吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 真係好嬲c6屋企人(都幾長...唔好意思)

婆媳關係今日: 3|主題: 27785

收藏本版

發帖

返回列表

跳至頁

查看: 6404 | 回覆: 66

真係好嬲c6屋企人(都幾長...唔好意思) [複製鏈接]

12 3 4

WTM

大宅

積分: 4745

畀面勳章

1^#

發表於 09-7-5 20:34 |只看該作者 |倒序瀏覽 |打印

其實我真係冇地方可以呻...多謝各位一直以唻既開解...

今日下晝...同c6講完電話...我個心真係好痛, 亦都好嬲...今次, 又係關於自私既99...

相信有睇我之前既post既都會知道我同我c6屋企人點解會關係轉差...今次...又有新野

其實之前我亞爸過左身冇幾耐...99就同我講 : 亞麻生日, 你同bb搞好d證件跟住返大6啦...
我一而再,再而三強調唔會返...
我叫左c6同99講, 話我亞婆講, 呢一年都唔可以同長輩慶祝生日...(因為都叫做帶緊孝..尊重返先人姐)...其實我大可以唔聽我亞婆講....但我一諗起...我爸死o個時, 我99同c6亞麻話, 100日唔可以返我媽到, 我就好嬲....所以我今次係點都唔會妥協...

到尋日我99又打唻同我講 : 亞麻打出唻問, 你同bb整好d證件未, 返去同亞麻慶祝生日...
我諗都唔諗就答佢 : 亞婆話呢一年都唔可以同長輩慶祝生日...
99 : 咁你亞婆話唔得就算啦 ( d 語氣係好差...)

之後, 我返到我媽到(因為逢星期五就會帶bb返我媽到) 咁我就打俾c6問佢亞媽有冇打俾佢...佢就話有...原來c6係同佢講, 自己問我...點知99自己打唻問...

尋晚我已經覺得..c6好似有野同我講...點知佢今朝開開下工打俾我同我講以下既說話 :

其實我諗左好耐同唔同你講...但我覺得你有必要知...我媽問我, 點解你唔肯同bb搞證件返去同亞麻慶祝生日...亞麻唔知仲可唔可以等到出年生日(但我想講, 佢亞麻雖然係80幾歲, 但佢仲健康過我)佢叫我同你講, 叫我tum你...但我同佢講, 冇可能tum到佢...跟住我媽就問我: 點解xx而家會變得咁硬頸, 係咪嬲我o個時唔俾佢同bb返佢媽到???
之後我唔記得c6講左d咩...之後就話, 如果唔返大6..咁以後都唔使返唻屋企, 我當生少個仔, 冇左個孫..

跟住我c6就開始喊...佢話佢唔知應該點做, 佢同佢媽講, 佢咁樣逼法, 佢唔想佢自己頭家散, 佢唔想冇左個老婆同冇左個女...但同時佢都唔想冇左個亞媽...跟住佢亞媽就話, 仔我都可以當冇生過, 咁個孫又算得乜....

我真係好嬲....我開頭都唔想c6難做, 所以好多野都唔出聲, 但佢竟然咁樣講野...真係好過份...咁樣逼我c6....

我好心痛c6喊住同我講...佢唔知應該點做...後尾佢要開工, 所以我地就sms...我同佢講, 你媽咁做其實真係好野蠻, 好自私, 亦都好過份...如果佢真係逼你揀, 我會叫你揀佢, 但放心我唔會同你離婚, 因為我都唔想咁做....

唉, 我真係唔想再見到佢屋企人啦...我好想返去執返晒所有野返我媽到!! 見到c6咁, 我又好心痛, 我真係唔知應該點做...

好想知有冇人好似我咁????

