吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 親子旅遊› 尋晚去完5D4N新加坡+馬來西亞返嚟，我又滙報吓先。 ...

親子旅遊今日: 0|主題: 161799

收藏本版

發帖

返回列表

跳至頁

查看: 15187 | 回覆: 110

[星馬] 尋晚去完5D4N新加坡+馬來西亞返嚟，我又滙報吓先。

[複製鏈接]

12 3 4 5...6

ftmama

大宅

積分: 1083

1^#

發表於 13-4-6 17:16 |只看該作者 |倒序瀏覽 |打印

本帖最後由 ftmama 於 13-4-19 07:04 編輯

天氣
===
除咗第一日好似冇乜落雨之外，其餘日日都係2/3PM就行雷落雨，有時要等半個鐘先停，有時就快少少，但係通常唔係落一次，停咗兩後可能過一輪又落過，有時好大雨，有時毛毛雨。

提提大家，我已係搽防曬SPF50，但都好似有少少曬到甩皮仔，但唔嚴重，可能係臨去到先搽而唔係一出發喺酒店搽或車上搽，如去到zoo/uss/legoland門口先搽嘅話係唔掂，因去到門口已熱到出晒汗，有汗搽應唔貼服，搽完已經流晒白色汗，可能係因為咁就曬傷少少，所以大家記住喺未有汗出嘅時候搽定，仲要唔好唔記得條頸前後，同埋如你件衫領口闊都要搽埋露出部份，我就係第一日唔記得搽頸前面同鎖骨位附近，搞到前面紅曬，第二日有汗仲”嗱嗱地”痛添呀！

MRT
===
每一個入閘口已貼咗一條0.9M嘅線喺度，隔離有個幾大嘅牌寫住話身高0.9M(即90CM)就要買飛，所以唔係睇你小朋友幾歲，係身高是否到90CM。
仲有，唔知點解D機成日都S$5紙幣會彈返出嚟，入好多次都唔得，但明明寫住係可以收S$2同埋S$5，但有時又會得，所以最好有coins或S$2紙幣，否則如果後面有人排長龍或你好趕時間就麻煩。
買standard ticket嘅時候，如add trip，要去返售賣standard ticket嘅機先可以add trip，因standard ticket係新出嘅，唔係部部機都得，我第一次add trip嘅時候，問當地人，因我去咗部唔係賣standard ticket嘅機都add，嗰個當地人都唔係好熟咁，結果按錯制，我張飛只用咗一次就俾部機食咗，好彩只蝕S$0.1按金。

有關standard ticket嘅詳情可以睇哩度，有埋售票機畫面screencap，step by step咁教你點樣買車飛︰
http://www.transitlink.com.sg/NewsDetail.aspx?id=69

singtel上網卡/7日1G上網plan
===================
根據boyboy另一個post講singtel電話卡subscribe7日plan嘅指示，有一個step需要update，就係揀上網Plan嘅choices，因為依家update多咗新plan，所以如要揀7日1G plan已經唔係揀option 2，而係揀option 5。

仲有subscribe完我都上唔到網，搞咗一輪先知原來仲要打上去(send sms) activiate個上網plan先可以開始上網。

部份新加坡/馬來西亞D樂園嘅服務員冇乜禮貌
=========================
哩方面我覺得香港OP/disneyland做得好好多，唔好理佢地真心定假意，或者係咪機械式笑容或者扮友善，但起碼令遊客有賓至如歸嘅感覺，個個答你問題都有笑容同禮貌，好helpful，但係喺新加坡/馬來西亞部份工作人員就差好多。

Legoland︰我個仔三歲幾，去玩junior driving school，佢唔係好識控制架車，腳仔成日都唔踩住架車唔郁，等一輪都冇人理佢，要我地開聲工作人員先走埋去幫手坐喺佢側邊幫佢踩，但唔係教佢，亦全程冇笑容+冇示範俾小朋友睇教佢應該點樣玩，然後過冇幾耐我個仔架車又停咗喺度唔識郁，又係要我地叫佢幫手，係我地兩公婆喺外圍係咁教阿仔玩，而第二次幫手亦係木無表情零笑容。

