0-6個月 今日: 0|主題: 37418

我之前就係fb 見到 oh mc baby 既廣告就揀左佢地黎幫我個寶寶影初生照（個時太忙無做太多research, 同比較其他公司）
諗住唔會太差
做個紀念。價錢絕對唔係平，三個造型要成4188$。

我係我寶寶出世前一個月已經俾左訂，
約左時間。跟住個負責人/攝影師就無再聯絡過我。直到影相既前一日，佢地都係無聯絡過我。佢地俾我既印象係勁唔嗲唔吊，無同我confirm或交代過任何野，又唔問下我想要咩造型。咁算，我主動聯絡佢。

第二日個攝影師同佢個助手黎左，見到其實佢地對寶寶都好粗手粗腳，頗大力咁拍我個10日大既bb （佢地所謂既安撫）。
同埋睇得出個攝影師係無咩愛心，佢淨係係咁‘shhhhhh’ 想我個寶寶唔好醒，咁佢就可以快d影完收工咁咯。

本身佢地話三個鐘既攝影，佢地兩個半鐘就完成左執野走人。
中途我同佢講寶寶成日郁黎郁去唔舒服可能係因為條片太濕唔舒服。攝影師竟然答我「係咩」無話要停下俾bb換片，繼續影相。天呀，我d朋友成日同我分享佢地既拍攝經驗都係話攝影師好有愛心，同耐性
唔會逼寶寶做d唔舒服既動作。如果bb唔合作都唔會介意超少少時間黎影好d相。
但oh mc baby完全係相反，連換片d咁基本既時間都唔想等。

其間，有個動作係我個女趴係個桶上面度。佢同佢助手幫我個女擺緊個動作時，條頸唔夠穩，我個女成個頭bop一聲盅左落個桶邊度。我唔明點解佢地有兩個人都可以咁大意，俾尼種事情發生。人地交個初生俾你時係咪應該要小心d呢？我個時已經好嬲但我無出聲。

跟住影下影下我寶寶開始醒，
佢個助手就拿佢個安撫作用既發聲機係寶寶個頭上邊，想哄佢訓番，點知佢甩手，成部機跌落我寶寶個鼻樑。
部機仲要大過部電話好多，一野噠落去我寶寶個鼻上。我真係嬲到唔知講咩好，都影左一大半唔通叫佢地走？
就算我話完佢都無野可以改變。

我個時淨係好想快d完左件事，成個過程我一點都唔enjoy。一定唔係我產後情緒問題。而家諗番起都好嬲，本身我諗住話左咁耐就算，但我每次諗起都好嬲，好後悔點解可以忍到佢地，覺得自己為左幫寶寶影相將佢交俾兩個咁無愛心，咁唔細心既人到。點解要俾錢買難受。事後我睇番佢個Facebook page,佢disable 左個ranking 同comment section. 唔知係咪心有屎，如果光明正大點解要disable左個rating? 我唔想有更多jm 中伏所以係度同大家分享。

尼個純粹係我個人經驗，可能我個日咁唔好彩，咁岩個日心情佢地心情唔好
我唔知啦。但係真係真係
影初生照唔好是旦㨂，唔好拿自己既寶寶黎俾尼d人較飛，最緊要搵番d有愛心同耐心既攝影師。