想生BB 今日: 0|主題: 109645

我個仔今日5個月大啦

以下既過程依家可以好自然分享出黎，回想過去每一個經歷都好焦急同唔開心！(過程仲用左好多錢)

總結小分享:

1) 搵個適合自己的中醫，一直睇左好多年，流產後轉左一個，睇左兩個月就有左，中醫幫左好大好大忙。朋友都係睇佢有左。

2) 用大衛牌紅D(日日Check排卵)，綠D (Check懷孕)，把握排卵時間做功課

記得2023年（32歲）開始，我同先生積極備孕，

試左一年半，未好消息，決定去睇婦科及考慮 iui 療程．我有瘜肉問題，多襄卵巢，生理周期35-45日。

IUI 療程：

2024年9月(33歲) 去仁安睇，一照陰超，發現有瘜肉（影響著床），所以好快做左手術，醫生話要把握半年內的黃金期。

11月，正式進入iui 療程 :

黎M第2日開始打排卵針，打到DAY9/10 反去照一照卵泡發育情況，最後DAY 13 返去照多次，如有成熟卵泡就打破卵針(36小時內排)，Day14 把先生的精入放入子宮，過程唔痛，好快完成。

每一個周期最難受的地方，係等待，醫生叫我iui後第16日先驗孕，但我DAY10開始偷驗，見到第2條淺到幻覺既線，以為中左，不過最後唔成功，黎M個日忍唔住喊左出來，個期望落差令自己好難受。傷心左幾日，我又重新開始。

自然懷孕＆流產 (紅d綠d)

去到2025年(34歲)，當時又不停睇資料，開始用紅D綠D，紅D深紅 (排卵期) 個兩日，Keep住做巧課。２月尾終於驗孕棒出現第二條線!!!!當時開心到即刻喊出黎，覺得自己唔係不孕，係有能力自然懷孕。可惜晴天霹靂的事好快又發生，去到7周左右，沖涼時發現出血，自然流產... ...

中醫療程

流產之後，我喊左幾日，不停責怪自己又不停問點解係自己。於是，我懷住一個非常焦急，同有D抑鬱既狀態繼續努力。

再睇婦科西醫時話好似瘜肉復發，當下又喊左出黎，好似過去做既野無用，所有野重新開始。

同老公商量左之後，雖然佢一直反對，但終於同意唔得就去台灣IVF(到時有瘜肉就再切除)。朋友介紹左一個中醫，好多媽媽睇佢能都懷孕。中醫診斷我腎虛冷宮，所以每次睇佢都食藥+針灸，仲幫我每次照子宮，黎m開始唔痛了，因為睇中醫覺得手及身體暖左好多，一直諗住調理好就開始ivf。

Ivf初診及再次自然懷孕

25年6月第一次見去台灣見醫生，去台灣個日Check到排卵(都係紅D排卵紙)，於是落機返酒店都努力做一次功課。一心諗住自然中左就唔洗再去台灣睇醫生。第二朝見醫生仲check 有一個卵泡破裂排緊卵。

台灣Ivf初診流程：(俾左HKD15000，台灣Ivf total 約7萬)

1)有個護士見我地問哂過去懷孕情況及比哂香港報告佢睇

2)照陰超

3)見醫生（王家瑋）

4)抽血（驗好多同懷孕及流產相關指數）

5)教打針同拎藥返香港

所以下一次黎Ｍ就開始打針！！！點知...2025年7月1日(排卵後Day11)，覺得下盆腔兩邊抽住痛，胸脹得好辛苦，所以驗孕。驗孕棒第二條線又返黎啦。今次好早驗到有左，最後真係唔洗再返去台灣啦，Ｄ排卵針都唔洗用啦。

祝大家都有好孕 !! 如有疑問歡迎DM !!