USS︰我去玩REVENGE OF MUMMY，原來所有袋都要入locker(頭30分鐘免費之後要續分鐘收錢)，因我唔知d locker點用，就去問個門口入場嘅工作人員，係個阿嬸咁嘅年紀嘅，態度好差，係咁好悔氣咁叫D遊客所有袋要入locker，唔好話冇笑容，仲要係冇禮貌！咁好多人都係第一次嚟點知要放locker啫，駛唔駛態度咁差，之後我放咗個backpack入去，手袋仔就冇放諗住唔駛啦咁細個，就行去入場，個阿嬸又呼喝我話手袋都要入locker！因我唔知點樣可以re-open個locker就問佢咁我可以點開返，佢又語氣好差咁話行去locker嗰邊有人可以問架啦！locker嗰度好多人又好亂，又要自己睇吓點用locker，又一邊擔心一陣玩完要點樣搵返個袋呢……淨係哩度都花咗我成5-10分鐘時間。

搭sentosa express︰我買咗兩張成人飛，點知老公嗰張唔知點解入唔到閘，後來發現佢嗰張係俾部售票機cut開咗兩截，其中一截飛連埋咗喺我度，所以我一嘟入閘就兩張一齊嘟咗佢張飛就冇得入，之後問個職員佢話要去counter度搞，但大排長龍，老公即刻去寧願買過張飛，其間我又再問另一閘口職員話張飛有問題，又係話叫我地去排隊搞，我話好長龍喎，同埋張飛有問題點解要我地suffer去排長龍，跟住佢就答我話︰「no choice」。最後我老公正打算買過張新飛時問另一職員點算，又點返我老公去閘口話叫職員開門就得，咁就唔好晒我地時間啦，我地就係啱啱搭唔到USS架車已浪費咗好多時間，嚟到express又黑仔出張爛飛俾我地，所以如果你地買express都要望吓張飛有冇問題，否則又要搞一輪先入到閘，我MRT都試過兩次明明入咗錢話completed，都可以出唔到閘，所以我覺得D紙飛都唔係好可靠，不時有D問題。

Zoo
===

http://www.zoo.com.sg/

如要打算餵動物影相或睇show，一定要入場前睇定個時間表，否則過咗就睇唔到。show就推介睇elephant。
最好book定SAEX嘅coach去唔駛煩，回程又可自由揀去邊度落車，有好多景點同商場旅遊區選擇，又唔驚落雨走時要排長龍等的士。
tram最好買埋飛，因為如全部行路都好攰，有小朋友真係要買埋。
http://www.saex.com.sg/

上SAEX個網用信用卡買，可揀齋買來回車飛或連埋入場券，買完有confirmation e-mail俾你，同埋paypal都會俾返online payment receipt你，你print 晒出嚟帶去上車就得，上車時就唔駛俾佢睇住，落車時會有人上車收車錢同賣入場券(如冇Online買定嗰d)，咁你落車時俾個print out佢睇，你就可以唔駛俾車費同換Zoo入場券，佢會俾埋回程時嘅車費coupon俾你，回程時俾司機就OK。
其實上車時係冇人check任何嘢，理論上係話你book咗package就會reserve位，但因個工作人員係落車時先出現，上車時係冇人理得個司機，司機又唔會問上車嘅人有冇買定飛定係即場上車搭車，因為其實佢好似架巴士咁，個個都上得車，你夾啱佢個schedule就可以去個站度上車，上車未要俾錢住，如冇買定飛就落車俾錢。不過因為佢唔同USS架車係免費，我又唔覺話真係好多人，都唔會坐滿。其實如你有其他優惠買入場券，可以齋夾啱schedule好似搭普通巴士咁去上車，落車俾車費，然後自己去到買飛都OK，不過我費時煩又怕多人排隊，所以買定晒。

我睇佢個Web話買咗佢D pass或者入場券同車飛嘅package係一定有位，但真係上車又冇人理真係好離奇，不過我諗買咗飛，如到時真係見架車已經好滿而且前面又長龍，唔對路嘅話，就第一時間走上前同司機講話買咗package架喎，咁我諗一定有得俾你上車先呱。另外，真係買定車飛/入場券真係有好處，我朋友都啱啱去完zoo，佢冇買定車飛，走時落大雨，超多人等的士排長龍，又見過有人話去嗰日好多人，買飛入場都要排咗50分鐘，真係浪費時間。

Legoland
======

http://www.legoland.my/

哩度係USS/ZOO三個入面最曬最熱嘅一個景點，熱過新加坡！因為其實嗰度真係四圍都係地盤建築中，簡直係曝曬！我坐船仔時，對膝頭好似俾嘢"辣"住咁。

哩度真係好啱小朋友玩，阿仔去legoland/USS/Zoo三個地方最開心係哩個，仲有可以喺shop買刻名keychain同膠盒仔刻名，不過記住唔好臨走5/6點先去買同刻名，因較多人排隊等，如你book咗superior/WTS嘅coach遲咗趕唔切上車就麻煩。

