我好想響處打一篇野.名為”娶內地心抱事件簿”, 因為我一直覺得我公司茶水阿姐娶心抱事件係一篇唔完既連續劇,所以響處同各位姊妹分享一下:
數年前, 話說茶水阿姐A因個仔失戀, 驚佢自尋短見, 自己杯心抱茶又唔知幾時有著落之際….同事C就同茶水阿姐講有個姪女介紹俾佢個仔。個姪女的身世﹕教書, 人又靚又乖,又識煮飯,又男仔追。不如叫佢落黎, 飲杯茶當識多個朋友都好。
茶水阿姐梗係有理冇理, 點都迫個仔出席茶聚。 當日兩人真係一見傾心, 晚上就已經去唱K了……
之後數月,一直香港<>深圳, 樂此不疲。連家長都見埋, 個女仔阿媽已經開始催婚,仲話有仔趁後生好生….. 茶水阿姐A梗係唔想啦, 生個孫要幾皮野…..。此時此刻, 女仔阿媽一家四圍睇樓, 好似當買菜咁, 帶個女四圍去睇, 個未來女婿又唔衰得, 於是衰衰地都買了一層,開始供樓生涯。 以為一切穩定落黎, 點知個女仔話有左喎! 真係咁岩得咁橋?!
漫長既內地心抱事件簿正式揭幕…..
mouth:
發表於 
返回列表
