吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 工作問題 (求客觀分析)

心聲留言今日: 0|主題: 17520

收藏本版

回覆發帖

返回列表

跳至頁

查看: 2196 | 回覆: 14

工作問題 (求客觀分析) [複製鏈接]

miriamfans

侯爵府

積分: 21583

虎到金來勳章減齡達人勳章睛靈勳章 BK Milk勳章畀面勳章

1^#

發表於 25-10-24 22:05 |只看該作者 |倒序瀏覽 |打印

人已差唔多到中年，之前有份工做左10幾年但跳左出嚟，之後都做過幾份工，而家依份岩岩做了年幾，近屋企不用搭車，番5日，人工比之前高，但旺季時好忙，忙到無停手，但不用OT, 主要Data Entry, 之前無做過咁忙既工，所以出現勞損，近半年都睇過成10次醫生，做下針灸治療，好過下又番發，都諗緊自己係咪唔適合，但奈何近屋企，不用OT係好吸引！依個位連埋我有2個人，我partner比較後生，做左幾年，但鐘意擺阿姐款，平時工作我忙碌過佢，佢閑時可以食野，行行企企，搵人吹水，因為會有截單時間，我試過入唔切叫佢幫手，會吱吱jap jap, 所以免得過自己硬食，其實我唔怕做，手得1對可以做到幾多？佢忙我有問要唔要幫，佢話不用，我知要有team work精神，但原來係無! 放假早走唔會講聲，有人搵佢我話唔知! 公司算係比較人多，坐位比較迫，無partition, 碰撞在所難免，不過附近同事成日出去，所以好多時附近得3幾個人，不過有樣野諗唔通，你對人好，唔計較，人地未必會領情，我當然知職場如戰場，唔係出嚟交朋友，之前知佢生日 (當然係佢周圍同人講啦)，同幾個同事都有請佢食飯，當然係搞好關係啦，去旅行都會突登另外買手信俾佢，而家睇番好似老馮咁，我幾時生日無問過，當然也無請食飯啦，我認為好多野都係雙向，既然係咁就算無謂勉強！番工都係為生活！上星期佢放工後whatsapp我，話我平時打字聲大影響佢，叫我將就下？！我心諗打字做野梗係有聲架啦，俾間老細房你坐好唔好？佢平時大聲講大聲笑我都未出聲啦，依d燥音點都會大過d打字聲呀？小事化大，揸住雞毛當令箭，平時又西口西面，問野鐘意答就答，識使咩問？依d小學雞真係好難頂，你話你係老細出糧俾我就話者，睇番以上情況，如果你係我，會繼續留係度定另謀出路？我知如果我另謀高就，佢就會奸計得逞，其實我心入面已有打算，只係想聽下意見，謝謝(emoji)

0 0 0

私人傳訊回覆引用

csbaik

大宅

積分: 4513

2^#

發表於 25-10-25 19:04 |只看該作者

miriamfans 發表於 25-10-24 22:05
人已差唔多到中年，之前有份工做左10幾年但跳左出嚟，之後都做過幾份工，而家依份岩岩做了年幾，近屋企不用 ...

我人貼市場咪計續，我會忍，就下佢，以和為貴。如果你說忍就抑鬱，捱病，咁真係要諗谂啦

:-D :-?

私人傳訊回覆引用

Miss_Yellow

男爵府

積分: 7758

3^#

發表於 25-10-26 10:40 |只看該作者

miriamfans 發表於 25-10-24 22:05
人已差唔多到中年，之前有份工做左10幾年但跳左出嚟，之後都做過幾份工，而家依份岩岩做了年幾，近屋企不用 ...

打工只求財，話知佢！

私人傳訊回覆引用

miriamfans

侯爵府

積分: 21583

虎到金來勳章減齡達人勳章睛靈勳章 BK Milk勳章畀面勳章

4^#

發表於 25-10-26 10:55 |只看該作者

回覆樓主：

本帖最後由 miriamfans 於 25-10-26 10:58 編輯

我回敬佢話平時傾計，笑聲都會有影響，之前坐係附近有個同佢老死都行嚟話過佢講野大聲好嘈，佢仲話係咁，証明我開心 (真係忽忽地), 之後佢仲回我，歪理上身，講到理直氣壯，依間公司文化係咁，係我唔適應，同sales要用依種溝通方法，讀咁多書，完全無文化，擺明想迫我走，最大問題係佢平時係吹無謂野，完全唔係講公事，如果佢再投訴打字聲，我會直接搵經理調位，今次俾個機會佢，不過我同朋友講，佢地都建議我應即時搵經理，但而家都事隔了一排