嬰兒醫護今日: 0|主題: 79156

收藏本版

發帖

返回列表

跳至頁

查看: 5671 | 回覆: 1

同阿仔睇耳鼻喉清耳垢分享 (含診金） [複製鏈接]

mgmismicgmic

大宅

積分: 3740

1^#

發表於 19-6-5 16:32 |只看該作者 |倒序瀏覽 |打印

本帖最後由 mgmismicgmic 於 19-6-5 16:33 編輯

話說大約2星期前，發現阿仔體溫偏高 37 - 37.5 咁上上落落，之後3、4日左右有朝早起身見佢一邊耳仔成個外耳都係淡黃色耳垢，枕頭上都流咗一灘。
幫佢抹走咗外耳嗰堆，見到耳洞入面幾乎畀耳垢完全封哂，自己唔敢亂抹，帶咗佢去睇兒科。

兒科醫生初步覺得係中耳炎，佢用一枝好長好幼嘅夾夾咗耳洞入面好多耳垢出嚟，但有好多已經漿實咗，夾硬夾怕會整親，一來阿仔好驚好抗拒再夾，二來兒科醫生話佢無專屬工具去清再入面啲嘅耳垢，所以寫咗紙畀我地去睇仁安耳鼻喉，同時開咗抗生素畀阿仔消炎。

到咗仁安耳鼻喉見醫生嘅日子，醫生用鏡照完，話啲耳垢漿實咗，睇唔到耳膜有無事，開咗枝滴耳仔軟化耳垢用嘅藥水，滴1星期然後返去覆診。

尋日覆診日，耳鼻喉醫生再照耳仔，見耳垢夠濕潤就話可以夾出嚟喇。佢先同我地講明要用顯微鏡，會當小手術做，大約七百幾蚊，問我地O唔OK，呢啲錢都要畀佢賺啦，咁佢就動手喇。

一夾出嚟，嘩，舊耳垢有成年女人一節尾指咁大！

然後醫生順便睇埋另一邊耳仔，呢邊無發炎，但醫生都發現入面塞咗好多耳垢。第一次試夾，耳垢太硬唔成功，阿仔覺得痛爆喊；之後同阿仔噴咗麻醉藥，順便整濕下個耳垢，一夾就夾到出嚟，又係成年女人一節尾指咁大！

目擊整個夾耳垢過程真係好療癒。

最後夾耳垢＋麻醉藥＋之後滴耳仔藥＋診金埋單$14XX，呢個月要慳啲駛…