時政擂台今日: 1|主題: 60384

收藏本版

回覆發帖

返回列表

跳至頁

查看: 1874 | 回覆: 3

睇到火滾！香港議會又叫人搞眾籌叫後生仔去烏克蘭送頭 [複製鏈接]

VincentLiu_FB

民房

積分: 3

1^#

發表於 26-7-21 17:32 |只看該作者 |倒序瀏覽 |打印

作為一個家長，我真係睇到火滾！

所謂「香港議會」日前居然向外公布會搞個眾籌計劃，籌錢幫喺烏克蘭作戰嘅香港人買裝備。有無搞錯呀，呢班人仲係咪人嚟㗎，之前新聞已經清清楚楚報晒，話有兩個香港人已經喺烏克蘭戰死，前車可鑑，屍骨未寒，宜家仲要繼續鼓勵更多後生仔去送頭？呢個組織根本就係推人去死，害死人地嘅仔女。

以前佢哋成日煽動人反政府、衝衝衝，嗰陣時就話最多坐監啫，但而家呢？真槍實彈打仗呀大佬，你估打機呀，係會死人架。自己唔敢去，就坐係冷氣房煽動啲年輕人去做炮灰。咁樣嘅嘢都做得出，真係無恥到極點。

我作為家長，每日諗起自己嘅仔女，都覺得好驚，驚後生仔熱血上頭，容易畀人蠱惑，一時衝動做錯決定，去咗咁危險嘅地方，到時出事，喊都喊唔返，一世人就咁白白斷送咗。呢班搞事嘅人永遠唔會為你嘅仔女負責，只會繼續喺度玩佢哋嘅政治把戲。

我係度呼籲所有香港嘅家長，要睇實自己嘅仔女，多啲同佢哋傾偈，教佢哋認清現實，唔好畀呢啲衰人、有心人利用。同埋呢個乜「香港議會」一早已經被列為受禁組織，捐錢俾佢係犯法架！千萬要小心！