，有恃無恐嘛．．．．．

我個囡就係咁, 有乜唔鐘意咪大叫麻麻囉. 麻麻又會用佢高8度既聲音話: 哦, 佢地蝦你呀, 麻麻錫晒.
比佢吹漲!

私人傳訊