懷孕前後今日: 27|主題: 330289

收藏本版

回覆發帖

返回列表

跳至頁

查看: 21128 | 回覆: 6

由突然穿水到私院緊急分娩分享 [複製鏈接]

zoeho85

大宅

積分: 1324

1^#

發表於 25-3-22 00:31 |只看該作者 |倒序瀏覽 |打印

今次係我第二胎，由第一胎開始因為怕順產所以開刀，今次第二胎都係揀左同一個醫生開刀，由產檢中後期醫生講BB開始入盤，叫我瞓多D同食DHA唔好俾佢太快出世，由於本身要工作，所以儘量一唔開工就瞓床，點知去到37周左右，有一日工作回家，凌晨BB突然踢左我一下，然後發現好似瀨左少少尿，我以為係BB壓住膀胱嘅正常反應，但都覺得好奇怪，開始諗係咪穿水，但佢又只係瀨左少少無色無味液體就停左，跟住我就將貼護墊睇下會唔會再有，點知過左一個鐘又唔受控咁流左D透明液體，過多一陣就抹到好少好少嘅血絲，咁我就意識到穿水，然後先知原來穿水係唔一定山洪暴發咁，係會一DD一DD咁流，然後立即call的士入法國醫院，好彩之前產檢醫生已經俾晒指引要去邊層邊個部門，一入到婦產科部姑娘已經好快送我上床同種豆，由於當時係凌晨兩點幾三點，姑娘好好咁話我知如果我能夠忍到7:30就唔使收緊急費，不過我都唔爭氣地忍到凌晨五點就叫姑娘call醫生，一講完姑娘就即刻推左我入手術室，過左十五分鐘麻醉科醫生就到左幫我打麻醉(原來佢住係隔離街)，唔知係咪陣痛嘅關係，佢打呢枝麻醉係完全感覺唔到任何痛，打完麻醉過多十分鐘左右醫生就到左(原來可以咁快)，跟住過多十五分鐘就生埋，成個過程smooth到好似佢地一早係醫院standby咁，但當然我係超級唔好意思阻住醫生們休息，但整體感覺係好專業同快手，特別要推薦法國醫院尤醫生，雖然D人話佢講野好直，但佢手勢超好，由麻醉開始到而家過左一個月，個傷口完全無痛過，實在係意料之外！