兩姊弟學琴都已經學咗兩三年，其實一直都冇催逼佢哋考琴只不過當係興趣咁學，學吓學吓咁就學咗幾年。總之就覺得學嘢尤其是興趣呢樣野應該係冇壓力之下去學先至會有興趣，所以從來冇迫佢哋話要參加啲乜嘢比賽，考試同表演，只係由得佢哋兩個各有各練。總之每日都要有啲時間係練琴。我同我老婆就會間中同佢哋坐埋一齊聽佢哋練琴鼓勵下佢哋。
早兩個星期因為就嚟聖誕，佢哋嘅琴老師就叫佢哋兩個一齊合作練一首聖誕歌，開頭都係各自練，之後原來琴老師講係最後希望佢兩個可以坐埋一齊將首歌夾埋完成一首合奏。開頭都冇乜留意由得佢哋兩個各自練習，因為佢哋各自都練得幾好。點知道帶佢哋兩個學琴嘅時候，琴老師就話佢哋夾埋一齊嘅時候唔係好熟，原來因為佢哋係各有各練。從來都冇諗住要迫佢哋練習，但係都係要解釋畀佢兩個聽，因為呢首歌係需要合作一齊先至可以彈出嚟，終於就叫佢哋每一晚臨瞓嘅時候入房兩姊弟坐埋一齊喺個琴前面彈一次畀我哋聽。正正就係因為刻意要佢哋兩個坐埋一齊練習，經過一個禮拜嘅練習真係越彈越好，我同老婆每一晚臨瞓前就好似聽一首聖誕歌，因為個琴就係擺喺佢哋房。開頭都唔係好夾，但係當習慣咗每一晚彈一至兩次，有一晚我唔記得咗反而細佬會提番我話唔係要彈聖誕歌咩，我先至記起。終於到上個禮拜練琴，琴老師聽完讚佢哋兩個合奏得好好兩個都畀老師讚到笑曬。
雖然話為興趣唔想逼，原來有陣時都係要製造一啲機會陪佢哋一齊同鼓勵佢哋，同佢哋一齊練習同佢哋一齊聽先至會鼓勵到佢哋再練習得好啲。
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
