夫婦情感 今日: 2 | 主題: 42778

積分: 45

1^#

發表於 5 天前 |只看該作者 |倒序瀏覽 |打印

一齊咗10幾年途中都有離離合合期間咩問題都有經歷吓老公個人自己都改變咗好多
不過得靠大家之後一直磨合先行到而家

拍拖幾年之後終於結婚
其實都係各自做嘢就收工就一齊玩吓，傾吓偈
有時間就同朋友出去食吓嘢
但係可能有疫情開始經濟差咗
大家生活壓力大咗好多家庭問題發生
當時就係同埋老爺奶奶一齊住
唔多唔少都會同佢哋有啲磨擦
未必係大事但係都係可能有壓力
加上有段時間喺屋企見面嘅時間多咗
同老爺奶奶都會多咗見
嗰陣時老公同我結婚意欲搬出去住想俾多啲空間大家
不過呢個諗法都持續咗幾年先至再做
因為一來係經濟問題二來發現大家想要小朋友
就唔好再諗太多其他
但係由呢段時間開始夫妻問題好似更加嚴重咗

於是第一個比較大嘅問題發生
老公會覺得不被理解跟住覺得我好強硬
好難溝通結咗婚之後第一年有段時間開始發現佢會係咁玩手機遊戲有時真係好專注
我都覺得有啲奇怪嘅感覺後來發現原來佢喺遊戲上尋求其他異性嘅慰藉主要都係撩女嗰啲對話冇見面
我發現咗，我第一次講離婚表示佢壓力好大
佢都好需要我嘅認同同埋讚美唔係俾人搞到自己好似一無是處咁不過之後佢知自己唔啱冷戰咗一段時間，搬咗返屋企我反省咗一輪覺得都係自己有多少問題逼到一個本身真係好千依百順又愛我嘅人黐咗線所以我就自己再主動去搵佢傾再和好
之後嘅時間的而且確佢變咗好多全部都放晒我身上
有時我哋都會有小吵鬧但係都可以再解決溝通都真係多咗

再直到幾年前小朋友終於出世
作為新手阿爸媽媽咩都唔識從零開始學習
湊仔嘅壓力佢返工嘅壓力重新又走返出嚟
我做咗個全職媽咪佢就負責搵錢養家
問心佢都真係好勤力有搵錢嘅空間嗰啲會盡量去
瞓覺又少精神又唔好但都會照顧住我同個仔
但係我哋日常生活中嗰啲吵鬧就變得更加多
小朋友出世之後我嘅重心已經轉移咗喺BB身上
我自己又唔識又唔察覺好多時候都冇更多嘅精力，去顧及身邊人

結果迎來此第二次離婚今次係佢講
覺得收工返嚟好辛苦冇自由已經好努力去照顧小朋友
但係樣樣我都唔滿意覺得自己好冇價值
唔識就點同我行落去
之後真心覺得自己有問題當時睇咗討論區一啲探討類似嘅話題
發現原來真係唔可以有咗個仔冇咗個老公
當時表示我會改下希望大家比機會多次大家
之後有段時間的確個關係都變好有所改善
都覺得今次我哋應該可以好好一齊生活落去
應承咗大家有問題大家要坦白講唔會再不負責任零溝通

時間又過咗一兩年總算有能力搬咗出去
但日常生活中之後我哋兩個生活都好多磨擦
所有嘢都用我哋自己自行處理
例如我要負責湊好小朋友處理好屋企嘅家頭細務
佢就努力返工繼續賺錢養家
但嗰陣時我都希望雖然佢收工攰但係都要抽啲時間陪吓小朋友

但係久而久之佢會覺得越嚟越辛苦精神唔好
我都開始逼得自己變得緊張每樣嘢都要做到最好
返到屋企仲要幫手湊小朋友覺得仲要幫手之餘仲俾人否定
我疑心病好似又重咗咁好多嘢都會過問干涉咗
令到佢好似上次咁變得好無個人價值覺得不被尊重
其實佢中間時間都有提及過覺得小朋友出世之後沒有地位
可能係輕描淡寫帶過但我嘅精神都放喺小朋友身上
當時變咗又會忽略咗佢嘅情緒