0 0 0

私人傳訊

FM94.8

禁止訪問

積分: 3310

2^#

發表於 09-7-5 20:41 |只看該作者

提示: 作者被禁止或刪除內容自動屏蔽

私人傳訊

WTM

大宅

積分: 4745

畀面勳章

3^#

發表於 09-7-5 20:49 |只看該作者

原帖由 FM94.8 於 09-7-5 20:41 發表
我又會諗你係嬲99, 唔係嬲亞麻, 點解返去

FM94.8
多謝你既留言....其實2個位老人家我不嬲都好尊重, 從來都冇逆過佢地意...但我爸死左, 佢地都仲好意思叫我返去幫C6亞麻慶祝生日....真係好過份LOR

私人傳訊

FM94.8

禁止訪問

積分: 3310

4^#

發表於 09-7-5 20:59 |只看該作者

提示: 作者被禁止或刪除內容自動屏蔽

私人傳訊

浩天靚媽

禁止訪問

積分: 4610

5^#

發表於 09-7-5 21:02 |只看該作者

提示: 作者被禁止或刪除內容自動屏蔽

私人傳訊

WTM

大宅

積分: 4745

畀面勳章

6^#

發表於 09-7-5 21:05 |只看該作者

原帖由 FM94.8 於 09-7-5 20:59 發表
如果迷信d講句, 你屋企有白事, 個年最好多d參與d喜事, 會沖走d衰氣.
好似過年, 只可以收利是, 唔可以派利是.

我都明, 但問題係...o個個係我亞爸...
可能我係一個極度硬頸同執著既人...我真係忘記唔到佢係當我屋企人唔係親家...同埋, 咩都要我地聽晒佢地講....
我一直都好尊重d長輩, 但呢幾次, 佢地真係好過份...
我真係忍左佢地好耐啦
我唔出聲就覺得我好蝦.....
我真係好失望呀!!!

私人傳訊

WTM

大宅

積分: 4745

畀面勳章

7^#

發表於 09-7-5 21:23 |只看該作者

原帖由 浩天靚媽 於 09-7-5 21:02 發表

明白你感受，自己親愛o既爸爸過左身，有孝在身，想盡孝...好明白

守孝係好多禁忌，而且個個鄉下，個個屋企都唔一樣，不過既然男家同麻麻都唔介意你有孝在身，咁咪返去同麻麻過生日囉，80幾歲，雖然你話佢好健康，不過老人家真係可以話 ...

浩天靚媽, 多謝你既留言...
可能個個都會覺得我對佢亞媽亞麻好衰...
但...我都仍然好介懷我亞爸有事既時候, 99佢地係點對我屋企...包括佢亞麻...我呢一世都唔會忘記....
咁點解我亞爸有時既時候, 佢唔俾我多d俾個女返去見我亞爸呀???我真係諗極都諗唔通....
sorry, 激動左d, 希望你唔好介意

私人傳訊

boey

男爵府

積分: 8888

8^#

發表於 09-7-5 21:31 |只看該作者

比我就唔返,佢亞麻咁老,你又大孝在身,如果你返左去之後佢亞麻真係有咩事,一定賴係你身上:;pppp: :;pppp: :;pppp:
你99咁自私,一定會咁做:;pppp:

私人傳訊

浩天靚媽

禁止訪問

積分: 4610

9^#

發表於 09-7-5 21:35 |只看該作者

提示: 作者被禁止或刪除內容自動屏蔽

私人傳訊

WTM

大宅

積分: 4745

畀面勳章

10^#

發表於 09-7-5 21:39 |只看該作者

原帖由 boey 於 09-7-5 21:31 發表
比我就唔返,佢亞麻咁老,你又大孝在身,如果你返左去之後佢亞麻真係有咩事,一定賴係你身上:;pppp: :;pppp: :;pppp:
你99咁自私,一定會咁做:;pppp:

boey, 多謝你既留言呀....
我而家就係企硬唔返, 因為我亞爸走o個時...我c6個姑丈就入左醫院, 我有面色睇就理所當然啦...(但我仍然係冇去醫院睇佢姑丈....因為我亞爸o係醫院期間, 除左c6日日陪我去之外, 佢地唔好話去, 就連一個問候既電話都冇)
講既野仲好有骨...話, 好地地又會發燒...又會變左腦膜炎....唔使講都知係俾我聽啦....
到時我地返左去...麻麻有d咩事...又係賴我!! 佢今次仲要講到咁...話唔返就以後唔好返屋企...咁樣嚇唔到我, 我係唔會妥協架!!!
唔好話咩啦, 為左個bb...都唔應該返去啦~而家d菌咁犀利!!!!自私到冇人有呀!!!!

