少年成長今日: 3|主題: 16132

收藏本版

回覆發帖

返回列表

跳至頁

查看: 926 | 回覆: 2

升中預備 [複製鏈接]

csir3290

子爵府

積分: 12789

1^#

發表於 3 天前 |只看該作者 |倒序瀏覽 |打印

呢兩個星期可以話係放榜月，首先有中一放榜跟住就去到中六文憑試放榜，所以呢兩個禮拜都有好多討論講升學問題。去到文憑試呢個階段，家長可以做嘅都已經唔多，最多都係幫啲仔女留意下升學嘅資訊，成績冇咁好嘅就畀佢哋去補習。反而中一放榜，只要家長多啲了解個制度，早啲幫仔女預備，係可以影響到個派位結果。
首先，成日都講嘅隨機編號，好多家長以為影響好大，當仔女派得唔好嘅時候，好多時就會係個隨機編號嘅影響。我唔係話個影響唔大，但係佢嘅影響只係局限於同一個組別入面，即係話如果大家都係band one，咁跟住就會受到個隨機編號影響，隨機編號先嘅細路仔就會派位先，因為大家都係同一個組別，咁所以電腦就會視為同一組人，自然就需要有先後次序咁派，呢個時候就真係由呢個隨機編號決定，咁你可以話好大影響又得，因為始終同一個組別入面嘅同學細路仔都有咁多人，如果兩個細路仔大家都係band one，咁你嘅隨機編號係最先，同隨機編號係最後，咁派發嘅次序就已經可能差咗好遠，但個先決條件係要呢兩個人都要揀同一間學校，個影響先會咁大。但係賞心一層你又會發覺香港一年可能講緊幾千個第一組別嘅學生而又有咁多間唔同嘅英中，如果你只係揀最熱門嘅全港名校咁個隨機編號嘅影響可能會帶但係如果散返落去每一個區唔同嘅英中係咪每一間學校都有幾千人一齊揀呢？而且第一組別嘅學生始終都係派位最先嘅組別，所以我就覺得隨機編號嘅影響唔係想像中咁大。而且如果兩個學生根本唔同組別，咁個隨機編號自然個影響就冇咁大。

另外，一個家長都會提到嘅就係明明仔女喺5，6年級嘅時候都睇住佢哋進步，但係派出嚟嘅結果都係強差人意。呢個其實我覺得亦都係一個誤解，因為其實成個制度係講緊穩定，即係話喺5，6 級嘅三次呈分試入面，表現都係喺第一組別，咁自然獲派第一組別中學嘅機會就會高啲，如果三次嘅呈分試都係進步，即係例如第一次可能係band2頭，第二次係band one尾第三次先至係搵奪band one嘅話，咁得出嚟嘅結果又未必真係一定係band one頭。所以如果要穩定就需要早啲開始幫仔女預備。我唔係話一早就要催谷，其實我從來覺得為咗考試先至嚟催谷，作用根本就唔大，與其催谷不如家長喺細路仔細個嘅時候，用多啲心機去幫細路仔建立有規律嘅學習習慣，由細路仔開始建立規律，點樣溫習點樣做功課，越細個開始就越容易成功。不過越細個開始，家長要擺落去嘅心機就自然要越多，因為需要由陪伴開始，更加要控制自己嘅情緒，唔係只係用逼就可以。要細路仔喜歡學習建立規律，最重要就係要令到佢哋細個覺得學習係一件開心又有樂趣嘅事，呢個除咗學校之外，其實家長先至係產生最重要嘅作用。如果細細個開始就幫佢哋建立到一個有規律嘅習慣，慢慢佢哋就會知道學習嘅重要，咁學習就會事半功倍。如果家長去到所謂呈分試嘅時候先至開始緊張開始催谷，我唔係話冇作用，但係呢個時候嘅催谷，家長自然更加心急情緒更容易受影響，而且細路仔自細嘅學習習慣就有問題，咁自然成功嘅機會就會低咗。

所以要幫細路仔預備呈分試並唔係去到四年班先至開始，而係由一早就要幫細路仔好好哋預備佢哋嘅學習習慣，越趨谷只會令佢哋越唔鍾意，要諗方法用心機令佢哋鍾意學習呢個係家長其中一個責任，唔能夠完全轉嫁去學校。而且越早預備，越早開始幫細路仔培養習慣先至係致勝之道。

0 0 0

私人傳訊回覆引用

Poyau

寶石宮

積分: 293317

母親節2025勳章 2025勳章蛇年勳章 2023年兔年勳章

2^#

發表於昨天 03:33 |只看該作者

回覆樓主:

謝謝分享

B1/2/3 全港/本區各佔有呈分學生⅓
大抽獎甲部按全港組別乙部按本區
以今年四萬八升中計全港B1約萬六

全港甲部只佔約10%大抽獎公海學額
相同組別隨機編號致勝關鍵
例如 SJC 喇沙 MCS SMCC 甲部各2

本區乙部視乎該區B1/英中學額
位充足隨機編號靚 B2有機派B1/英中
位不足隨機編號唔靚 B1可能派B2校
南區離島荒漠屯門西貢重災區

https://www.info.gov.hk/gia/general/202607/06/P2026070600378.htm