吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 係我定係我仔問題？

少年成長今日: 0|主題: 16104

收藏本版

發帖

返回列表

跳至頁

查看: 26035 | 回覆: 32

係我定係我仔問題？ [複製鏈接]

cch0928

大宅

積分: 3224

1^#

發表於 21-8-19 17:03 |只看該作者 |倒序瀏覽 |打印

本帖最後由 cch0928 於 21-8-19 17:17 編輯

仔初中。以前佢係好愛家人，但現在佢變咗咁。阿妹瞓過龍，我起身立即叫醒妹，問哥哥做乜唔叫妹妹起身返學，佢答話：比妹妹受教訓。我問如果我唔醒你叫唔叫妹妹，佢話臨出門就叫。我話我地教你，都唔會一開始就等你犯錯、撞板，都會俾機會你，點解你咁對妹妹。

0 0 0

私人傳訊

cch0928

大宅

積分: 3224

2^#

發表於 21-8-19 17:05 |只看該作者

回覆樓主：

本帖最後由 cch0928 於 21-8-19 21:16 編輯

又有一次帶佢坐的士去一個唔熟的地方比賽，係屋邨入面。個司機車到個地方附近就停，指住叫我落車行去（在側門）。我問司機可否車到正門，（因為我唔知點行，搭得的士梗係想唔洗搵路）

個仔竟然當司機面話我，叫我行去咪得，我唔想嘈。下車後，我話我係乘客，呢D係合理要求，點解要就個司機方便，任人隨處放。佢話我多要求。最後我地撞入個掘頭路，之後才到。

行到去正門，我地睇到有好多人坐的士係正門落，係呢個司機只為自己方便。而仔佢竟然覺得我係一個無理的乘客，要求多多有問題。其實我只係有一個要求，就係唔洗搵而去目的地，唔係我為乜俾錢坐的士？

私人傳訊

cch0928

大宅

積分: 3224

3^#

發表於 21-8-19 17:06 |只看該作者

回覆樓主：

本帖最後由 cch0928 於 21-8-20 17:28 編輯

今日去快餐店食嘢，我地三人。妹妹同佢一邊，我坐對面坐，隔離冇櫈。

我地張枱連住一張二人枱一張四人檯。4-2-4三張檯相連，但有隔板，中間二人枱係冇櫈。食食下有個男人在另一張四人枱拉了張櫈放在女隔離，放下袋就走去買食物。我同個女都呆咗。

見個陌生人拎埋食物同仔女平排坐，而個隔板根本都唔夠張枱咁長，咁我就同個男人講：「先生，其實我地隔唔夠1.5米」（其實係冇任何距離，仔女男人三個大家平排坐，妹妹同個男人張枱之間，只有塊唔夠枱咁長的板）

個男人話隔離另一張四人檯有人打斜坐，所以要拉張櫈坐我仔女隔離。

跟住我仔當面話我「你唔好咁嘞，咁驚做乜。」

私人傳訊

cch0928

大宅

積分: 3224

4^#

發表於 21-8-19 17:08 |只看該作者

回覆樓主：

本帖最後由 cch0928 於 21-8-20 17:17 編輯

我話我地一家人就坐近啫。你覺得冇問題，你又唔同妹妹掉位。你有冇唸過我同妹妹的感受？

之後我去第二張檯拎櫈，等妹妹坐我隔離，仔就同個男人隔一個位坐。我成程冇出聲。

我好嬲，但我等到個男人走咗，先同個仔理論。我仔話我冇禮貌，冇講唔該同唔好意思，又話個男人唔係錯，有隔板咪得，同埋我有問題應該我去解決，唔好麻煩到外人，要對外人客氣啲。

