吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 興趣嗜好› 眼瞓死, 有無人講d親身經歷真人真事鬼古黎聽吓? 唔該 P ...

興趣嗜好今日: 1|主題: 125276

收藏本版

發帖

返回列表

跳至頁

查看: 201035 | 回覆: 110

眼瞓死, 有無人講d親身經歷真人真事鬼古黎聽吓? 唔該 PART 1 [複製鏈接]

12 3 4 5...6

咕b

伯爵府

積分: 16040

好媽媽勳章畀面勳章

1^#

發表於 09-11-24 16:32 |顯示全部帖子

你又會咁記得我嘅

原帖由 jackie1986 於 09-11-23 15:59 發表
你地知唔知邊個咕b呀?
之前都有人開鬼故topic,咕b講d親身經歷仲精彩...
最記得佢話由細到大都見到"朋友仔",咩形式都有,已經見到無感覺...

私人傳訊

咕b

伯爵府

積分: 16040

好媽媽勳章畀面勳章

2^#

發表於 09-11-24 16:34 |顯示全部帖子

唔好咁講啦

大家分享吓姐~

原帖由 thunder_bunny 於 09-11-23 16:10 發表
小bie 豬, 希望你地一家搬到新屋大吉大利

我都記得咕b 呀
我係佢fans 呀

私人傳訊

咕b

伯爵府

積分: 16040

好媽媽勳章畀面勳章

3^#

發表於 09-11-24 16:41 |顯示全部帖子

呢個topic一開我就有睇喇, 不過冇出聲之嘛

做咩咁掛住我呀

原帖由 眼超超 於 09-11-24 16:36 發表

咕b, 你終於入黎喇

私人傳訊

咕b

伯爵府

積分: 16040

好媽媽勳章畀面勳章

4^#

發表於 09-11-24 16:45 |顯示全部帖子

舊料有好多, 以前都有係呢度講過.......新料就.....不外如是

原帖由 Kingswood 於 09-11-24 16:37 發表
咕b
咁你有冇鬼故同我地分享呀?

私人傳訊

咕b

伯爵府

積分: 16040

好媽媽勳章畀面勳章

5^#

發表於 09-11-24 16:46 |顯示全部帖子

咁我hold住先啦~~~

原帖由 babymuimui 於 09-11-24 16:38 發表

死啦, 未驚完, 又嚟

私人傳訊

咕b

伯爵府

積分: 16040

好媽媽勳章畀面勳章

6^#

發表於 09-11-24 16:53 |顯示全部帖子

舊故好多人睇過, 再講怕你哋會悶.......
新故又冇乜驚喜, 平平無奇.....

點算呢......?

私人傳訊

咕b

伯爵府

積分: 16040

好媽媽勳章畀面勳章

7^#

發表於 09-11-24 17:15 |顯示全部帖子

住係舊屋時, 樓下有個空地, 下晝大家都會帶d小朋友係空地玩吓, 空地範圍無遮無擋, 有人行過一定知, d媽咪就會大家圍埋傾吓計, 一星期都有3-4日係咁, 有一次, 玩到5-6點左右, 大家都準備走時, 我大仔突然走嚟問我 :"媽咪, 頭先個姨姨呢? 點解佢走咁快嘅?" 當日計埋我, 只有3個大人, 2個鄰居好肯定冇第4個人物出現過, 鄰居問我大仔 :"邊有人呀? 得我哋幾個之嘛, 我哋一直住係度, 冇行開過, 又冇人行埋嚟, 你係咪眼花睇錯呀?" 我大仔仲未明發生咩事, 佢仲好清楚咁同人講, 又指埋條路線, 話個姨姨由邊度行出嚟, 經過邊度..........自始之後, d鄰居就唔會玩得太晏

私人傳訊

咕b

伯爵府

積分: 16040

好媽媽勳章畀面勳章

8^#

發表於 09-11-24 17:22 |顯示全部帖子

住係舊屋時, 有一年聖誕節, 老公買咗部搖控車比d仔玩, 有一晚食晚飯前, 老公同d仔一齊玩緊架車, 食飯時, 架車放係地下自己行咗少少, 咁我就問老公係咪未熄制, 我叫老公快d熄, 費時嘥電......老公拎起睇.......原來已經熄咗, 咁我冇為意, 就由佢啦, 入電玩具有時耐唔中都會short short哋, 咁就繼續食飯.....

點知幾分鐘後, 架衰車又再自己行, 行咗幾次, 我叫老公拆咗舊電出嚟, 費事佢係咁玩, 攪到d仔食飯分心......老公拆完電, 過咗一陣, 佢又自己行.......

車嘅電, 搖控制嘅電, 都拆哂出嚟, 佢都仲要自己行........無計........唯有繼續食飯, 無眼睇........

點知原來仲有下文......