之後第三次離婚出現係佢提出
其實個導火線就係一個小問題但佢個人表示已經係忍耐得太耐
佢自己個人又唔識表達我又忽略咗察覺唔到佢嘅難處
結果就嘈咗一次喺屋企嘅時候冷靜咗自己一陣
選擇行過去同佢傾想溝通下
但當時佢已經表示好憤怒唔想再傾落去覺得冇意思
覺得一次又一次不俾理解覺得攰
之後結果嘈得仲犀利

其後大家就冷靜分開幾日
之後再去搵佢嘅時候佢都係覺得非常之嬲
拒絕交流溝通收埋自己離開屋企

而家都唔知點做溝通彌補真係唔想小朋友變成單親
但係日常生活中又會將自己嘅情緒帶咗落身邊人
導致每次佢都係覺得我逼得佢太緊
佢失去咗佢嘅自由同埋價值個小朋友佢都唔想要咁
淨係想我哋兩個唔好再出現

以上就係我個人經歷直到現時真係自己一個靜落嚟嘅時候
先發現原來咁樣真係令人好辛苦自己都變到好辛苦
加上我哋兩個都係火星撞地球性格
我都諗過其實唔係唔愛對方
但係歌都有得唱相愛沒有那麼容易每個人都有他的脾氣
我覺得而家可以做嘢真係轉變吓自己
至於佢嘅心路歷程我就真係唔知都唔知之後點
之後如果都真係離婚我應該點樣面對個小朋同生活

生完之後情緒成日都變得激動令到身邊嘅人都唔開心
都想去改變但係只可以慢慢去做
只係期間大家對對方嘅改變可能都感受唔到結果造成咁嘅情況
我而家淨係覺得好對唔住個小朋友
好似都係因為我自己過失而令到所有身邊嘅人承受
（家人，朋友，小朋友，伴侶等等）
明明好地地一個家好似都係因為我散
有一刻我都好想了結自己但係一望到個小朋友又好無辜
我都驚自己控制唔到自己
所以想上嚟抒發吓

某程度都估唔到我都會成為討論帖嘅主角
成日想吸收多啲其他人嘅教訓同埋經驗結果都係輪到自己

0 0 0

私人傳訊回覆引用

minniemouseqq

複式洋房

積分: 422

2^#

發表於 5 天前 |只看該作者

Kchuh 發表於 26-3-13 16:57
一齊咗10幾年途中都有離離合合期間咩問題都有經歷吓老公個人自己都改變咗好多
不過得靠大家之後一直磨合 ...

怕你亂諗嘢所以留言同你打氣！
每一個人都有佢哋嘅缺點，你既然知道你而家嘅缺點係乜，就好好地同老公認錯，真係盡力改過。盡量去挽留，但係如果真係唔得，亦都希望你同小朋友好好行落去，就算另一半真係決定行第二條路，你依然要為小朋友好好生活落去，為佢做個好榜樣，做父母就係有呢個責任，希望你堅強加油！

私人傳訊回覆引用

積分: 45

3^#

發表於 4 天前 |只看該作者

本帖最後由 Kchuh 於 26-3-14 03:06 編輯

回覆 minniemouseqq 的帖子

多謝你我都明白你意思

本來都想再搵下對方溝通但都知佢本來都係一個好硬頸嘅人
所以如果對方都係封閉住自己搵唔到人要消失咁
我現在都唔想夾硬去搵當由得佢再冷靜下始終情況都係就算想溝通都無渠道
都唔想再涉及到更多家人朋友做成人哋心理負擔
自己再沉澱下情緒睇下用咩方法約束自己
就算今次無事點都好我都明白太固執對身邊嘅人都唔好

只係望到個小朋友就比較心酸
所以嗰一刻理智同情緒就係咁打哂交
加上斷崖式消失個人就變得仲痛苦難受

私人傳訊回覆引用

Victory1

大宅

積分: 3651

4^#

發表於 4 天前 |只看該作者

本帖最後由 Victory1 於 26-3-14 03:10 編輯

Kchuh 發表於 26-3-13 16:57
一齊咗10幾年途中都有離離合合期間咩問題都有經歷吓老公個人自己都改變咗好多
不過得靠大家之後一直磨合 ...