私人傳訊

boey

男爵府

積分: 8888

11^#

發表於 09-7-5 21:47 |只看該作者

原帖由 WTM 於 09-7-5 21:39 發表

boey, 多謝你既留言呀....
我而家就係企硬唔返, 因為我亞爸走o個時...我c6個姑丈就入左醫院, 我有面色睇就理所當然啦...(但我仍然係冇去醫院睇佢姑丈....因為我亞爸o係醫院期間, 除左c6日日陪我去之外, 佢地唔好話 ...

唔好客氣,而家你就要同你老公洗腦,話你其實都唔係唔想去,只係而家d菌太得人驚,萬一去左大6,bb有咩事咁點算

呢招係我嬸仔上個月用黎唔帶bb出席我99生日既招數.
因為我叔仔係好緊張bb既,所以用得著
再唔係比你媽咪湊bb一晚,你自己去,點都唔好帶個bb去,而家亞麻係想見b唔係見你,偏偏就唔帶b去,吹咩:;pppp: :;pppp: 上到去仲要成日帶住口罩

我好衰嫁,人地對我唔好,我都唔會為佢地諗咁多,好唔好過,比唔比面個d,唔通你比面佢佢地會對你好咩:;pppp:

私人傳訊

WTM

大宅

積分: 4745

畀面勳章

12^#

發表於 09-7-5 21:48 |只看該作者

原帖由 浩天靚媽 於 09-7-5 21:35 發表

我唔係覺得你對佢阿媽阿麻衰，我只係覺得，既然佢唔介意你有孝在身出席賀佢壽，咪去囉，同佢講明「我有大孝在身，有咩事你唔好話我沖你就得啦」，無謂比佢有位入你ma...

個個家都有不同習俗﹑規舉，最好係佢屋企o既事就依佢地規舉 ...

浩天媽....我真係唔知應該點做, 為左呢件事我今日喊左好耐...我明白到老人家到咁上下年紀隨時話行就行...我都好想做到好女兩頭暪....但我婆唔俾...我媽都話唔好...問佢可唔可以年尾先返去, 佢地都唔肯...
其實之前一早我都同佢地講話帶bb返去...係佢地話唔好...結婚呢年半...我地女家乜都聽晒佢地講, 從冇逆佢地半點意....但今次...我真係做唔到!!
因為我返同唔返佢地都係咁搵位入我....唔關事既都會話埋我! 我就係唔想咁樣..唉..我唔識點去做人新抱...我亦都唔識點去做一個乖女....好辛苦呀!!!

私人傳訊

WTM

大宅

積分: 4745

畀面勳章

13^#

發表於 09-7-5 21:52 |只看該作者

原帖由 boey 於 09-7-5 21:47 發表
唔好客氣,而家你就要同你老公洗腦,話你其實都唔係唔想去,只係而家d菌太得人驚,萬一去左大6,bb有咩事咁點算

呢招係我嬸仔上個月用黎唔帶bb出席我99生日既招數.
因為我叔仔係好緊張bb既,所以用得著
再唔係比你媽咪湊b ...

boey, 我就係諗, 就算佢地對我唔好, 我對佢地好, 慢慢佢地就會對返我好, 但原來係唔會...所以我都唔會再係咁落去...
我自己都唔會返去啦, 因為我返大6 要簽證...我又唔係怕麻煩, 只係覺得, 打個電話返去講聲生日快樂都唔係過份姐, 不嬲都係咁架啦!! 加上又晒一千幾百...再唔係咪視像lor, 好高科技姐而家...唉....我都唔知...

私人傳訊

BBqueenie

男爵府

積分: 8081

hashtag影視迷勳章 BK Milk勳章畀面勳章

14^#

發表於 09-7-5 23:15 |只看該作者

你唔好唔開心先..我會覺得.你唔想去就唔好迫自己去, 你都係為BB諗..講真. 如果你真係返左大6, 阿麻真係有咩事..咁點好呀??又話你帶大孝都返去食飯???
仲有..我唔知你99會唔會話..你而家(女家)左就係男家既人.要聽男家講野...
可能會仲有好多唔好聽既野聽到..你唔好唔開心....