私人傳訊

cch0928

大宅

積分: 3224

5^#

發表於 21-8-19 17:11 |只看該作者

回覆樓主：

本帖最後由 cch0928 於 21-8-19 22:51 編輯

我承認我唔夠好有禮，但又未至於無禮。疫情下點坐應該係常識，個男人拉埋隔離四人檯張櫈坐過嚟，我覺得係問題

但我最嬲係個仔，我直接咁話佢成日做爛好人。只顧外人的面子同自己係咪「好人」，我覺得佢根本是非不分、主客不分。

係咪我自己衰自己唔知？我覺佢眼中的我係個計較八婆。如果係即管話我！

但我真係好嬲，好嬲。點解佢重視陌生人多過家人？

私人傳訊

mike89

珍珠宮

積分: 46551

6^#

發表於 21-8-20 10:32 |只看該作者

cch0928 發表於 21-8-19 17:11
我承認我唔夠好有禮，但又未至於無禮。疫情下點坐應該係常識，個男人拉埋隔離四人檯張櫈坐過嚟，我覺得係問 ...

兩母子無分對錯,
大家都有自己諗法立場。
只可以話呢個年紀係比較在意世人眼光

私人傳訊

0030

公爵府

積分: 26412

認識瑞士牛牛第二回認識瑞士牛牛第一回

7^#

發表於 21-8-20 11:46 |只看該作者

回覆 mike89 的帖子

兩母子無分對錯,
大家都有自己諗法立場
青春期的少年是比較有性格

私人傳訊

hohoho36

伯爵府

積分: 19407

8^#

發表於 21-8-20 17:11 |只看該作者

睇完覺得勁似我仔！我都唔多識形容果種感覺，終之我在外一出聲就等於我錯，或者佢覺得我做佢亞媽好無面掛？

私人傳訊

hohoho36

伯爵府

積分: 19407

9^#

發表於 21-8-20 17:19 |只看該作者

有一次响地鐵站同佢平排搭扶手電梯，點知後面有個大約17、8既男仔在扶手電梯行上來，咁我同仔係平排搭，唔知後面突然有人要行（其實根本唔主張人行），但當然你叫我借借我實借。但我突然聽到有人大聲用粗口鬧我叫我行x開on xx，果下我勁嬲鬧返個男仔，問佢做乜事無情情用粗口鬧人。點知我仔大聲喝我叫我算數啦！仲要即甩開我手，走佐去。心淡

私人傳訊

cch0928

大宅

積分: 3224

10^#

發表於 21-8-20 17:23 |只看該作者

hohoho36 發表於 21-8-20 17:11
睇完覺得勁似我仔！我都唔多識形容果種感覺，終之我在外一出聲就等於我錯，或者佢覺得我做佢亞媽好無面掛？ ...

本帖最後由 cch0928 於 21-8-20 17:31 編輯

佢覺得我出聲令佢冇面啩。我今日同佢討論番件事，我話每人的想法唔同，如果我出聲令你冇面，我唔介意你自己拎走D飯去第二檯食/自己下車，但我希望我有權表達自己覺得合理的事。

私人傳訊

cch0928

大宅

積分: 3224

11^#

發表於 21-8-20 17:39 |只看該作者

hohoho36 發表於 21-8-20 17:19
有一次响地鐵站同佢平排搭扶手電梯，點知後面有個大約17、8既男仔在扶手電梯行上來，咁我同仔係平排搭，唔 ...

明白你的感受。

仔，如果你用溫柔、安撫的態度叫我算數，我一定舒服D。其實我點可以唔算啫。街上總有D衰人，佢亦只不過係過客。但係你喝我，我好難算數，因為你係我屋企人，我愛你，成日要對住你，仲要受你氣。

媽媽心聲：其實我唔係小氣，我嬲，係因為我傷心。而我，只會為我重視的人傷心。

私人傳訊

hohoho36

伯爵府

積分: 19407

12^#

發表於 21-8-20 17:47 |只看該作者

cch0928 發表於 21-8-20 17:39
明白你的感受。

仔，如果你用溫柔、安撫的態度叫我算數，我一定舒服D。其實我點可以唔算啫。街上總有D衰 ...

