少年成長今日: 2|主題: 16120

收藏本版

回覆發帖

返回列表

跳至頁

查看: 554 | 回覆: 2

執嘢 [複製鏈接]

csir3290

子爵府

積分: 12691

1^#

發表於昨天 11:17 |只看該作者 |倒序瀏覽 |打印

前兩個星期有個籃球隊學生嘅家長突然間打電話畀我，佢問我知唔知道點解佢個仔嗰日唔想練習，因為佢個仔本身好鍾意打籃球，基本上次次練習都會出現，但係佢媽媽就話嗰日佢個仔話唔想練習連波衫都唔拎，問我知唔知發生咩事。咁我就記起呢個細路仔係我籃球隊入面其中一個最鍾意打波嘅細路，冇記錯今年應該係中一，但係佢一個好特別嘅習慣，就係每一次差唔多練完波嘅時候佢就會自己走先，但係我要求啲細路仔每一次練完波之後，都要幫手執返好場地上面嘅物品，將啲用具放回原位，仲要清理曬所有垃圾然之後，再集合先至可以離開。但係呢個細路就係每一次當大家執嘢嘅時候，佢就會靜靜雞自己走咗先！所以喺上一次練習，我剛剛見到佢走嘅時候就叫住佢，仲同佢講唔可以自己走咗去先，因為大家都係一個團隊，所以開始練習前要一齊搬設備，練習完嘅時候又要一齊執返好所有嘢先至可以一齊離開。因為佢已經唔係第一次自己走咗去先，所以我同佢講嘅時候都有少少嚴厲，但係其實我都係提醒佢作為隊員應該有嘅責任，唔應該打波嘅時候就一齊，大家執嘢嘅時候就自己走先。見到佢嗰次畀我話完之後其實係有唔開心仲自己一個企埋一邊，但係跟住都係偷偷地就自己走咗。咁我講返件事畀個媽媽聽，佢都明白，但就解釋話因為佢個仔自細都冇特別要佢幫手執嘢，佢樣樣嘢都有工人跟住，個媽媽仲話其實喺屋企都冇特別叫佢幫手做啲乜嘢，所以可能咁樣變成佢覺得執嘢唔係佢嘅責任。咁我問佢以前喺小學或者現在喺學校嘅校隊係咪都係唔使幫手執嘢，佢話係尤其是係小學因為佢練完波，啲嘢就會有工友幫佢執，所以佢已經慣咗打完波就自己走，乜嘢都唔使自己郁手。其實個媽媽自己都講得出個問題就係自細就係乜嘢都幫佢做曬，所以就養成咗呢個唔係好負責任嘅習慣，但係個媽媽知道個問題但係又冇特別著手去處理，所以就變成今日咁嘅情況。自從嗰次冇嚟練波之後，跟住嗰兩次其實佢都冇再出現練波，佢媽媽亦都冇再搵我。我唔知道個細路仔係咪就係為咗要執嘢所以就放棄咗喺呢度嘅練習，如果係嘅話就只可以講話可惜！如果繼續落去家長又唔著力去改變佢呢種生活習慣，其實到頭來只會變成一個唔負責任嘅人，而家都仲話係學生大家都都覺得可以去教，但係將來大個咁又點呢！所以家長自細就唔好諗住乜嘢都唔需要啲細路仔幫手，其實透過幫手都係訓練細路仔負責任嘅一種方法。