本帖最後由 choyki 於 25-7-27 12:47 編輯
annie133 發表於 25-7-23 02:03 
隻隻收息都好，3110我都有收開息，但而家港股3年新高，唔敢叫你all in入哂，賺息蝕價萬一之後個市跌你盞唔開心，但叫你唔好一注入萬一之後係咁升又會鬧我，所以冇意見或者分注分散咁買，我策略係逢跌先入市，高位時set著月供先。
另外留意月月派息銀行代收息每次收minimum $30手續費一年$360唔係咁扺。
未必隻隻都有得月供㗎，可能呢間銀行 / 證券行有得月供呢隻，但另一間銀行 / 證券行無得月供呢隻，即係要去搵邊間銀行 / 證券行有得月供呢隻，間間銀行 / 證券行可供月供嘅名單都唔同。但無得月供，亦可以自行每月買，只係麻煩啲，收費模式也可能不同。
代收股息手續費應是：
1. 大部分銀行 / 證券行在派息時會收代收股息手續費，嗰個月無派息就唔會收，嗰個月你有兩隻股票派息，就收兩次代收股息手續費。也有不收的情況。
2. 代收股息手續費多數都有最低收費，最低收費未必間間銀行 / 證券行一樣，也有不設最低收費，甚至不收。若派息金額夠大，收費可能高過最低收費。
我做月供股票系統。 講笑。 不是。
我做證券，認識做月供股票系統的人。 也是講笑。 不是。
我是證券公司的客戶，證券公司不是我的客戶。為客戶（證券公司）找客戶（水魚）並不適用於我。
發表於 
返回列表