女人生小朋友後，往往將專注力放在孩子身上，冷落老公，老公嘅地位突然被取替，難免係有啲唔開心。

而且全職媽媽眼中只有自己和孩子，完全不會理解或者嘗試去理解在外出工作的老公。其實外出工作，不是全職媽媽看得那樣簡單吧！妳在家只看孩子，老公外出工作壓力比你大，工作之餘，上有老闆、下有下屬、又有同級，職場生活沒有妳在家照顧孩子輕易，並不是不疲累吧！

我是雙職媽媽（Working Moms）外出工作之餘，也要照顧子女，是雙重角色的現代女性，確實是高壓挑戰。能全職照顧孩子的媽媽，真的要多謝你老公，妳才能夠享受全職媽媽生活。

私人傳訊回覆引用

積分: 45

5^#

發表於 4 天前 |只看該作者

回覆 Victory1 的帖子

都係嘅雖然講好咗ftm 分工合作但無佢理解遷就我都未必陪到小朋友
呢樣都應該係要感恩嘅

佢都有講過我唔了解佢工作壓力
無奈係有時問佢又未必講佢又唔太會表達
呢個都係我哋一個難題
曾經討論交換身份我去工作但佢都無咩意見咁
最後又不了了之唉某程度都係想俾佢放下工作壓力
之後再俾佢決定咩家庭位置比較適合佢

不過無論咩決策都好其實都會有不一樣生活磨擦
我哋各自壓力無法正確地向對方表達
大小事都可能導致吵鬧收場
但現時都只希望可以我自己都學會多啲站於人哋角度
而佢都可以冷靜下重新思考我哋嘅感情問題

同埋都想遇事後的嬲完爆完都可以平靜後再溝通
將啲問題攤開晒講不留下次再提
又或者平日都多啲做到多交流多分享
俾大家再了解對方多啲理解多啲
如果唔係嘅話下次就算可能有時一個誤會都好
畢竟大家有時都係說者無心
但都會變成一個死結咁解唔到唉

不過都係後話了主要都係要睇下佢可否先冷靜下來
跟住才再看看我們還有沒有後續

私人傳訊回覆引用

Victory1

大宅

積分: 3651

6^#

發表於 4 天前 |只看該作者

本帖最後由 Victory1 於 26-3-14 04:01 編輯

Kchuh 發表於 26-3-14 03:41
回覆 Victory1 的帖子

都係嘅雖然講好咗ftm 分工合作但無佢理解遷就我都未必陪到小朋友

其實FTM永遠不知道現在自己享有的，是老公給她才擁有，往往要到失去才去嘗試理解。

現在不是轉換角色問題，點解永遠諗事但一個唔工作照顧小朋友？點解唔想想兩個一齊賺錢去養個家？生活開支都鬆動啲。

有時，放工回家真想休息一下。每日一早起身返工，舟車勞動，辛勞一日；回家後另一半怪自己不理個家、不理小朋友，確實係FTM不理解職場不是在家照顧孩子這麼簡單吧！

至於工作上問題，他願意講當然好，但他不願意講，又不應該追問，給他一點空間，讓他回家靜靜休息吧！

私人傳訊回覆引用

積分: 45

7^#

發表於 4 天前 |只看該作者

本帖最後由 Kchuh 於 26-3-14 05:13 編輯

回覆 Victory1 的帖子

明白你想表達咩但不是因為失去做ftm 先至識後悔珍惜
而係因為後悔平日自己的遲鈍少咗好多洞察力結果傷害咗愛我同小朋友嘅佢呢個先係令我最懊悔嘅點

但只能說家家有本難念的經
一來小朋友比較細個雙方長輩都覺得我哋2人帶住佢成長好D
二來當時我同佢爸爸都想有個家長可以陪住佢成長帶佢去上下playgroup 周圍玩等等唔想好似下下由姐姐帶大都想有家人見證BB細個嘅時光

不過Bb大多少少之後大家都有諗住請工人姐姐
但係小朋友大咗又發現都有啲發育問題
好多嘢都要需要一個家長陪住佢教導佢
有啲嘢真係抽唔開身如見姑娘e生治療師等等
之後根據佢哋嘅指引需要再在家同小朋友培訓
所以針對現階段都最好係家長本人跟進比較好

