香港18區媽媽會今日: 0|主題: 156966

收藏本版

回覆發帖

返回列表

跳至頁

查看: 3771 | 回覆: 1

[觀塘區] 佩儀體操舞蹈學校 As Chloe School of Gymnastics and Dance [複製鏈接]

YLKW

複式洋房

積分: 236

1^#

發表於 24-8-15 10:57 |只看該作者 |倒序瀏覽 |打印

請問有無人試過呢間觀塘校既藝術體操呢？老師如何？一班會唔會好多人？有無D意見？謝謝

0 0 0

私人傳訊回覆引用

Aniya_eituc

民房

積分: 4

2^#

發表於 25-4-22 13:32 |只看該作者

本帖最後由 Aniya_eituc 於 25-4-22 13:33 編輯

回覆 YLKW 的帖子

都幾好，教學質素都算還好。我有兩個囡，大囡細囡以前都讀呢間，大女而家轉咗去都係觀塘嘅rg pro，細女繼續留喺as Chloe。As Chloe有幾個本地教練，一個外籍俄羅斯教練，本地嗰啲都有質素嘅，俄教佢嘅訓練都幾嚴，阿女話上堂成日都有同學俾佢拉筋拉到喊，不過呢啲訓練都係值得嘅，阿女話佢會學到新嘅動作，體能同啲筋都好咗。As Chloe大致上適合比初學者，搵吓適唔適合自己，同埋睇吓將來想唔想向呢一個方面發展，喺呢一間度讀算係對藝術體操初試水溫嘅感覺。一班嘅人數要睇吓你上乜嘢堂，初階嗰啲就會多啲人，越高等級甚至係精英班或者比賽班嗰啲，就會少啲人。不過對比之下，RG pro 就會專業好多，大女之所以轉校就係想向更高嘅方向發展。As Chloe 少啲比較專業嘅訓練同比賽比大個啲嘅小朋友，一般都係以考等級為主，如果想參加全港嘅比賽就要入去比賽班，平時嘅訓練都係主要練基礎。個人認為藝術體操考級純粹攞個榮譽同埋訓練器械同身體難度，不過唔同人有唔同睇法。不過對比之下RG Pro就多啲唔同嘅海外比賽，平時主要都係練去全港嘅比賽，都有訓練基礎，教練嗰方面嘅質素都會比As Chloe高，不過RG pro就要求訓練嘅日數同時數多啲，會比較辛苦，但係為咗更進階，同埋如果想考入去港隊精英隊等或者想要多啲去海外嘅比賽，入去RG Pro會比較好。不過都要睇返你小朋友嘅年齡先再決定，如果仲係幼稚園或者初小，去AS Chloe玩吓半年一年都冇問題，睇吓佢係咪真係有興趣，再諗吓會唔會轉校，如果打算係AS Chloe長期讀落去嘅話，可以當係每個星期嘅訓練，keep住個基礎喺度。如果你嘅小朋友係高小甚至或者大個啲，又確定自己對藝術體操有興趣，去RG pro 試吓一個星期讀兩至三堂，多啲參加佢哋嘅比賽或者表演，藝術體操嘅發展都會好啲。不過當中就一定會辛苦，但係去到比賽嘅時候就會值得㗎啦。簡單啲嚟講，As Chloe 教育質素幾好，適合初學者，RG pro 擁有較專業嘅教學質素，適合持續進階者。希望啲意見幫到你！

私人傳訊回覆引用

跳至頁

返回列表

上一主題 • 下一主題

回覆

發帖

頻道

討論區

熱門搜尋：

香港18區媽媽會 今日: 0|主題: 156966

香港18區媽媽會今日: 0|主題: 156966