無輪出境新加坡或入境馬來西亞都要落車，所以共上落車兩次，出完境冇幾耐又要落過車搞入境，所以出完境上返車都叫小朋友唔好瞓住，因為約10分鐘內就到搞入境嘅地方，搞完先正式直去legoland。

可以之前book定來回coach，有兩間http://www.wtstravel.com.sg/ & www.superiortour.com.sg，WTS可揀時間，揀晏D如6PM唔會趕，不過Superior就只得一個時間，9am去6pm返，WTS就來回有多D唔同時間揀，而且你book咗6PM走，但好早玩完想早D走都可以搭早一班車走，好似你搭船去澳門咁，可排standby搭早一兩班船一樣，但superior就因只得一班，所以就冇得話早走哩樣嘢。預來回程都最少1.5小時或2小時內。superior上車地點比較方便，喺正lavender站出口，但WTS個上車站就喺flyer附近，要喺地鐵站行5-10分鐘先到。

玩legoland已可以玩足一日，所以唔好打算同一日玩埋little big club/kittyland，一定唔夠時間。如果真係好想玩埋，一係就新山住一晚，否則就唔好去啦！因為Little big club只係一個三層嘅室內遊樂場，半日可以玩完，無理由專登由新加坡再去多次新山就係為咗玩嗰半日，況且車程都要來回3個多鐘，所以唔值得分兩日由新加坡去玩。

好搞笑，好似返咗香港咁，玩咩game前後排隊嘅都係香港人，週圍都聽到廣東話，冇乜鬼佬，大陸人都唔多，我心諗，如果冇咗班香港人去，成個legoland我覺得會係冇人囉！聽聞當地人對legoland係冇乜興趣，新加坡人都唔多覺，總之真係行到邊都係聽到廣東話囉。簡直同香港相反，喺香港迪士尼同海洋公園就週圍都講普通話，反而去到馬來西亞嘅legoland就99%係香港人。

USS
===

http://www.rwsentosa.com/language/en-US/Homepage/ThingsToDo/UniversalStudiosSingapore

我個仔3.5歲，講真唔係咁多嘢啱玩，好多就算話啱玩其實佢都會驚同喊，有個過山車先搞鬼，冇記錯話92CM就可以由大人陪同坐，雖然嗰個過山車係小型好多，但都有上斜位同衝落去嘅刺激位，所以本來打算同佢玩，見到都冇俾佢玩。睇4D又黑又大聲我個仔又驚同喊，所以真係要睇吓你個小朋友大唔大膽同埋過唔過100CM或者一零幾CM，否則好多都冇得玩或唔敢玩。但大人就好玩囉，我成日要攬住個仔同佢講話唔驚架，驚就攬住媽咪/合埋眼/蓋住耳仔....但佢都係喊。

USS free shuttle bus
=============
如果諗住搭朝早九點幾高峰期嗰班車，我諗一係走去頭一兩個站上車，一係就直情自己搭MRT轉sentosa express，寧願俾每人S$3.5搭express冇咁嬲，哩個已係來回程價錢，因回程唔駛再俾錢，否則又要等車又要冇得上車，然後先走去轉搭MRT+sentosa express，真係浪費時間一肚氣！去旅行最怕就係浪費時間！我就係去咗swissotel去等9:44am班車中蕉，浪費半個鐘先轉搭MRT+sentosa express，否則我應10am已在USS而唔係在swissotel門口！

USS fast pass
=========
我去嗰日話多唔多人，但都唔少人，如要玩transformer都要排30-40分鐘，結果玩完一次後都決定買fast pass，否則真係好多嘢都玩唔到排都排晒D時間，所以我建議如有小朋友，真係要買fast pass，尤其係帶D約3-4歲嘅，因個高度係擲界，有D又差D先玩得，如有fast pass就可以兩公婆好快咁輪住玩，另一個喺出面等，否則一來又唔可以兩公婆一齊排，因為一個去玩另一個又要看住小朋友，排得耐小朋友唔知做乜又可能要去toilet；二來即使輪住去玩，就等於要分開排兩次，咁真係乜都唔駛玩！