我都表達過想番工減輕家庭負擔
都嘗試做WFH 但佢又想我專心湊好個小朋友
（因為佢都見我做文件做到三更半夜要等個小朋友瞓咗我先可以繼續工作）都知佢怕我辛苦所以就叫我唔好做
另外四大長老無人想退休咁就只好自己再努力湊
表示等佢番全日學我先再工作

至於追問工作等問題不是強迫去問
重點是如正常時候佢就唔會想講
但情緒來時佢只說我不明白
的確都真係唔多明因為都唔知發生過咩事
所以先至會話呢個係一個難題
佢不會表達自己我又察覺唔到咩
變咗事情收埋佢心裏面壓力一大就爆煲
所以先想佢掉轉個家庭角色俾佢放低工作壓力
並非係想要佢體會我在家ftm嘅感受

對於我哋嚟講
總之其中一方可以照顧到屋企
另外一方可以照顧到家庭經濟就可以
故此我才表示我去工作也可以（純粹徵詢意見）
就當係俾佢同小朋友都有多啲相處嘅時光

不過都係嗰句講到底我都係未係合格嘅老婆
問題都係令到對方覺得不自信不被尊重
因為小朋友忽略佢換轉喺我都會灰
所以我都話咗唔會再去搵佢住就係想俾佢多啲空間冷靜吓
我要做嘅係沉澱吓我情緒改正吓我思想先
放鬆生活唔固執硬頸
唔係嘅話都只係得反效果之餘都怕自己真係黐線咁解

私人傳訊回覆引用

積分: 7665

8^#

發表於 4 天前 |只看該作者

Kchuh 發表於 26-3-13 16:57
一齊咗10幾年途中都有離離合合期間咩問題都有經歷吓老公個人自己都改變咗好多
不過得靠大家之後一直磨合 ...

樓主似係一個強勢既女性，而妳老公就相反，加上有撩女仔前科，妳內心某程度上既唔信任、不滿、挑剔都會不知不覺間表達左出嚟，形成爭吵同壓力⋯
經濟、湊小朋友花既精神同時間、工作既唔順利，係老公另一堆壓力，而妳有家庭雜務、小朋友健康嘅問題困擾，兩公婆更容易小小事就爆炸，的確唔容易面對，不過就咁睇，妳都願意靜下反思處理，係一個非常好既第一步，但亦唔需要過份自責係咪一個好老婆好媽咪，呢個世界無完美老公老婆、爸爸媽媽，只有盡唔盡力為家庭為仔女付出既人⋯
妳地既情況，個人覺得要先冷靜再慢慢商量點處理，雖然大家都講過幾次離婚但只係火遮眼，試下大家定下一啲正面既婚姻目標例如講下小朋友幾多幾多歲既時候帶佢去邊度玩、你哋乜乜周年紀念時有咩想做、一齊回憶下以前點樣一步一步由同老人家一齊住到而家有自己小天地既心路歷程，或者會有少少幫助⋯
我遇到壓力就會諗下一啲甜蜜往事去平衡情緒，無咁易放棄對方，就算未必人人有用但希望有啲啟發，加油

私人傳訊回覆引用

積分: 45

9^#

發表於 4 天前 |只看該作者

回覆 Heman2001 的帖子

感謝你
的確我係一個比較強勢嘅人雖然老公本身都係
但係我都感覺到佢為咗我收埋咗呢一面
選擇咗去遷就呢樣就係我回憶中最美好感動的一刻
只係各方壓力加埋枕邊人不理解
所以佢好難再去忍受遷就從而爆發

都想學你話齋冷靜過後回憶吓過往經歷
我先發現好多爭執其實都冇乜意義
有時候換轉角度我嘅忍耐多啲可能結局都爭好遠

不過世上冇後悔藥我都真係感受到佢想脫離我哋嘅生活
縱使我唔捨得或者反省過往
佢要點處理或者有咩諗法都唔係我可以控制到

其實我都已經盡量俾多啲心理建設俾自己
叫自己勇敢啲為咗個小朋友過下去
家人表示叫我不要想以後先看看現在
但只係有時難受起來個人真係好痛苦
尤其好似無了期嘅等待無法溝通真係好煎熬

