懷孕前後今日: 6|主題: 330658

收藏本版

回覆發帖

返回列表

跳至頁

查看: 1084 | 回覆: 0

不合格陪月 - May姐 [複製鏈接]

twk530

洋房

積分: 84

1^#

發表於前天 15:21 |只看該作者 |倒序瀏覽 |打印

本帖最後由 twk530 於 26-6-24 15:28 編輯

各位媽媽，想藉由以下貼錢買難受經驗去提醒大家，我已賠足錢請呢位陪月提早離開，希望唔會再有人遇到同樣情況。請大家盡量用朋友用過/介紹嘅陪月，千祈唔好單靠係上網平台搵，因為我係其中一個受害者。

陪月：莊X美 (May 姐)
收費：$82,000 一個月，24 小時照顧孖胎
安排：獨立 BB 房 (陪月訓沙發床同 BB 一間房), 有一位工人姐姐幫手
情況：在第二個月尾提前終止三個月合約，已賠足 7 日通知金及訂金$10,000 (2026.03.24 - 05.18)

1. 開工前佢要求我哋準備唔同藥材及用品，大部份都有買足買齊，當中包括為「4兩」嘅冬蟲夏草，最後我地用左4萬蚊去買「4兩」，但係買完黎到佢無乜點用先話自己原來係「老花」寫錯，其實係「4錢」…，只係講句sorry就無左件事。根本佢實際上要用幾多都無概念, 因為其他好多藥材材料都用剩左係度無用，呢D清單應該都係copy and paste，期間亦多次打爛嘢，解釋話自己「老花」

2. 我哋交代每次沖涼後要佢幫 BB 清潔鼻哥、磨指甲，但係佢又係會話自己「老花」, ”叫工人姐姐做啦，佢對眼好過我”，之後仲俾我發現佢叫工人姐姐做但交代叫姐姐唔好同我哋講返。被發現後佢反駁仲推卸責任，佢份人工係多過工人姐姐十幾廿倍嫁... 面試果陣點解無提到有老花問題，然後而家可以乜都唔做?

3. BB 有臍疝、黃疸未退、皮膚敏感、頭唔圓等問題，佢從來唔會主動匯報，通常係我哋發現再問佢先再講，問起佢先講係呀有呢D問題，但從來冇提供實際處理方法，另外佢有自備一款硬身斜坡枕方便佢湊BＢ，我開頭以為淨係飲完奶先要用，但係佢係長時間俾BBs使用包括夜晚訓教既時候，我有問過咁樣得唔得嫁佢話無問題，搞到而家兩個ＢＢ都頭型都扁左

4. 本身對買餸冇概念，每次轉數俾錢佢買餸再拎收據。第一個月買餸用咗成 $10,000，佢聲稱每日去街市買新鮮餸，但其實好多食材都只係冰鮮，買咗好多醬料只用完一次半次就放左係度無用過。蒸嘢多次蒸唔熟，蒸肉餅、蒸雞都係生嘅，食落口會唔舒服，加上其實我係需要泵人奶… 佢照顧 BB 嘅方法係任由佢喊，重視食飯多過安撫 BB；反而工人姐姐一聽到BB喊就會主動去安撫 BB之後先食飯，感覺上佢做既野同所有安排都係為左方便自己，而唔係真心對bb好, 自問自己已經算係準備充足一應俱全，但係都俾佢嫌三嫌四

5. 對佢專業性同經驗非常有疑問：面試時展示好多cert，聲稱自己湊過廿幾個bb好中意湊bb，但實際上佢連奶粉同人奶點樣調配、點樣換奶樽佢都話唔識，要我哋自己去問醫生/朋友；面試時講識煮嘢，但實際表現完全唔同，希望大家面試陪月時真係要佢地prove到俾你地睇佢地既所謂經驗，最好係拎到前僱主們既推薦信 (佢仲好意思問我地會唔會寫俾佢, 我地係無寫推薦信俾佢 )

6. BB 對乳糖敏感，飲奶後有幾次唔舒服，我哋要求佢每晚幫 BB 搽印尼保身油，佢口頭答應但經常冇做，仲搵藉口話唔需要日日搽，佢會知道要做排氣操但係又唔會日日幫BB做… 次次都係我問起先做… 每日我都要係度check住邊有D有做邊D無做我真係覺得身心疲憊

7. 第一個月每晚 8 點就閘埋 BB 房門訓教，爸爸其實放工返到黎都想望下 BB 都唔好意思敲房門但明明係我地自己屋企，問佢原因佢話想訓好D, 我同佢講我希望爸爸希望放工都可以望下BB, 佢最後仲要補多句「希望我訓得著啦」，第二日開始實行夜少少先閘門訓，大概10點左右佢仲要俾說話我地聽，「咁我可以閘門未？」感覺非常差，我真係心諗你係黎做野定vacation? (利申:下午有時間俾佢補眠)

8. 入屋前我曾問及薑醋同沖涼薑水安排，佢態度顯得非常斤斤計較，好似以為我要搵佢幫手整薑醋去派街坊，其實我只係問下佢意見同點準備，最後薑醋以及沖涼薑包我哋自己係外面買好完全唔洗佢整，但係已經俾人感覺非常差。

9. 偶爾用電話覆message無問題，但俾我見到佢成日戴住個耳機里係廚房／BB房係度睇直播我就覺得唔應該，包括餵緊bb奶既時候，有次仲俾我撞到正佢就即刻先收埋個電話，其實我見到已經唔止一次半次!

10. 一入屋就話自己每日要飲咖啡，但又唔用屋企 espresso 機，反而用買餸錢去買咖啡同面包，包括佢自己用嘅綿花棒；借用嘅拉尺亦不見。屋企嘅日常用品(沖涼洗頭在內) 我已講明可以用，但額外要使用既用品難道不應該自備嗎？

11. 面試時話放假好 flexible，但實際上一d都唔flexible，調假時又有好多藉口，成日俾說話你聽…

總括嚟講佢性格藉口多多、唔易服從中意否定人，做事斤斤計較，經驗不足，令我坐月期間情緒被操控，身心俱疲。作為雙胞胎媽媽，我一開始已經想請佢離開，但擔心工人姐姐一個人應付唔到先忍耐到最後。我請陪月係希望有人可以指導我、令坐月期間舒服啲，可以幫我解決到問題而唔係製造更多問題，我都明白陪月只係打份工，但唔應該令你每日咁難受… 真心希望大家遇到好嘅陪月，坐月可以安心舒服，知道佢7月同9月有客… 如果你咁好彩已經請左佢… Good luck