搞笑，其實我個仔係差1-1.5CM先可以玩transformer，但第一次未買fast pass嘅時候排又咁啱冇人check，點知買咗fast pass後我地又去玩多次嘅時候就有人度佢高度，點都唔俾佢玩，所以第二次我地就輪住入去，一個坐喺隔離餐廳同個仔等，另一個就入去玩，因有fast pass，好快就出嚟輪到另一個入，如果個場都多多地人，真係唔駛諗咁多，fast pass真係要買，雖然真係好貴！好彩阿仔唔駛買啫，因為佢未夠4歲連入場飛都唔駛買。

Gardens by the bay
=============

http://www.gardensbythebay.com.sg/en/home.html

夜晩個supertree嘅show其實都悶悶地，淨係見幾棵樹喺度跟音樂節奏閃吓閃吓，其實都冇咩特別，睇咗一陣已經走唔睇返酒店因好攰又眼瞓。

因我嗰日淨係夜晚有時間去一去，所以只可以睇吓嗰個supertree嘅show，如果睇花去嗰兩個dome，就真係要日間去，我諗都會好靚嘅，不過要睇吓本身鐘唔鐘意睇植物，如帶小朋友都值得去嘅，俾佢睇吓唔同品種嘅植物，但如夜晚去就真係得個show可以睇，影花梗係日間去。

行程
====
其實我都冇好仔細咁編排個行程，只係大約係咁︰
day 1: 2-3pm check in Fullerton Hotel 瞓咗2個鐘先出動，去咗Ion Orchard食三巡海南雞飯，然後去sands + gardens by the bay
day 2: Legoland + Suntec City商場餐廳晚飯
day 3: Zoo + Vivo City 大食代食新加坡特色嘢
day 4: USS + buffet town dinner
day 5: Sentosa 沙灘玩沙影相 + 返酒店執嘢check out + 去機場

其實全程係冇hea嘅時間，冇行街嘅時間，因為中間三日全部都係要去全日嘅，真係行程好緊密，朝朝要晨雞咁早六七點起身，夜晚又唔可以太夜瞓因第二日都係要早起身趕搭車，所以其實係去六日好D，好彩我個仔都頂得順，仲要臨走喺機場都仲可以扎扎跳，我地兩老都冇佢咁好精力，最衰係我book唔到遲一日嘅機位所以先改去5日，如果去6日我就可以多D時間hea吓「慢」遊新加坡感受吓當地文化風土人情，又可以週圍去吓試食唔同餐廳，話你地知一樣嘢，我連魚尾獅像都冇時間去睇同埋影相，哈哈哈！真係唔好話俾人聽我去過新加坡！

其實我覺得我今次變咗係主打去D樂園同動物園，實際唔係真係去新加坡哩個地方。

0 0 0

私人傳訊

joysegg

大宅

積分: 4333

2^#

發表於 13-4-6 18:33 |只看該作者

Thanks for your detailed information and sharing!

私人傳訊

PINK2007

子爵府

積分: 14151

3^#

發表於 13-4-6 18:36 |只看該作者

引用：天氣===除咗第一日好似冇乜落雨之外，其餘

原帖由 ftmama 於 13-04-06 發表
天氣
===
除咗第一日好似冇乜落雨之外，其餘日日都係2/3PM就行雷落雨，有時要等半個鐘先停，有時就快少少， ...

Thanks!

私人傳訊

davywm

公爵府

積分: 26119

2018復活節勳章開心吸收勳章 BK Milk勳章

4^#

發表於 13-4-6 21:03 |只看該作者

uss, 我大仔五歲幾都喊

點評

ftmama 咁你要帶佢去OP/disneyland train吓佢啦！

發表於 13-4-7 00:46

私人傳訊

himhim0502

侯爵府

積分: 22204

5^#

發表於 13-4-6 21:10 |只看該作者

ftmama 發表於 13-4-6 17:16
天氣
===
除咗第一日好似冇乜落雨之外，其餘日日都係2/3PM就行雷落雨，有時要等半個鐘先停，有時就快少少， ...

請問 10 歲仔去legoland 啱玩否 ?

點評

ftmama 除咗有個俾幼童玩嘅playground佢會覺得低能D未必啱玩外，其餘全部都啱佢玩發表於 13-4-7 00:47

私人傳訊

ioi

伯爵府

積分: 16557

6^#

發表於 13-4-6 21:35 |只看該作者

回覆 ftmama 的帖子

ftmama,

請問standard ticket同以前啲票有咩分別? (我記得以前買票係出張綠色卡, 用完之後每次要去部機度退票, 取回錢... 唔肯定, 唔係好記得...)

