吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 幼稚園interview

大仔大女媽媽會今日: 0|主題: 177860

收藏本版

發帖

返回列表

跳至頁

查看: 940 | 回覆: 6

[2010年] 幼稚園interview [複製鏈接]

ashley_mama

大宅

積分: 3602

1^#

發表於 12-8-21 19:03 |只看該作者 |倒序瀏覽 |打印

有咩要注意架?洗唔洗父母一齊去架?好緊張呀，我開始幫佢報名啦

0 0 0

私人傳訊

chingchingyee

大宅

積分: 2284

2^#

發表於 12-8-22 17:11 |只看該作者

囝囝只考過一間幼稚園, 所以經驗嘗淺, 唔介意的我分享我自己小小經驗啦

學校通常只會叫一個大人陪小朋友入去in, 但如果可以, 爹地媽咪一齊去囉, 順便可以参觀埋學校既設施&環境等等丫馬

首先揀晒心儀既幼稚園後, 就要遂間幼稚園做功課了, 搵下之前果間幼稚園既資料, 例如之前一年or幾年interview過乜野?? 問過家長乜野問題?? 當然每間幼稚園都一定唔同, 所以要做功課遂間慢慢睇, 跟住mark底備用

小朋友考乜真係五花八門, 所以妳集中晒資料後再慢慢多同小朋友練習啦, 仲有大把時間, 所以可以放心

我囝囝去interview前一兩日, 我就上果間幼稚園網頁熟讀, 記清楚佢地既教學理念&教學方法, 家長會對小朋友有乜期望等等, 我自己就有諗定一啲答案....因為呢d問題好大機會會問, 同埋唔可以答錯或者答"唔知"

其實囝囝幾個月大時我已經開始做功課, 揀晒心儀既幼稚園後遂間慢慢上網搵資料&睇有小朋友就讀緊既家長評語, 但最後真係有寄表的只有2間, 最後真係有去interview既就只得一間

記得果日去到幼稚園門口時, 見到有好多家長&小朋友, 果刻已經feel到好大壓力, 我老公話我笑得好硬好緊張, 當我答學校顧問既問題時仲緊張到眼紅紅, 因為好驚自己答得唔好

當知道收咗我囝囝時直頭好似發夢咁...隔咗一陣就開心到喊咗出嚟

所以我完全明白妳有幾緊張呢

如果有乜資料想知多d搵多d的話, 不妨出聲丫, 大家幫幫手, 等各位媽媽可以準備多d, 輕鬆d去interview呢

私人傳訊

ashley_mama

大宅

積分: 3602

3^#

發表於 12-8-23 09:33 |只看該作者

chingchingyee 發表於 12-8-22 17:11
囝囝只考過一間幼稚園, 所以經驗嘗淺, 唔介意的我分享我自己小小經驗啦
學校通常只會叫一個大人陪小 ...

多謝你的分享呀~~
嘩!! 你見一次就成功考到心儀學校, 真係恭喜晒呀~~我知道出年好多人爭, 心儀的學校又算名校, 人人都話好難入, 所以我知自己要做D野, 但又唔知點入手喎

咁interview時, 學校問咗家長咩問題呀? 你小朋友有無答老師問題?
我小朋友怕羞, 慢熱, 內向, 我驚佢interview時成個阿呆咁呀

私人傳訊

chingchingyee

大宅

積分: 2284

4^#

發表於 12-8-23 12:25 |只看該作者

ashley_mama 發表於 12-8-23 09:33
多謝你的分享呀~~
嘩!! 你見一次就成功考到心儀學校, 真係恭喜晒呀~~我知道出年好多人爭, 心儀的學校又算名 ...

無辨法啦, 因為我住得偏遠, 近屋企果幾區又唔多幼稚園有N班, 出九龍又實在太遠, 所以左度右度之後得番一間最適合

好幸運地比囝囝順利考入到, 其實係好彩架咋, 我一早都係PG留定位, 如果考唔到就番兩三日PG算

如果妳心儀既係一啲好多人報既KG, 就要勤力啲做功課了, 参考下早一兩年考過乜野, 同小朋友玩多D果類既玩具

考K1真係睇小朋友臨場既表演, 盡咗力就可以了, 果刻大人都緊張啦, 何況小朋友係陌生環境呢

mouth:
我囝囝係考N班, 所以無問過佢問題, 果時佢得一歲半, interview前十日左右先識行, 又未識講野

所以問題主要都係問我, 學校問我認唔認同佢地既教學理念, 有乜睇法?? 點解覺得學校適合小朋友?? 知唔知學校係用活動教學, 覺得點?? 覺得應唔應該學好母語先??....仲有d問題唔記得咗.....雖然d問題話難就唔係好難, 但如果我無做功課同埋諗定d答案的話, 果下我咁緊張相信個腦真係唔識郁架

而我囝囝同我入咗房之後就聽老師講故事, 幾個小朋友坐定定聽完故事就去揀玩具自己玩, 在旁有兩個老師&一個顧問一路昅住, 昅咗都有10分鐘以上, 相信係睇下小朋友乖唔乖, 定唔定, 有無扭計 or 爭玩具?? 我地果group小朋友個個都幾乖又無爭玩具, 當我坐埋一邊答緊問題既時候, 我囝囝好風騷咁走過嚟同我地揮手hello, 之後仲自己坐埋上枱玩玩具, 個顧問果下好開心, 仲讚囝囝好乖好定, 我覺得因為果一下hello而收咗我囝囝的