近日喺網上面睇到好多關於虐待動物嘅新聞，亦都有細路仔係唔同場合騷擾人嘅事情發生，啲細路仔就好似冇人教過佢哋一樣。但係其實我又好唔明好多家長都話好重視細路仔嘅教育，會放好多資源去安排唔同嘅課外活動，用好多資源栽培佢哋希望佢哋入到好嘅學校，但係偏偏我就唔係好明，我哋表面上好似好重視佢哋嘅教育，但係我覺得更重要嘅同理心教育反而就得唔到家長嘅重視。如果家長重視教育細路仔品格及同理心好多事就唔應該會發生。好多家長好盡力去栽培自己嘅子女，希望佢哋入到好嘅學校就可以有好嘅前途，但係我就覺得好學校可能喺知識上面，可能喺人脈上面都幫到個細路仔，但係到個細路仔將來入到社會入面生活，最重要嘅品格同埋同理心就未必一定可以由學校幫到手。
始終同理心嘅訓練係真係需要家長去教先至會有最大嘅效果，但係可惜嘅係家長重視仔女嘅學業，但偏偏就忽視咗同理心嘅訓練，要培養細路仔嘅同理心唔係得個講字，而係要由父母身上去學，即係細路仔每日喺父母身上耳濡目染學到嘅。試問如果父母都唔能夠做好榜樣，細路仔又點會知道乜嘢叫同理心呢。講真連好多父母其實都唔知乜嘢叫同理心，簡單啲講就係懂得考慮別人嘅感受，不論係人抑或動物，套用一句中國諺語就係己所不欲勿施於人。可惜呢啲品格行為嘅訓練，唔係你講幾多就有用，而係需要父母身體力行做畀啲細路仔睇先至係最有效，正所謂上樑不正下樑歪，做大人嘅都唔知乜嘢叫做同理心，細路仔又點會學到呢？唔好話殘酷虐待動物咁大件事，連唔好騷擾人守秩序守規矩，唔好影響人嘅小事都唔會學到！究竟係我哋嘅社會出咗啲乜嘢問題先至會出現一啲咁冇同理心嘅細路仔呢？個個家長都關注細路仔嘅升學同前途，可以話喺不計付出將所有資源都擺落去，但係最重要嘅人品教育，家長又用咗幾多心機同時間放落去培養呢！比起學歷同人脈，我覺得出咗嚟社會之後人品先至係最重要，良好嘅品格先至係喺社會立足最重要嘅條件。講真會唔會係而家要求人要有同理心同懂得將心比己，已經係要求過高呢！
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