私人傳訊

yy25

子爵府

積分: 13211

好媽媽勳章醒目開學勳章

15^#

發表於 09-7-5 23:51 |只看該作者

你99咁真係强逼姐！係我都吾會返

私人傳訊

十一月

大宅

積分: 1900

16^#

發表於 09-7-6 00:19 |只看該作者

原帖由 FM94.8 於 09-7-5 20:59 發表
如果迷信d講句, 你屋企有白事, 個年最好多d參與d喜事, 會沖走d衰氣.
好似過年, 只可以收利是, 唔可以派利是.

係迷信d嗰句, 白事係唔可以沖紅事, 可況佢係大孝, 真係沖到個八十幾歲老人家, 佢一世都係罪人。
另外過年做緊白事, 係唔可以收利是, and 當然係唔可以派利是, 最好係避年。

私人傳訊

十一月

大宅

積分: 1900

17^#

發表於 09-7-6 00:47 |只看該作者

wtm, 唉, 唔好唔開心, 我成日都話口生係人度, 你點做都控制唔到佢講乜and 做乜, 最緊要就係知自己角色and 知自己做緊乜, 無謂人咪唔好理羅, 人家唔當你一家人, 你咪剩係攬住個c6同阿女羅, 駛乜理佢同令自己唔可心呢。
我都試過c6喊住同我講佢屋企野(當時我決意要湊返阿b, 唔比62 99湊, 佢地鬧c6, c6喊晒返來同我講)當時我攬住c6, 好溫柔同佢講, 此終一家人無隔夜仇, 過左啖氣佢地就無事啦。佢地進一步, 我就好似後一步咁安慰c6, c6只會記得佢地點鬧佢, 點為難佢, 當然唔係叫你帶阿女返大6, 但你唔好咁硬同你c6講說話, 反正c6企係你嗰邊, 你咩都唔駛諗, 唔需要諗咩好女兩頭瞞, 咩做個好新抱, 你只需要諗點做一個好媽媽and 做一個好老婆。

如果我係你, 我點都唔會帶一個未夠一歲的bb返大6, 一.大6多菌, d鄉下人衛生意識奇底。二. 你都講過你姑9當你個女係玩具and 你99本身又自私(一個老人家要得你帶個女返鄉下show off, 咁佢角度已經唔係為個bb著想)三. 我最返先睇報紙都有人係廣東省連手抱bb都搶, 你千祈唔好帶。

對付你99, 最好不聞不問, 出世紙正本放係阿媽度(我阿b都係一份在我媽屋企, 另一份係保險箱)屋企放副本(費事你99靜靜地幫阿女搞左証你都唔知), 99問你幾時搞, 你咪話有分數, 得啦, 快啦(一味拖字決), 佢煩你c6, 咪叫c6同佢阿媽講, 話你搞緊, 有分數, 拖得兩拖, 99發你脾四, 你咪成機派牌, 暫搬去你阿媽度住, 喊晒同c6講話佢阿媽趕你走, 成機唔返去羅, 到時咪仲好。

私人傳訊

c雅

大宅

積分: 1735

18^#

發表於 09-7-6 00:47 |只看該作者

WTM,It's me again!我都覺得你99好衰,你屋企人有事時,又係佢自己冷係好多禁忌咁,唔比你返娘家;如果佢真係咁守禁忌,點解唔守埋落去,叫你地唔好同佢地做生日呢?依d人咪叫自c lo!

我好明白你感受!!

我aunt去世時,bf都無乜點係我身邊,佢ar媽仲下下講野潤我,又話我屋企人古怪,又話佢地條村死人就百無禁忌,仲要分燒豬食,乜都要管要講,乞人憎都嘔

就係果次起(再+上種種原因),令我愈來愈討厭佢~

你不如試下主動d打比你個自c99,同佢講老公已經問左你喇,你家人都唔太agree你同bb去做生日,又或者出動你mammy,同佢好聲好氣講,我估佢想再為難你地,都只可以往肚裡吞,佢可能會係d親戚臉前數你地,但係果d親戚好日都唔見一次,要講咪由佢地講lo~

有sis講過,你要唔比男家d人恰到你,最重要係比佢知道你背後有強大既娘家撐腰,希望你99會知難而退la