＋
Baby Kingdom - 親子王國 香港 討論區 › 首頁 › 婆媳關係› 好想搬出來！純呻！

婆媳關係

收藏本版
發帖
返回列表
跳至頁

首頁
1

尾頁
   0
CurryFish


大宅

積分: 3559


1#
發表於 17-5-18 21:55 |只看該作者
其實已經同奶奶同住多年，一直都相處到，自問處處忍讓，佢曾經講過因爲佢以前同佢奶奶相處唔到，所以佢會對佢未來新抱好好！初初都幾好，但唔知係咪佢年紀越大人越文塞，少少野都好不滿，買個新蒸籠番黎換左個舊既，又話唔好用，我已經叫左老公唔好掉舊果個先，比佢試下用新先好掉舊，點知老公話買左新仲咩唔用，一換就掉左舊，而家每次煮飯都吚吚哦哦！佢而家又成日話呢樣又話果樣，咁樣唔好！總之做咩都好似唔順佢眼！黎緊我會生多個，好想搬出來組織一個自己的家庭，但老公唔想掉低佢一個老人家，我都明，因為得番我奶奶自己一個住會好孤單，佢實會話你地唔理我喇！
唉，我都係得個想字！
私人傳訊

美之選468


公爵府

積分: 26519


2#
發表於 17-5-18 22:31 |只看該作者
CurryFish 發表於 17-5-18 21:55
但老公唔想掉低佢一個老人家，我都明，因為得番我奶奶自己一個住會好孤單，佢實會話你地唔理我喇！
其實搬出來住也不容易的.單講租金.水.電.煤....呢D花費已過萬元.再加一名新生BB.....花費最少比現在要多出13000元~15000元/月.如果99只是囉嗦而無惡意的話...就忍耐吓啦 ? (睇在每月慳萬幾蚊的份上)
私人傳訊

CurryFish


大宅

積分: 3559


3#
發表於 17-5-18 22:34 |只看該作者
美之選468 發表於 17-5-18 22:31
其實搬出來住也不容易的.單講租金.水.電.煤....呢D花費已過萬元.再加一名新生BB.....花費最少比現在要多出1 ...

因為生多個都要搬大d, 都係要預多間房比奶奶......
私人傳訊

做個靚太


水晶宮

積分: 51146


4#
發表於 17-5-18 22:38 |只看該作者

回覆樓主:

係囉～如果只係囉嗦啲~咪由得佢囉…
起碼你99唔會做啲乜傷害你地呀～
同住都有好處嘅~

私人傳訊

bonnieonlyone


大宅

積分: 3501


5#
發表於 17-5-18 22:41 |只看該作者
其實我好明個啲佢係咁咦咦哦哦，左問右問既煩厭地方，外人會話你咪求其應囉、佢又唔係鬧你、老人家係咁架啦等等等，當你身處其中日日問日日講日日哦，真係精神疲勞架⋯⋯⋯唔係話求其應佢一句就可以解決⋯⋯⋯⋯我好憎人不停咦咦哦哦，就算佢唔係同緊我講我都覺得好煩。

其實你已經好叻架喇，同住左咁多年。湊小朋友上冇分歧已經好好。
私人傳訊

瑤瑤~


珍珠宮

積分: 49369

醒目開學勳章 環保接龍勳章 15週年勳章 親子王國15週年勳章 親子王國15週年勳章


6#
發表於 17-5-19 00:55 |只看該作者
你99幾多歲? 你諗住陪佢住到百年歸老呀?
其實一家一主係好重要架, 99點開通, 始終都會有唔夾既地方, 好多野無話岩定錯, 但只係大家既習慣唔同都煩死啦
我可能自私d啦, 人生都係得幾十年, 我真係唔會大方到為左成全99一齊住既夢想而犧牲自己囉, 我為左佢犧牲, 咁邊個會為返我呀?
我唔係講風涼話, 我當年岩岩結婚時, 都有同男家住過一段時間, 同住0個個仲要係好難相處既長輩(唔係99)
自問都處處忍讓(我唔係無錢先同佢住, 但我都知住人地屋企要分莊閒), 自己谷埋d唔開心野同朋友呻, d人只會話:「算啦佢都咁老囉你咪忍下佢, 老人家係咁啦, 仲惡得幾多年丫?」
ok, 自此之後我無再搵朋友呻了, 結果我同老公都好快搬走左
要孝順既唔一定要一齊住, 搬近d都可以方便照應, 最多你叫c6每日返去陪下99囉
私人傳訊

