《純呻自傳。。。。同路人珍重》
阿媽的故事1-崩潰邊緣的序幕
三個仔女，很幸福呢～凡事兩面睇。。。岩！算幸福掛，一女兩仔，好多朋友都話完美組合，岩既，有總好過無。。。。無。。。。又會係另一個天空、另一個煩惱。。。。有。。。。又係另一個世界，人生... 總有不一樣的經歷。
三個都算健康，算係咁啦！三個都有專注力不足，大女遲左處理定左性格，人際關係唔太好，簡單又難聽啲黎講叫「駁咀駁舌死頂爛頂廢青一名」，二仔過度活躍加專注力問題，需然唔係嚴重，但激到你跳制都係攞你命三千，細仔唔洗講。。。同阿哥一齊簡直係天下無敵超級極之厲害犀利雙劍合璧組合。再加多個燥底老公。。。。嘩，原本EQ低既我，係就係提升左EQ，但短短幾年白髮都多幾千條。
作為初期間歇性再轉完全性在職媽咪既我，依家早上送完細仔上校巴，極速做好部份家務趕住返工，忙碌工作過後，趕返屋企。。。起兩兄弟嘈吵爭奪玩具兼且不停入廚房拉住你腳叫媽咪媽咪叫到你頭痛既情境下做埋部份餘下家務，可以話係縮短壽命既最佳方法，再令你加速死亡既情境就係，你老公仲灘起張床到玩candy crush開到最大聲，人生.... 總會有起伏的一幕，但我腦海卻是想手起刀落的一幕，呢個畫面深刻到就好似睇韓劇kiss鏡頭咁肉緊既感覺，當然.....亦係好快平伏。。。。因為我永遠唔會係片中女主角，哈！
待續。。。
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
