興趣嗜好今日: 2|主題: 124523

收藏本版

發帖

返回列表

跳至頁

查看: 9223 | 回覆: 93

我的靈異經歷 7

[複製鏈接]

12 3 4 5

chocolate9592

珍珠宮

積分: 40313

2025勳章蛇年勳章

1^#

發表於 12-4-12 20:04 |只看該作者 |倒序瀏覽 |打印

本帖最後由 chocolate9592 於 12-4-22 23:25 編輯

見今日有咁多jm支持, 出post一個小時已經有四百多人瀏覽, 所以趁個仔自己食緊飯, 我快快食完, 快快出第七集, 以答謝jm既厚愛 !!

9/ 62 的故事 3 (完)

係62回魂當日, 我地同埋99同阿so, 一齊去到出事地方, 阿so入完去安排好回魂既野之後, 就叫我地快快出去, 之後同我地講番, 原來出事當日, 加上出事地方, 加上出事時間, 阿so計完出黎, 結果係, 62中咗三剎局, 咁其實呢一日係62運滯既一日, 所以先咁易出事....

而且間屋入面既屍蟲, 係多到通屋通傢俬都係, 連衣櫃入面既衫都有, 攪到我幫幫吓c6都幫唔到手執, 仲要丟哂好多有衫, 唔係因為有蟲, 係因為有好重既屍臭味......最慘既係, 我返屋企時, 都聞到自己成身都有呢陣味添呀.......

阿so亦計出, 其實我同c6應該係早一年結婚, 不過我地無結到, 變咗無喜事幫62沖喜佢既運, 先會咁巧合有呢件事....

不過一切都已成定局, 我同c6既婚期都延後一年半, 連我地結婚既日子都係阿so擇既, 佢連兄弟同花車司機都幫我地做埋添呀 !! 佢老婆仲幫我做姐妹加大襟姐添...

好喇 !! 返去超渡當晚, 我地六點到阿so個師傅度, 先食佛堂既齋菜, 七點就開始法事, 為時三個鐘, 因為我地做咗三遍地藏經 !!

當大家都好攰既時候, c6同99就上去天台燒衣俾62, 而我就繼續同大家一齊唸, 個陣已經有十點, 所以個肚打哂鼓, 咁我不其然就諗, 一陣完咗去食咩好呢 ? 好想飲凍檸茶同食腿旦治呀 !! 好似最近間茶餐廳係.......

就係呢個時候, 我本來合十既手, 突然分唔開, 然後眼淚不受控咁流, 連鼻涕都喊埋出黎, 當時其他人, 包括62既細佬同佢老婆, 仲有在場既其他佛教徒都唔知我咩事, 阿so因為都出埋天台, 所以師傅要自己叫徒弟, 過黎扶我行去佛既前面 ( sorry, 我連個佛叫咩都唔知 )跪係度, 之後我喊得仲勁, 當時我仲差d以為係咪我掛住食, 62唔鐘意黎罰我, 原來唔係, 師傅話係我62因為咁多人為佢誦經, 又有大佛肯幫佢, 令佢可以唔駛繼續受苦而感動, 不過就因為我同佢有 "親", 亦同佢感應最強, 所以就借我身喊咗出黎......

我都唔知自己醜怪咗幾耐, 到師傅幫我加持後, 終於可以收到聲, 咁其他人就埋黎扶我去坐低, 有唔知情既人仲慰問我, 叫我唔好咁傷心, 我當時答佢, 其實我唔傷心架.....

之後到c6同99同阿so返落黎, 見到我咁, 等我收哂聲再講番件事, 阿so話根本一開始, 62已經好唔開心, 所以我見到62係喊樣, 因為62同99c6佢地關係唔好, 62無諗過我地會咁樣去幫佢, 所以佢見到大家都咁為佢, 佢真係好開心囉....

之後就到出殯.....我再無聞到佢陣味, 過咗一個月左右, 我有一晚發夢, 見到62帶哂我地一齊去到海邊, 同我講佢要上船喇, 唔駛掛住佢, 佢好開心呀 !!

當我醒後, 我唔敢講, 直到有機會見到阿so我先講, 阿so話, 我62真係去咗極樂, 唔駛再係地獄受苦, 我呢個唔係普通既夢, 係真真正正既62報夢呀 !!

不過我唔知點解62唔報俾c6同99, 可能因為佢曾經上過我身, 同我有更強既連繫喇 !! 之後到我同c6結婚, 阿so行係我地前面, 佢話我同c6未行到男家門口, 佢已經見到62企咗出黎同佢握手, 開心到不得了咁, 到我敬茶(其實係典茶), 62仲笑到合唔埋個口添喎.....

不過當日我就咩都見唔到, 淨係知我c6講錯, 話佢今日娶老婆, 變咗娶新抱......