件事係咁嘅，我認識咗ex 3年。初頭大家都好恩愛，雖然佢家底麻麻，不過我都相信佢有上進心。我哋嘅生活會越黎越好。後來半年後發現我哋成日都夜晚先見面，叫佢日頭出街，佢又死都唔肯，呢件事真係好鬼，好red flag。
不過我呢三年都冇理會（可能盲l咗 沉醉咗喺嘅粉紅泡泡度），直到一通電話打嚟一個女仔喊曬口：「點解你要纏住我男朋友。」聽到佢講述同個pk嘅關係。我當然覺得痴l線啦，你先係第三者啦。後尾，我ex打嚟，親口承認同自己女朋友已經一齊咗5年。仆街，原來我先係第三者。
最恐怖嘅嘢都唔係呢度，後尾正印都我在求證啲時間線，畀我哋發現仲有第四第五第六個女人。真係時間管理大師！
消化咗呢件事一段時間後，最晴天霹靂個係我仲要大埋肚。都真係好無助，我已經準備好做單身媽媽。希望我可以渡過呢個難關。希望其他媽媽可以俾啲鼓勵我
最近確定懷孕 不過男方未必會負責任㗎啦 我已經準備好成為一位單身媽媽照顧我嘅女 希望喺呢個平台同各位有經驗嘅媽媽圍爐
發表於 
返回列表
