少年成長今日: 0|主題: 16108

收藏本版

發帖

返回列表

跳至頁

查看: 4659 | 回覆: 0

顧及他人 [複製鏈接]

csir3290

子爵府

積分: 12560

1^#

發表於 20-11-15 11:21 |只看該作者 |倒序瀏覽 |打印

早兩日同同事去咗間餐廳食晏。可能而家啲學生返半晝，所以好多家長同埋啲細路去間餐廳食晏。本來都冇乜問題，但係最大嘅問題係其中有一枱嘅家長顧住自己傾偈就由得啲細路喺個餐廳度走嚟走去嘈喧巴閉。開頭都唔係好大聲但係因為佢哋喺度走嚟走去都有少少危險。但係後來可能你啲家長唔管佢哋佢哋幾個細路就越玩越大聲，本來間餐廳都係好靜但係就越嚟越嘈越嚟越騷擾。開頭都諗住佢哋係細路大家都容忍，但係當佢哋越嚟越過份嘅時候，我都趁佢哋其中兩個行過我身邊我都細細聲同佢哋講可唔可以細聲啲。可能佢哋見到有大人開始出聲，所以佢哋都收斂咗，但係佢哋啲媽媽唔知佢哋畀人話亦都冇去管束佢哋，所以過咗冇耐玩下玩下佢哋又係開始越嚟越大聲越嚟越騷擾。終於我同事忍唔住好大聲咁喺個餐廳入面講咗句可唔可以靜啲，忽然間成間餐廳都靜曬，雖然個氣氛有啲尷尬，但係跟住落去成餐飯都可以靜靜地咁食。幸好嗰啲家長都知道自己可能理虧T冇喺度話返轉頭，冇講過啲乜嘢細路仔係咁㗎啦佢哋嘈喧巴閉活潑呀嘛，如果唔係我真係驚我同事會當場鬧佢哋。其實啲家長可唔可以真係喺啲公眾場所管束下自己啲細路呢，已經唔係叫佢哋搞啲乜嘢餐桌禮儀，其實只不過係教佢哋唔好咁自私，做嘢同諗嘢嘅時候要顧及他人感受，又係嗰句其實呢啲情況啲人怪嘅唔係怪啲細路，其實係怪啲家長冇家教。望真啲佢呢套校服都係附近嗰間名小學嘅校服，我肯定學校應該有教佢哋公德心，但係啲仔女讀得呢間學校嘅，父母都係用盡心機先至可以送到佢哋入去，但係又再一次證明讀到名校咁又點呢？又一次證明入唔入到名校可能唔係最緊要，有家教先至係最緊要。最慘就係年連間學校嘅校譽就係咁樣都畀人連累咗。

講開食晏遇到啲學生可能現在全港學校都係半日制，所以多咗家長同啲細路喺啲餐廳食晏，我同個同事都傾開其實我哋幾歡迎而家半日制嘅返學模式，我見到阿仔阿女返半日其實仲開心咗，起碼放咗學多啲時間休息下，做完功課都仲可以有時間玩下睇下書或者做下自己鍾意做嘅嘢。睇返佢哋以前返全日制嘅時候，放咗學返屋企休息一陣間就要做功課同溫習又要溫默書隨時夜晚食完飯都仲未做完，到做完唞一陣間可能就已經要瞓覺，隨時同我哋返工一樣咁忙。所以其實我而家幾歡迎現在嘅半日制返學，可能有啲家長會覺得你哋屋企有人睇住啲細路就梗係半日制好，但係我覺得其實係香港嘅教育制度有啲k型先至會逼到啲學生咁辛苦，如果只係睇番我自己對仔女，佢哋返半日制嘅成績係冇差過佢哋返全日制，但佢哋嘅生活重開心咗輕鬆咗。所以如果你問我，我就寧願繼續半日制，對我對仔女嚟講學習成效分別不大，但係起碼生活得開心啲，個人有足夠嘅休息同埋放鬆嘅時間，學起上嚟個成效仲高啲。