私人傳訊

咕b

伯爵府

積分: 16040

好媽媽勳章畀面勳章

9^#

發表於 09-11-24 17:25 |顯示全部帖子

以前唔識, 發生呢件事時, 佢都仲係幼稚園

原帖由 眼超超 於 09-11-24 17:18 發表

我想問你大仔係咪唔識分朋友仔同人架????

私人傳訊

咕b

伯爵府

積分: 16040

好媽媽勳章畀面勳章

10^#

發表於 09-11-24 17:34 |顯示全部帖子

d仔食完飯就走過去企係架搖控車隔離, 望咗一陣, 跟住細仔突然一句 :"唔係咁玩架, 我教你玩啦".......大仔跟住講 :"係呀, 唔係咁玩架, 要用呢個架 (當時搖控制係大仔手上) 等我教你啦, 要用呢個架 (指搖控制)".........我同老公飯都未食完, 但d仔咁講, 唯有即刻入返電比佢哋幾隻嘩鬼玩啦.......

玩咗好耐, 幾個細路本來玩得好開心, 突然間細仔話 :"到我玩喇, 你哋玩咗好耐喇"......跟住細仔就走嚟同我講話d哥哥唔比佢玩........我見都差唔多10點, 我就叫d仔唔好玩, 要去瞓, 細仔就問我 :" 咁哥哥瞓邊呀?" 我話 "哥哥唔會係我哋屋企瞓, 哥哥要走喇, 聽日先再同哥哥玩啦" 隻"小朋友" 又好聽話, 行出門口, 我細仔跟隻 "小朋友" 去大門度, 仲同人哋byebye........激死........

私人傳訊

咕b

伯爵府

積分: 16040

好媽媽勳章畀面勳章

11^#

發表於 09-11-24 17:59 |顯示全部帖子

如果你同我一樣, 由細見到大, 經常接觸 "佢哋" , 我諗你都會同我一樣, 對 "佢哋" 只有麻木

我都好想 "佢哋" 可以比d驚喜我

原帖由 babymuimui 於 09-11-24 17:54 發表

你好厲害, 完全唔驚, 仲咁震定

私人傳訊

咕b

伯爵府

積分: 16040

好媽媽勳章畀面勳章

12^#

發表於 09-11-24 19:45 |顯示全部帖子

我老公同我一樣, 又係自細就見到, 點會驚......佢聽 "朋友" 聲靈敏過我, 我感應就強過佢

原帖由 babymuimui 於 09-11-24 18:41 發表

咁你老公呢, 佢驚唔驚呀, 聽你講佢好似都唔驚咁

私人傳訊

咕b

伯爵府

積分: 16040

好媽媽勳章畀面勳章

13^#

發表於 09-11-24 20:06 |顯示全部帖子

應該係2年前嘅農曆新年, 發生一宗交通意, 出事死者同我住得好近, 佢出事第二日, 好多記者係我屋企附近, 不停係死者屋企同圍影相, 當時我同附近鄰居都未知發生咩事, 直至傍晚, 大家左八右八先知出咗事......

死者出事第三日夜晚, 我係房準備瞓, 附近不停有狗吠, 係床頭窗口位有人講嘢, 講咗好耐, 我聽咗好耐好耐, 好辛苦先聽到 "佢" 講 :"老公, 我返嚟喇, 開門比我......老公, 我返嚟喇.........".........講咗好好多次, 狗又吠咗好耐.......但因為我太攰.........所以乜都冇理就瞓........

待>>>

私人傳訊

咕b

伯爵府

積分: 16040

好媽媽勳章畀面勳章

14^#

發表於 09-11-24 20:16 |顯示全部帖子

第四晚, 同類事發生....一模一樣
第五日, 我朋友話比我知, 佢聽到有人叫開門, 有人叫老公, 問我知唔知咩事, 我呢個朋友就住係我同死者中間嗰橦........

呢一刻我估應該係同死者好有關, 後來, 我終於知道出咗咩問題.....

原來死者嘅老公將引路燭放錯位, 令死者搵錯路, 唔可以直接返屋企, 要靠佢生前養嘅狗不停吠, 帶佢返屋企

當晚, 我同我老公去死者屋企, 教死者老公將引路燭放返正確位置後就再聽唔到聲

待>>>

私人傳訊

咕b

伯爵府

積分: 16040

好媽媽勳章畀面勳章

15^#

發表於 09-11-24 20:59 |顯示全部帖子

追緊宮心計呀........衰鬼

原帖由 finger 於 09-11-24 20:54 發表
咕b, 快 d 啦, 好緊張呀

私人傳訊

咕b

伯爵府

積分: 16040

好媽媽勳章畀面勳章

16^#

發表於 09-11-24 23:36 |顯示全部帖子

當晚, 我哋同死者老公講清楚放引路燭位置, 期間, 死者老公話, 由死者出事第二晚開始, 當佢朝早起身, 門口, 客廳.....都發現有死者鞋印.......