係咪如果唔用ez-link儲值卡, 就係買standard ticket?

請問standard ticket係咪冇分成人或小童? 大小一律同價?

點評

ftmama 哩隻飛唔駛專登去搞refund，係用嚟取代舊嘅ticket，遲D你講嗰隻飛就會冇咗。發表於 13-4-7 00:49

ftmama 冇小童飛，大小同價，詳情可睇哩度：
http://www.transitlink.com.sg/NewsDetail.aspx?CatId=1&id=69 發表於 13-4-7 00:22

私人傳訊

babyfei

大宅

積分: 4908

環保接龍勳章 BK Milk勳章

7^#

發表於 13-4-6 23:16 |只看該作者

回覆 ftmama 的帖子

請問去Zoo 你話要買定SAEx 車票, 請問你都係網上買? 係咪用信用咭比錢後有用PRINT OUT COUPON 上車及換門票? 買定SAEx 上車一定有位?

私人傳訊

pandc

大宅

積分: 2215

8^#

發表於 13-4-6 23:40 |只看該作者

babyfei 發表於 13-4-6 23:16
回覆 ftmama 的帖子

請問去Zoo 你話要買定SAEx 車票, 請問你都係網上買? 係咪用信用咭比錢後有用PRINT OUT ...

我都想知呀

私人傳訊

rockon13

別墅

積分: 808

9^#

發表於 13-4-6 23:54 |只看該作者

多謝分享!

請問你去果D景點，係上網買定飛定去到先買呀?

私人傳訊

ftmama

大宅

積分: 1083

10^#

發表於 13-4-7 00:57 |只看該作者

babyfei 發表於 13-4-6 23:16
回覆 ftmama 的帖子

請問去Zoo 你話要買定SAEx 車票, 請問你都係網上買? 係咪用信用咭比錢後有用PRINT OUT ...

係，上網用信用卡買，買完有confirmation e-mail俾你，同埋paypal都會俾返online payment receipt你，你print 晒出嚟帶去上車就得，上車時就唔駛俾佢睇住，落車時會有人上車收車錢同賣入場券(如冇Online買定嗰d)，咁你落車時俾個print out佢睇，你就可以唔駛俾車費同換Zoo入場券，佢會俾埋回程時嘅車費coupon俾你，回程時俾司機就OK。
其實上車時係冇人check任何嘢，理論上係話你book咗package就會reserve位，但因個工作人員係落車時先出現，上車時係冇人理得個司機，司機又唔會問上車嘅人有冇買定飛定係即場上車搭車，因為其實佢好似架巴士咁，個個都上得車，你夾啱佢個schedule就可以去個站度上車，上車未要俾錢住，如冇買定飛就落車俾錢。不過因為佢唔同USS架車係免費，我又唔覺話真係好多人，都唔會坐滿。其實如你有其他優惠買入場券，可以齋夾啱schedule好似搭普通巴士咁去上車，落車俾車費，然後自己去到買飛都OK，不過我費時煩又怕多人排隊，所以買定晒。

私人傳訊

ftmama

大宅

積分: 1083

11^#

發表於 13-4-7 00:59 |只看該作者

rockon13 發表於 13-4-6 23:54
多謝分享!
請問你去果D景點，係上網買定飛定去到先買呀?

我就係全部買定晒入場券同book定晒車來回程唔駛驚冇車或去到要排長龍買飛或冇飛，但如你唔係D假期去，其實可以去到時買都OK，仲可以留意吓有冇咩優惠買飛添。

私人傳訊

babyfei

大宅

積分: 4908

環保接龍勳章 BK Milk勳章

12^#

發表於 13-4-7 01:13 |只看該作者

回覆 ftmama 的帖子

唔該晒, 我上車個站都幾後, 驚無位坐, 無位坐係咪無得上車? 但又無人睇飛, 買定飛又會唔會無人留位 ??

我打算去ZOO係星期日, 我諗會多人D, 可能都係買定飛好D, 唔係去到又排長龍....

私人傳訊

ftmama

大宅

積分: 1083

13^#

發表於 13-4-7 01:20 |只看該作者

本帖最後由 ftmama 於 13-4-7 01:23 編輯

babyfei 發表於 13-4-7 01:13
回覆 ftmama 的帖子

唔該晒, 我上車個站都幾後, 驚無位坐, 無位坐係咪無得上車? 但又無人睇飛, 買定飛又會 ...

