懷孕前後今日: 0|主題: 330409

收藏本版

回覆發帖

返回列表

跳至頁

查看: 1109 | 回覆: 1

好感恩遇到好專業嘅婦產科醫生 [複製鏈接]

Jolin_C.Lau

洋房

積分: 62

1^#

發表於前天 13:23 |只看該作者 |倒序瀏覽 |打印

浸會-蘇忱醫生。

故事：
我被懷孕宮外孕，一直係威xx公立醫院跟進，上星期打左殺胎mtx針(當時指數5xx)，打完後hcg高左1次（7xx)再跌到（5xx)，尋日突然有啲肚痛入急症。（其實我知唔係宮外孕痛，有啲似腸痛，所以我懷疑盲腸炎）
公立醫院即刻用部平板電腦照左超聲波然後話我冇出血冇即時危險，叫我入院啦，但確定唔到要留幾多日，亦確定唔到會幫我做啲嘜。

於是我冇留，即刻去左港安，當時個醫生話我仲係懷孕中，咩都唔敢做，唔敢診症，點都要搵個婦科醫生睇左先。
當時我已經唔痛，亦好無助。
原本打算係港安睇婦科，但專科醫生已收工，call urgent餘係醫生費3000。

我當時好無助。
公立醫院餘係識話：你爆左呀，好危險呀！但又唔當我urgent處理，餘係識話你都冇出血，冇即時危險。就由得我係度等。（本身佢叫我入院，我都打算要入喇，但等左1個鐘都唔安排，仲講到明你而家入都唔係即時同你處理架喎）。
私家：我話可唔可以排除宮外孕問題，我想睇腸痛呢？又唔敢幫我睇。

好啦，咁我係好無助之際打比仁安（因為之前有因為宮外孕睇過），仁安話我個case醫生唔肯睇，唔敢咩飛，又話你個case唔會有醫生肯接架喇，你去番威xx啦。

然後我打比浸會，當時我就話總之有醫生肯睇，我就ok,佢話係男醫生，我ok.

今朝總於睇左，蘇醫生真係100分，我講完我嘅case,佢同我照陰超：
1. 我入面咩都冇，冇血，咩都照唔到。
2. 我懷疑嘅盲腸炎可以排除，因為我已經唔痛，又冇嘔冇發燒。
3 . 跟住落黎我只需要繼續係威xx抽血，覆診即可。公立根本人手唔夠只係叫你留院慢慢幫你了解＆睇。其實好似我咁嘅情況留完見你冇事就算。
4. 我個case, 冇大出血，冇大痛，唔洗入院。只需要keep住抽血睇hcg, 唔得就打
多針。

總結：蘇醫生好值得睇！成件事我只係用左2000唔洗，解答晒我＆我老公嘅問題。亦好清楚我跟住落黎要做咩。

我想講嘅係，有時就算醫生都未必真係斷診正確。
人係病嘅時候更加要冷靜，分析。
有問題就諗辦法解決。