嬰兒醫護今日: 0|主題: 79155

收藏本版

發帖

返回列表

跳至頁

查看: 27480 | 回覆: 1

睇韓尚穎兒科眼科谷鬼氣 [複製鏈接]

sinyee122

複式洋房

積分: 349

1^#

發表於 20-9-2 07:28 |只看該作者 |倒序瀏覽 |打印

本帖最後由 sinyee122 於 20-9-2 17:38 編輯

兒子7歲，由3歲起開始喺旺角睇韓尚穎眼科醫生，第一次睇真係覺得佢好有耐性同細心，之後年年定期檢查，同埋睇小朋友眼睛敏感問題。近幾年唔知係咪多咗好多客人，次次預約之後準時到，仲要等至少個半鐘。如果睇得好，咁都無所謂。不過近幾年真係覺得韓尚穎求其咗好多，等咗個幾兩個鐘，講唔夠幾句你就FEEL到佢想趕你走。

琴日仔仔返去覆診，主要係跟進番3個月前攞咗眼藥水，想拖延近視加深程度，同埋之前成日眨眼，眼睛敏感問題。一入到去我同醫生講，仔仔隻眼成日好攰，眨眼眨到左眼變咗形，形成雙眼皮，同左邊比一大一細。我知我形容得可能唔係好好，但因為成日眨眼，我個仔隻眼嘅狀態真係變得好差，肉眼睇都會睇到變得唔係好自然，我咁講係想醫生幫佢睇下隻眼有無事啫。唔知點解呢句話撻著咗個醫生，佢即係連珠炮發，話「咁你想個仔單眼皮定雙眼皮先？」、「人人都有啲大細眼架啦！」，「攰咪唔好睇咁多MON囉。」「咁要上堂都無辦法架，個個都係咁架啦！」呢啲完全唔係重點！當時我都好愕然佢點解有咁嘅反應，後來想清楚，可能佢根本無認真睇我個仔嘅record，睇唔到佢眼睛敏感嗰PART，一心以為我哋淨係嚟驗度數，咪覺得你父母喺度亂咁UP阻佢收工囉。

之後我問佢啲拖延近視嘅眼藥水要滴到幾時。佢即刻好串咁話上次咪講咗囉。我好肯定上次佢都係急急腳想趕我哋走，淨係話滴住3個月睇下效果再覆診。佢上次連滴完眼藥水小朋友不宜在強光下活動呢點都無同我講，係我後來在其他家長口中聽到。我今次問完，佢先話外國一般滴2年再觀察，停咗滴如果近視深番又滴番。

仲有，我小朋友有100度近視，睇黑板坐最前都睇唔到。我原本打算順便在該醫務中心配眼鏡，因為感覺有醫生喺度，好似可靠啲。韓醫生一聽到我話配眼鏡即係火都嚟，好晦氣咁話你鍾意配就配，但佢唔建議小朋友帶眼鏡，因為會越來越深近視。我話咁佢睇唔到黑板喎，佢死撐話我哋上次睇佢時仲停緊課，所以佢唔覺得睇黑板係問題。但其實我上次睇嘅時候係第三波前已經復咗課，當時阿仔話佢坐最前都睇唔到黑板，唔識答問題，又唔識同老師講睇唔到，我先心痛決定今次要同佢配。咁你作為醫生其實唔駛同我撐嘅，你唔想小朋友近視加深我明白，只需講出你嘅專業意見咪得囉。

講真，我唔懷疑佢嘅醫術，但係睇醫生睇到咁受氣真係第一次。最重要嘅係，佢根本無耐性了解小朋友嘅問題，亦無細心咁同我個仔檢查！我以後都唔會睇佢！