我睇佢個Web話買咗佢D pass或者入場券同車飛嘅package係一定有位，但真係上車又冇人理真係好離奇，如果你擔心，可以send個e-mail 俾SAEX問清楚，佢地都答得好快嘅，問清楚佢地冇人睇飛咁係點樣reserve個位，會唔會多人上唔到車咁點算。不過我諗買咗飛，如到時真係見架車已經好滿而且前面又長龍，唔對路嘅話，就第一時間走上前同司機講話買咗package架喎，咁我諗一定有得俾你上車先呱。anyway，你send個e-mail 問一問安心D囉，雖然我已經去完，但我都想知點樣reserve個位，你問完話埋俾我知啦，哈哈！
另外，真係買定車飛/入場券真係有好處，我朋友都啱啱去完zoo，佢冇買定車飛，走時落大雨，超多人等的士排長龍，又見過有人話去嗰日好多人，買飛入場都要排咗50分鐘，真係浪費時間。

私人傳訊

WinkyLee

男爵府

積分: 8757

睛靈勳章

14^#

發表於 13-4-7 11:27 |只看該作者

回覆：尋晚去完5D4N新加坡+馬來西亞返嚟，我又滙報吓先。

我呢刻都在changi airport，去左9日星馬，順便分享下:

我都覚得uSS的職員普通，影相佬唔得，明明个d主题公仔佢set部相机是打直，但影了三个，个个拎住我部机又打横影？？

新山我住ksl tower 2. overall OK, check in 等7分种。wifi係用你个名同rm no.去登入，住了2晚都係同一樣。酒店buffet 低食2大2小rm$137.而且酒店超方便直落係商场，超市，食市。

商场地下Kfc对出有間書店賣kitty land 双park rm85.但我想買時賣哂。

去legoland及kitty land 來回坐的士。
係KSL門囗坐红的去legoland rm30, by meter rm23,华人司机説要吉車走。我们照付，因第一日去kitty land 問價最平rm35. 回程rm55坐blue taxi.2个樂园出面都冇红的，所以貴都坐

講佺咁多先，快上机了。

私人傳訊

ftmama

大宅

積分: 1083

15^#

發表於 13-4-7 15:45 |只看該作者

另外想講吓legoland，好搞笑，好似返咗香港咁，玩咩game前後排隊嘅都係香港人，週圍都聽到廣東話，冇乜鬼佬，大陸人都唔多，我心諗，如果冇咗班香港人去，成個legoland我覺得會係冇人囉！聽聞當地人對legoland係冇乜興趣，新加坡人都唔多覺，總之真係行到邊都係聽到廣東話囉。

簡直同香港相反，喺香港迪士尼同海洋公園就週圍都講普通話，反而去到馬來西亞嘅legoland就99%係香港人。

私人傳訊

ftmama

大宅

積分: 1083

16^#

發表於 13-4-7 20:20 |只看該作者

本帖最後由 ftmama 於 13-4-9 11:16 編輯

我有張singtel 嘅電話卡想出售，用淨S$10-11，如當地原價買要S$15(約~HK$93)，內有S$18面額，所以買張新嘅根本用唔晒，現售HK$50，可用S$7嚟subscribe 7日1G上網plan，咁你仲可以淨返S$3-4用嚟打Local 電話去餐廳book位或查詢一D景點嘅交通/開放時間……等等，打去香港用佢指示嘅方法係免費嘅，所以去幾日一定夠晒用。有意請pm，可以郵寄。
張卡有效期至31 Oct 2013

******己售出******

私人傳訊

ftmama

大宅

積分: 1083

17^#

發表於 13-4-8 09:42 |只看該作者

提提大家，我已係搽防曬SPF50，但都好似有少少曬到甩皮仔，但唔嚴重，可能係臨去到先搽而唔係一出發喺酒店搽或車上搽，如去到zoo/uss/legoland門口先搽嘅話係唔掂，因去到門口已熱到出晒汗，有汗搽應唔貼服，搽完已經流晒白色汗，可能係因為咁就曬傷少少，所以大家記住喺未有汗出嘅時候搽定，仲要唔好唔記得條頸前後，同埋如你件衫領口闊都要搽埋露出部份，我就係第一日唔記得搽頸前面同鎖骨位附近，搞到前面紅曬，第二日有汗仲”嗱嗱地”痛添呀！