之前其實都好想從佢口中得到一個答案
無論復合分開都好都想可以坐低講下
講完即使以後唔見或者離婚點都好
我先可以想之後點樣安排
但係身邊家人朋友都係勸只能夠等
所以我就一直卡在這個原地和情緒

私人傳訊回覆引用

積分: 7665

10^#

發表於 4 天前 |只看該作者

Kchuh 發表於 26-3-14 15:03
回覆 Heman2001 的帖子

感謝你

明白夫妻關係卡住左係好令人心急無助，但商量都要講時機，未到就唔好急，催促只會令人反感，無幫助，或者send 個message俾佢，例如想一星期後(兩星期又得，無所謂)等大家冷靜左一齊傾下點做，但記住唔係要作任何決定，no，而係講下大家感受、希望將來係點，過程唔係討論對錯，亦唔係俾大家反駁、解釋，只係純粹聽下對方感受，然後結束呢次“約會”，不過大家都要做返啲跟進，例如十日八日後互相交換聽左之後既感受，將任何反駁反抗借口通通放下，用文字寫下各自可以做到既地方(一定要用文字唔係講，可以翻看)，改善改變，總之放下之前既對錯，向前行，睇下有無野可以一齊做，或者會有唔同效果，而唔係重復以前既爆炸、對峙、單向忍讓

私人傳訊回覆引用

積分: 45

11^#

發表於 4 天前 |只看該作者

本帖最後由 Kchuh 於 26-3-14 15:39 編輯

回覆 Heman2001 的帖子

你嘅方法唔錯好耐之前我哋都有文字交流但可能日子耐左朝見口晚見面
漸漸大家都忘記呢啲事的確文字先有多點提醒的作用

我都明白無得急而且無法子急
人都失蹤咁搵唔到除咗佢自我冷靜完
也別無他法最後嘅msg都已透過家人表達但能否聯絡同睇到
就真係本人先知
當然心裡都希望佢可以睇到

如有機會見到你嘅建議我都會嘗試下
不論對錯只講日後安排

私人傳訊回覆引用

積分: 7665

12^#

發表於 4 天前 |只看該作者

Kchuh 發表於 26-3-14 15:33
回覆 Heman2001 的帖子

你嘅方法唔錯好耐之前我哋都有文字交流但可能日子耐左朝見口晚見面

夫妻關係點會無磨擦無拉鋸，日日都會發生，但之所以日日發生、日復日，就係我哋習慣追究、反駁，聆聽係重要的，聽完再提出意見，個人覺得比較容易接受，因為提出意見既過程最重要係包含反思，而唔係反駁、攻擊，要做既係由自己把口去反思、反駁自己問題，而唔係由對方把口，有用好多

私人傳訊回覆引用

積分: 45

13^#

發表於 4 天前 |只看該作者

回覆 Heman2001 的帖子

都係嘅多啲聆聽少啲惡言那怕唔係責怪嘅說話
聽多咗人哋都會覺得厭煩

從前一直覺得自己一直表達
雖然我角度覺得好似好理性咁對方就會明
可能有時佢都係唔想繼續聽我講落去
跟住先至會話我明㗎喇我知㗎啦
但佢想要嘅可能係想佢講我聽靜靜咁聽吓佢講啲乜嘢
但係久而久之感覺換來嘅好似係反駁
並非聆聽所以就失望

因為一直以來我覺得佢認為我脾氣差
係因為我有乜嘢就講出嚟但係佢全部都收埋唔出聲
冇再深思熟慮咁諗吓到底原因係有乜嘢令佢越嚟越唔識表達
又或者唔想表達
你講得啱聆聽真係好緊要..唉

私人傳訊回覆引用

積分: 7665

14^#

發表於 4 天前 |只看該作者

Kchuh 發表於 26-3-14 16:01
回覆 Heman2001 的帖子

都係嘅多啲聆聽少啲惡言那怕唔係責怪嘅說話

一個問題既出現，可以係失職、做錯、被迫、唔記得，唔發生都發生左，過份既怪責無補於事，甚至冗長既理性討論都想逃避，“我未講完呀！”，增加令人討厭，之後想傾返就更難⋯

