剛剛喺英國玩完十日返嚟玩得好盡興好開心。臨走嗰日兩姊弟都不停四圍影相，尤其係呢間住咗9日嘅酒店同埋酒店附近嘅環境影下相，細佬仲同酒店房入面啲物品逐樣講再見，講講吓突然間細佬仲爆喊話唔捨得英國，可想而知佢玩得幾開心。一家人間唔中一齊去下旅行真係可以增進感情。
兩姊弟好細個已經開始跟我哋兩公婆去旅行，每次去旅行兩姊弟都有好多嘢想買，成日呢樣叫我哋買嗰樣叫我哋買，根本就唔會睇價錢，總之每個景點見到鍾意嘅就想買，邊買得咁多。所以近呢幾次我哋去旅行都會同俾定一個零用錢嘅限額俾佢哋自由運用，總之就自己決定買乜嘢同喺邊度買我哋唔會干涉，但過咗額就買得再買，仲要佢哋帶定本筆記簿每晚返到酒店就記買咗乜低用咗幾錢同剩定幾錢。好似今次去英國去咗差唔多十日咁我哋就同佢哋講每人可以有50英磅零用，可以攞嚟買自己想買嘅紀念品。自從開始咁樣做之後佢哋買紀念品都會諗得好仔細好小心，都會諗清楚先至買，因為佢知道我同媽媽都唔會再津貼佢哋。今次去英國，細佬同埋家姐有陣時見到佢哋有啲嘢好想買但已經唔夠錢，我都曾經諗過想津貼佢哋，但係諗吓咁樣就失咗要佢哋學理財嘅意義。 試過有幾次細佬一攞起件紀念品好鍾意，但係望一望個價錢佢就即刻放返低。同埋因為有十日咁耐所以佢哋都會分配得好小心，究竟一日可以用幾多錢同埋喺邊度買好。因為我哋有陣時一日都會去兩三處嘅地方，所以佢哋都會諗清楚喺邊度買，有陣時佢哋會好開心佢哋嗰日冇用過錢咁第二日就可以有多啲嘅消費額。
相比起以前去到度度都想買，見到乜嘢就想買，而家起碼佢哋會諗清楚去邊度買會，計劃一吓點樣用錢，另一方面又會覺得自己可以控制點樣用錢。令佢哋唔使見到就想買同埋成日問我哋買唔買得，更重要係知道用錢其實係要計劃要有預算同埋搵錢係辛苦。
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
