3歲或以上今日: 0|主題: 8855

發帖

跳至頁

查看: 541 | 回覆: 0

積分: 1237

大廚勳章

1^#

發表於 11-9-4 19:44 |只看該作者 |倒序瀏覽 |打印

本帖最後由 JessicaKLin 於 11-9-4 20:01 編輯

要湊大一個BB眞係唔容易，以下係我既經驗之談。

由我囡囡未出世，我已經決心要用母乳嚟喂餔，而囡囡食母乳去到一歲。如果唔係囡囡一歲生日時返咗老公鄉下去同佢搞生日，我諗我會比佢食母乳去到返K1之前。

當囡囡到咗可以進食固體食物時，我就會自己準備食物比佢。雖然坊間有唔少既嬰兒食物出售比各唔同年齡層既BB，但點及得新鮮自制咁好吖!!!就算係比都最多係餅乾，同嬰兒果汁。( 但呢樣如果比我再生一個我就唔會咁做，因為我囡囡一度唔肯飲清水。)

有一樣嘢眞係各位家長一定唔好做，就係唔好為咗氹BB食嘢而比玩具佢一邊玩一邊食。呢個習慣一但養成，就好難會戒得到。到咗可以自己進食既時候，就唔好怕驚佢食到周圍都係而唔比佢自己食而走去喂佢。

有時會聴到啲家長講，小朋友掛住食零食唔肯食飯，又或者係到咗兩、三歲都仲係飯奶多過食飯。第一：零食我都會比我囡囡食，但一定唔會係食飯前一、兩個鐘頭內。第二：飲奶唔係唔好，但係到咗佢可以進食固體食物既時候，就要減少飲奶分量。( 我呢度係指唔好跟住奶粉商既見議食奶量去沖調奶粉 )

私人傳訊

跳至頁

3歲或以上 今日: 0|主題: 8855