CurryFish


大宅

積分: 3559


7#
發表於 17-5-19 09:44 |只看該作者
瑤瑤~ 發表於 17-5-19 00:55
你99幾多歲? 你諗住陪佢住到百年歸老呀?
其實一家一主係好重要架, 99點開通, 始終都會有唔夾既地方, 好多野 ...

我奶奶65+，應該未到70，我諗真係要陪到佢百年歸老，我老公算係孝子，佢一直都想盡責照顧佢媽媽，我奶奶係好需要有人陪佢同住，我有同老公建議過搬近d，日日都返奶奶度陪佢，但老公話一講出來一定吵大獲，唯有犧牲自己搬出來的夢想！唔通真係要迫我老公㨂我定佢媽媽咩！？
私人傳訊

CurryFish


大宅

積分: 3559


8#
發表於 17-5-19 10:03 |只看該作者
bonnieonlyone 發表於 17-5-18 22:41
其實我好明個啲佢係咁咦咦哦哦，左問右問既煩厭地方，外人會話你咪求其應囉、佢又唔係鬧你、老人家係咁架啦 ...

其實我奶奶以前真係算係咁，晚晚會煮飯，我當年坐月時佢都日日煮野食比我，雖然唔算得上好好味，但唔駛自己煮，又唔駛請陪月都算幾好！佢又唔會縱小朋友！

不過近呢兩年，佢已經好少煮飯，可能身體唔係咁好，語氣開始有點掘，可能佢當左我係佢囡咁卦！
最慘係有新野買番屋企用，買左番去總會嫌三嫌四，話唔好用唔識用，話阻掟冇用！

而家好多時我老公煮埋飯比佢食，又會話咁煮唔好食，呢個餸又咁咁咁，我次次聽到都心諗煮埋比你仲想點，係，你講出黎係想令佢下次煮得好d，但d語氣超差，根本令人聽唔入耳，同埋你都唔係講應該點煮好d，而係不斷講咁樣唔好，叫人點改喎！當然我呢番說話從未講過出口！
私人傳訊

cargod


大宅

積分: 3625


9#
發表於 17-5-19 10:17 |只看該作者
咁你奶奶都算係咁啦.

人總會有情緒, 我奶奶自己心情唔好都會黑面, 但又唔知咩得罪佢. 好彩我唔係同奶奶住, 如果唔係都幾大心理壓力. 有時寧願佢吟吟尋尋, 都好過唔知咩事黑起塊面啦.

始終唔同生活習慣住埋一齊都唔係咁自在, 有能力搬出來更係最好. 計難頂, 你奶奶唔算極品了
私人傳訊

瑤瑤~


珍珠宮

積分: 49369

醒目開學勳章 環保接龍勳章 15週年勳章 親子王國15週年勳章 親子王國15週年勳章


10#
發表於 17-5-19 23:55 |只看該作者
CurryFish 發表於 17-5-19 10:03
其實我奶奶以前真係算係咁，晚晚會煮飯，我當年坐月時佢都日日煮野食比我，雖然唔算得上好好味，但唔駛自 ...
咁你99又真係唔算好衰0個D, 你之前都受過佢照顧, 只係佢而家變左, 先甜後苦你比較難接受而佢以前咁照顧你, 可能某程度因為佢希望老左由你地照顧返佢, 咁都無可厚非既
老人家年紀越大, 身體越多毛病, 好多野力不從心, 影響到佢既情緒, 令佢忍唔住語氣差左, 佢未必有惡意既
我地未到老人家既年紀, 未必體會到佢地既感受, 一齊住自然多磨擦
最關鍵既係你老公唔想搬走, 而你亦唔想同老公分開, 咁你就要配合佢, 而且你又真係受99照顧過, 呢D人情債係有排還
你而家既情況都無咩可以做, 可能要等到99再老D, 連你老公都照顧唔到, 到時安排佢入老人院, 你先可以有轉機
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy