想生BB 今日: 0|主題: 109647

收藏本版

發帖

返回列表

跳至頁

查看: 33241 | 回覆: 39

台灣IVF真人實測分享！ [複製鏈接]

nekoneko3

別墅

積分: 632

1^#

發表於 23-5-1 07:07 |只看該作者 |倒序瀏覽 |打印

本帖最後由 nekoneko3 於 23-5-1 07:19 編輯

相信大家對 IVF 都有好多問題，雖然我經驗唔係好多，
但係都好想同大家分享一下我嘅經歷！

利申：
-我唔係專業醫護，醫學上嘅專業問題，請諮詢專業人士！
-我仲未開獎㗎！但我相信會成功嘅！
-我請大家 Google 某D嘢喺廢事篇文太長，同埋驚答錯咋！
唔喺係想串咀呀！

正式開始！

1• 應該去邊間做好呀？要搵邊個醫生呀？

每間診所同醫生都有成功失敗嘅個案，
而我自己會問身邊朋友真實經驗分享，
同埋睇返診所嘅資源，例如實驗室嘅質素，有冇得做免疫檢測，同埋中醫配套等。
至於搵邊位醫生，
如果有時間，我建議可以去多一兩間做資詢。

我係去台北愛群診所做，
西醫：翁醫師
中醫：陳院長

2• 成個療程要用幾多錢呀？

呢個真係無絕對答案，
因為取決於你做幾多檢查，用幾多藥，有冇免疫問題，同埋睇唔睇中醫。
最底消費，我估7萬？
我暫時估計要用大概15萬（唔包食宿），
因為我有做 PGS，有免疫問題，同埋我有KEEP住睇中醫，
如果唔係，應該平好多！

3• 要飛幾多次？要留幾耐？

最少要飛三次，包括初診、取卵同埋植入。
我自己就留左喺台灣三個月。

4• 要點樣養卵？養卵同植入前後要食/做啲咩？

養卵至少要三個月，
食啲乜嘢Supplements 最好問醫生，
因為個個體質唔同，要食嘅劑量都唔同，
千祈唔好因為人地食/做乜嘢，就跟住食/做！

個人經驗:
*養卵-食葉酸、維他命D同埋 CoQ10+高蛋白食物
*養內膜-飲豆漿+黑豆水+高蛋白食物
*植入前後-請google［愛群植入前後注意事項］

我有跟足戒口同埋做少少運動。

5• 洗唔洗睇中醫？做唔做針灸好呀？

我有一路喺香港同台灣都有睇中醫去調理身體，亦做埋針灸。
愛群中西醫部有聯繫，中醫都會知道我嘅驗血結果，所以我覺得安心啲！

6• 係咪要驗免疫？

我覺得有必要！
因為我都係驗血先知道自己有啲指數偏高（NK ＆ D-dimer)，
會影響著床，甚至更嚴重後果，
需要及早處理同埋用藥！

7• 需唔需要做 PGS？

呢個都係要聽醫生建議！
睇返自己年齡、身體狀況同卵子質素，同埋經濟負擔。
我有做PGS，因為我高齡，想穩陣d，
最後揀咗四粒去做，最後有兩粒正常。

8• 植入幾多粒好呀？

大家真係要聽醫生講啊！
我本身諗住植兩粒，但最後醫生建議植一粒！

雖然話植入兩粒機會可能高啲，
但係多胞胎要承擔嘅後果，
大家都要考慮！！！
請Google［多胞胎風險］

後記：
打算同做緊 IVF 嘅大家都好勇敢！好叻！
我每日都有為你地求神明保祐！
希望大家最後都心願達成！
加油！