完全明白你感受，件事係大半年前，但每當一諗起我就心痛，心痛點解我比人無情情用粗口鬧，佢仲要覺得我好駁嘴？佢親眼睇住成件事，明知我無後眼，睇唔到電梯後面會有人行會阻到人，我比人用粗口問候，佢仲要責怪我？

私人傳訊

cch0928

大宅

積分: 3224

13^#

發表於 21-8-20 18:06 |只看該作者

hohoho36 發表於 21-8-20 17:47
完全明白你感受，件事係大半年前，但每當一諗起我就心痛，心痛點解我比人無情情用粗口鬧，佢仲要覺得我好 ...

本帖最後由 cch0928 於 21-8-20 18:11 編輯

今日同我仔講番，我有我立場，亦反問如果你同學訓過龍、你會點？我只希望你對家人好D。

佢話我仲記住，覺得我小器。

即使你話我小器、講完都可能冇改變，但我都唔想鬱住。

多謝你的回覆。大家在這裡呻下，有個出口。

私人傳訊

已刪除用戶

已刪除用户

積分: 24878

14^#

發表於 21-8-20 20:10 |只看該作者

回覆樓主:

提示: 作者被禁止或刪除內容自動屏蔽

私人傳訊

Pepero

男爵府

積分: 8049

15^#

發表於 21-8-20 21:38 |只看該作者

回覆 cch0928 的帖子

樓主，因為你仔覺得你令佢“唔型“、7咗，唔好話十幾歲男仔，3、4十歲男人都會咁對阿媽、女朋友、老婆。
有啲男人就係覺得喺外面要型，屋企人唔可以失禮佢，只要你令佢“唔型”，就係你錯。

真心，呢類男人嫁唔過，希望你仔大啲會改善。

私人傳訊

cch0928

大宅

積分: 3224

16^#

發表於 21-8-20 22:03 |只看該作者

Pepero 發表於 21-8-20 21:38
回覆 cch0928 的帖子

樓主，因為你仔覺得你令佢“唔型“、7咗，唔好話十幾歲男仔，3、4十歲男人都會咁對阿 ...

本帖最後由 cch0928 於 21-8-20 22:14 編輯

我同仔講過佢唔好咁做爛好人。你在外面係好人，但對屋企人唔好，咁係有問題。

我希望佢做真好人。唔係乜嘢對外人都say yes, 笑哂口，乜都息事寧人就叫好人。

私人傳訊

Pepero

男爵府

積分: 8049

17^#

發表於 21-8-20 22:28 |只看該作者

cch0928 發表於 21-8-20 22:03
本帖最後由 cch0928 於 21-8-20 22:14 編輯

我同仔講過佢唔好咁做爛好人。你在外面係好人，但對屋企人 ...

佢唔係想做爛好人，佢係想型，唔想煩，兩件事有分別。

例如佢無叫妹妹起身，因為咁會煩到佢；喺的士佢叫你收聲，因為你令佢覺得好7，唔型；佢從來都唔係想做爛好人。

我好了解，因為我原生家庭嘅所有男人都係咁，我對咗呢種人幾十年，好難頂的。

私人傳訊

cch0928

大宅

積分: 3224

18^#

發表於 21-8-20 22:49 |只看該作者

Pepero 發表於 21-8-20 22:28
佢唔係想做爛好人，佢係想型，唔想煩，兩件事有分別。

例如佢無叫妹妹起身，因為咁會煩到佢；喺的士佢叫 ...

本帖最後由 cch0928 於 21-8-20 23:11 編輯

其實都可能同老工家庭有關，潮州人，佢地屋企D仔（連我老公）對奶奶有時冇乜禮貌、好掘。我有時聽到都碌大眼。對外人又唔會咁掘。

我老公以前對我冇禮我都會開口話，唔會死忍，我會比面色佢睇。

今日仔都承認覺得係我令佢有D冇面。但佢依然強調我要好禮貌，要講唔該唔好意思，要顧人感受。佢覺得我唔顧人感受，行多兩步又計較。

其實講「唔該」就等於好禮？我可以好冇禮貌地講唔該㗎。講完唔該個男人就會因為咁，自己搵位？我一早預咗佢唔會理我，但我唔會因為咁唔出聲扮冇問題。

型？我話笑騎騎、乜都忍的yes man 在我眼中係coward. 佢話我唔好講得佢得咁衰喎。