少年成長今日: 0|主題: 16108

收藏本版

發帖

返回列表

跳至頁

查看: 15523 | 回覆: 2

不要習慣俾人照顧 [複製鏈接]

csir3290

子爵府

積分: 12556

1^#

發表於 21-8-15 11:27 |只看該作者 |倒序瀏覽 |打印

暑假期間細佬又係做佢最鍾意做嘅嘢就係砌模型，有一日放工返到屋企細佬如常咁砌緊模型，其實細佬都已經好有手尾，鋪咗張紙喺枱面等砌完嘅時候容易啲清理，但係我望一望個地下好多，好多剪出嚟嗰啲膠粒喺地上面，到佢砌完佢好有手尾咁執返乾淨個枱面，但係就冇清理到個地下。咁我當然叫佢自己執番啦，呢個時候工人姨姨就衝出嚟預備幫佢掃地，我即刻叫住，然之後同細佬講叫佢自己掃地，因為佢自己做成嘅嘢，應該要自己清理唔應該要人哋幫佢手。咁佢話唔識，所以我就同佢一齊入去攞咗把掃把之後教佢點樣掃地，然之後就交番畀佢自己掃，兩三下手勢就掃乾淨曬。佢收完之後除咗讚佢之餘亦都提醒佢自己整污糟咗個地方應該要自己清理番。好明顯之前我睇唔到嘅時間，都應該係工人姨姨次次都係幫佢掃啦！經過今次之後，之後嗰兩三日佢又真係好乖砌完之後自己識得攞把掃把自己掃。咁當然每一次如果我同老婆見到都會正面鼓勵讚佢啦。

之前講過度照顧就係咁樣，其實細路仔絕對有能力照顧自己，只不過好多時以為有工人喺度，工人就應該幫個細路仔做曬所有嘢，咁佢又點識得負責任，點識得要保持地方清潔呢！次次整污糟啲地方就有人幫佢執手尾，次次一開口就有人幫佢做曬所有嘢，佢點樣照顧自己呢！我自細已經都同佢兩姊弟講，姨姨係我哋屋企嘅一份子，大家都有責任去幫手處理屋企入面嘅嘢。係可能嘅情況之下，都要佢兩個自己處理返自己用過嘅嘢，唔好話連飲完杯水都就咁放隻杯喺枱面等人哋幫佢收，起碼都要識得自己攞返入廚房，自己用水沖一沖隻杯再放返好啦。

但係好多家長就覺得請咗個工人返嚟就要好似皇帝咁樣樣去洗個工人，如果細路仔自細已經係習慣咗有人畀佢哋去洗，所有嘢都有人幫佢執手尾，只要開句聲就個個都照顧佢哋，個個都服侍佢哋嘅時候，佢哋會點樣成長呢？

0 0 0

私人傳訊

goodsnooky

珍珠宮

積分: 45707

2025勳章蛇年勳章

2^#

發表於 21-8-29 14:54 |只看該作者

回覆 csir3290 的帖子

我住喺外國，三個仔喺單親家庭長大，好多事情都要佢地自理。大仔十七歲可以自己處理洗衣同晾曬衣服，唯一煮野唔燒咗個廚房已經偷笑。二仔十三歲因為受空軍少年團訓練，可以自己煮飯，熨衣服。細仔差不多七歲，自己會換校服，執床。係唔係要被人照顧，視乎爸爸媽媽肯唔肯放手俾小朋友嘗試。