跟住落嚟嘅幾晚, 引路燭放好, 死者可以自己搵到門口, 唔需要再周圍行, 搵錯門口.....我哋以為唔會再有事, 但係, 大概應該係死者頭七當晚.......

我哋所有住係附近嘅鄰居, 個個都突然好早熄哂燈, 連我同我老公呢兩隻夜鬼, 平時晚晚冇2-3點都入房, 嗰晚11點幾就突然好眼瞓, 好似食咗安眠藥咁.......

我哋死撐撐到接近1點, 已經feel到好有問題, 村口嘅狗開始不停吠, 直覺話比我哋知, 要即刻熄燈 "迴避"....... 嗰種感覺, 唔同平時我feel到嘅感覺, 我哋攰到一步都唔想行, 好有壓迫力, 我feel到出面好多 "人", d "人" 慢慢行近我門口, 窗邊......好多聲, 咦咦哦哦咁唔知講咩.....不停咁講嘢, 我老公嗰時已經頂唔順瞓咗, 而我個人開始暈暈哋.......

到第二日, 大家鄰居講起, 原來大家都係突然感覺好攰好眼瞓, 比平日早咗好多瞓....大部份11-12點已經頂唔順要瞓, 我哋已經係頂到最夜嗰個.......之後大家左計右計, 估計呢晚應該係死者回魂, 應該係有 "人" 帶死者名正言順咁返屋企........

私人傳訊

咕b

伯爵府

積分: 16040

好媽媽勳章畀面勳章

17^#

發表於 09-11-24 23:49 |顯示全部帖子

都係嗰句, 如果你同我一樣, 由細到大都見到, feel到, 接觸到, 咩樣咩形態都見過, 試過同 "佢哋" 相處, 試過差d比 "佢哋" 上身, 試過比 "佢哋" 騷擾, 試過自己親眼睇住自己嘅朋友冇有識死咁玩碟仙, 睇住碟仙出嚟, 睇住 "佢" 唔肯走.....試過去拜山掃墓時一大堆一大堆咁圍住你 (而家仲要圍埋我d仔

), 試過鬧 "佢哋", 試過同 "佢哋" 講數..........咁你就唔會再驚

其實同 "佢哋" 相處, 同同人相處冇咩分別

原帖由 眼超超 於 09-11-24 23:41 發表

咕b, 我識你咁耐, 其實真係好佩服你一d都唔驚................真係腳仔軟呀..............

私人傳訊

咕b

伯爵府

積分: 16040

好媽媽勳章畀面勳章

18^#

發表於 09-11-25 10:39 |顯示全部帖子

回到我中學時.......

有次假期, 同學阿a家人唔係香港, 咁就成班同學去咗阿a屋企過夜, 當晚無所事事, 例牌指定動作, 當然係有人提意講鬼故

無聊致極.........講講吓有人突然提意玩銀仙, 玩過銀仙之後, 有人覺得未夠刺激, 跟手碟仙都出埋

(原來某人一早已經有備而來~~~~~我又上當, 早知就唔去, 到而家我都有d後悔)

碟仙用品一出, 班同學又想玩又怕出事, 但成班人比某人呃呃氹氹...半推半就情況下就開始玩, 基於個人原因 (自己知自己事) 所以我冇玩, 只係旁邊睇住, 事前我已經同佢哋講好哂有咩問題唔問得, 有咩唔講得, 有咩唔做得......以為大家都會聽聽話話, 玩吓就算, 可以無事.......

遊戲開始時, 大家都算好守規則, 冇過火位, 事後因為阿a一個問題, 呢個問題就係導火線, 問題一出就開始出事, 阿a問到原來佢男朋友鐘意咗阿b.....(詳細唔記得)......當然, 阿a好嬲啦, 由玩碟仙演變成罵戰.......我只係記得阿b鬧碟仙多事, 鬧 "佢" 做咩要講呢d事出嚟..........之後阿b意氣用事, 越講越過火, 講咗好多難聽說話, 我見唔對路, 已經即刻幫班同學請走 "佢", 我同 "佢" 擾攘一輪, 算係趕走咗 "佢", 但 "佢" 走得唔忿氣

待>>>>

私人傳訊

咕b

伯爵府

積分: 16040

好媽媽勳章畀面勳章

19^#

發表於 09-11-25 10:44 |顯示全部帖子

半夜, 留意到阿b開始出問題, 語無論次, 痴痴呆呆, 說話聲音變咗第二個人嘅聲, 語氣, 動作都同平時嘅阿b好唔同, 明顯, 呢個已經唔再係阿b.......當時我能力所限, 加上係阿b過火在先, 我都冇咩可以做到, 唯有等天光, 就即刻送阿b返屋企, 將件事同咗佢屋企人........

事後, 我只知阿b家人搵師傅幫阿b處理, 聽聞處理咗接近2個月(唔知咩師傅呢

要攪咁耐.....

)

私人傳訊

咕b