點都好，婚姻係好深奧既科目，難明又無公式，盡力而為

私人傳訊回覆引用

積分: 45

15^#

發表於 4 天前 |只看該作者

本帖最後由 Kchuh 於 26-3-14 16:37 編輯

回覆 Heman2001 的帖子

婚姻真係一個好深學問真係修行咁

同埋我現時都有個心理關口
家人無可能一直照顧我或者小朋友（因為現時都有啲心理影響咗生理
食嘢都冇乜胃口食咩都想嘔眼光光等天光咁）
呢啲係我嘅責任都知屋企人會擔心
但係其實點都要自己去面對

嚟緊要面臨係自己一個帶住小朋友
返到去一個充滿回憶的空蕩蕩房子
睇住佢收拾好晒嘅痕跡心酸..

所以我驚會黐線..
但又冇得去逃避心理壓力又撲面而來..

私人傳訊回覆引用

積分: 7665

16^#

發表於 4 天前 |只看該作者

Kchuh 發表於 26-3-14 16:34
回覆 Heman2001 的帖子

婚姻真係一個好深學問真係修行咁

佢講左話會搬走、離婚？

私人傳訊回覆引用

積分: 45

17^#

發表於 4 天前 |只看該作者

本帖最後由 Kchuh 於 26-3-14 16:57 編輯

回覆 Heman2001 的帖子

係呀..當時發脾氣嘅時候嗰陣時佢呢種已經封鎖晒我哋嘅聯繫方式
喺我同佢傾嘅時候時佢就有提及過得啦，唔使講冇嘢講
我執埋啲嘢走離婚咪離婚囉
嗰陣時我都仲有同佢講咁你冷靜吓先再傾
唔好咁衝動
問佢要冷靜幾耐佢話唔知呀一個月囉
跟住又話一個禮拜諸如此類
咁我就同佢嘅家人講聲我先返去我媽媽屋企住兩日
你都陪佢傾吓偈俾佢冷靜吓先其實之後仲有發生嗰啲更加唔開心嘅事不過就唔方便再講
主要都係佢飲咗酒之後更加激烈嘅行為個場面都有些少混亂
一啲更加晦氣傷人嘅說話（呢樣就真係唔係我講係佢一路發洩嘅時候我聽到好難聽嘅嘢）

之後，我哋各自冷靜佢留咗喺原本我哋嘅屋企
我就帶住小朋友返咗我媽媽屋企
再之後，佢應該都有佢自己發洩嘅方式
例如佢正常都會搵朋友飲酒傾偈

之後幾日後我都決定要去面對
我自己一個返去我哋原本一齊住嘅地方
但返去之後只見到收拾得異常乾淨嘅屋企
放低咗鎖匙清理咗自己嘅物品
嗰時個心真係已經好痛有一刻真係好想飛落街咁
強迫自己冷靜之後就再次返到我媽媽屋企

接住幾日嘅時間
就係我無休止嘅自責心痛無奈等等呢啲情緒..
但係我家人都會有佢哋自己嘅生活同埋工作
所以我點都要自己返去曾經我哋一齊住嘅地方

私人傳訊回覆引用

積分: 7665

18^#

發表於 4 天前 |只看該作者

Kchuh 發表於 26-3-14 16:54
回覆 Heman2001 的帖子

係呀..當時發脾氣嘅時候嗰陣時佢呢種已經封鎖晒我哋嘅聯繫方式

佢唔理小朋友就咁走左去？

私人傳訊回覆引用

積分: 45

19^#

發表於 4 天前 |只看該作者

本帖最後由 Kchuh 於 26-3-14 17:01 編輯

回覆 Heman2001 的帖子
應該係啩可能想我同個小朋友唔好再出現

佢表示個小朋友唔關佢事叫我有咩攬住個小朋友講
佢同我冇說話可言
講到已經唔再係佢老竇類似咁嘅說話
甚至會埋怨個小朋友覺得佢唔應該出現咁嘅嘢

我唔知係火遮眼定點
但係嗰下我真係好難忍受
所以先至想去我媽媽屋企就冷靜吓
都唔想佢咁激動

私人傳訊回覆引用