吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 單親天地› 失眠，希望有人可以俾啲意見我

單親天地今日: 0|主題: 18403

收藏本版

發帖

返回列表

跳至頁

查看: 712 | 回覆: 7

失眠，希望有人可以俾啲意見我 [複製鏈接]

behappy11

大宅

積分: 2840

1^#

發表於 15-10-5 01:52 |只看該作者 |倒序瀏覽 |打印

我有个仔4歲，難聽啲講句小朋友可以叫做有長期病患，因為佢有嚴重鼻敏感鼻炎，又有氣管敏感，長期每日噴類固醇加埋食青蛙仔氣管藥。所以佢好易受感染，經常感冒要請病假無得返學。

最近小朋友先無間斷地食左2个月西藥+中藥，最後仲因為受細菌感染而入院住左3日。我一直都有話俾ex知个仔嘅病況，而且有時會叫埋ex一齊陪仔睇醫生等佢了解个仔病況，希望佢能加倍照料个仔嘅身體。

點知，我一直嘅努力係完全白費的。有次探視日ex家果邊好多人病左，而我个仔又病重，我就好聲好氣叫ex唔好帶仔返佢屋企，ex拍心口應承我，點知轉个頭都係帶左仔返屋企，最阿仔病到食幾次抗生素都未好番！

我想像唔倒點解作為爸爸可以完全唔為个仔著想，果晚我嬲到喊左出黎。

上个星期个仔作病，而ex亦病左成个月未好，我千叮萬囑ex要戴口罩唔好傳染俾个仔，我都知ex只要我一唔在場佢就唔會戴口罩，咁都不特只，佢仲要俾麥當奴薯條俾个仔食，當晚我湊番个仔時就成晚係度咳瞓唔倒覺，佢仲要教个仔講大話唔好話我知食左麥當奴薯條，我嬲到半夜打俾ex鬧爆佢，我真係嬲到震！个仔聽倒我鬧ex仲當我係衰人，第二朝起身同工人講媽媽好衰，鬧爸爸，我知道後真係傷心到流眼淚…个仔仲細，連佢爸爸害佢都未知。

直到今日，个仔仍然病緊，但个仔又俾ex帶左過男家果邊食左好多花生，ex又同樣地教个仔講大話唔好講俾媽媽知…今晚我真係想發癲，心情極度惡劣！

ex完全唔著緊个仔嘅身體健康不特只，仲要損害个仔嘅身體，連佢自己病的時候戴口罩咁簡單既事都唔肯為阿仔而做！仲有我最憎ex不停教个仔向我講大話，ex 就係一个不停講大話去掩飾自己的錯誤，欠債累累嘅人，我最擔憂佢會教壞个仔！

我呢幾年為亞仔嘅病頻頻撲撲，我只係想阿仔做个健康平常嘅小朋友，可以成日去公園玩，唔洗日日帶著個口罩返學啫！但个ex完全唔合作，唔愛惜个仔！

我應唔應該再俾個ex個見个仔呀?
大前題係，个仔好崇拜好鍾意佢爸爸！
唉！我真係好心煩，好無奈，好崩潰！

希望有人可以俾啲意見我！

0 0 0

私人傳訊

chowqv

水晶宮

積分: 67675

wyeth冷知識勳章畀面勳章大廚勳章

2^#

發表於 15-10-5 01:57 |只看該作者

回覆：失眠，希望有人可以俾啲意見我

同法官講，唔好俾佢見同拎返男家…

不知所謂的乙陸！！！

私人傳訊

babytszkin

侯爵府

積分: 22877

3^#

發表於 15-10-5 04:58 |只看該作者

回覆：behappy11 的帖子

你吾好將自己D精神好像拉像根甘拉到甘盡啦！
錫仔糸應該，但過份保護對他亦未必糸好事！
就算仔仔不跟爸爸返屋企，普通出街，坐下交通公具.公共電梯，就算帶左口罩一樣有機會傳染到疾病，我仔上年做足安全措施，打埋針，一樣中流感

而且呢，男人梗系.無女人甘細心，食m記快靚正小朋友又鐘意，有乜甘出奇！你放鬆D！
自己煲番多D清潤湯水比仔仔飲就ok!久不久食一次無問題！
離左婚，對方仲肯探仔，己經糸一種福氣！呢到好多媽咪DX都潛晒水

至小你仔又錫baba，鬧到他吾探個仔對你甚至小朋友系一D好處都無架！
我家少爷細個都成日病！所以幾年前开始每日我都陪他步行一小時，又成日放假行山及去游水！所以身体比以前好左好多！你都不妨試下！

私人傳訊

酸棗仁

伯爵府

積分: 15770

4^#

發表於 15-10-5 06:38 |只看該作者

behappy11 發表於 15-10-5 01:52
我有个仔4歲，難聽啲講句小朋友可以叫做有長期病患，因為佢有嚴重鼻敏感鼻炎，又有氣管敏感，長期每日噴類 ...

樓主, 對唔主,

如果你想解決問題, 可能一個一個問題去解決會好啲....

1) 你仔仔有氣管問題, 點調理? 點同佢強身健體? 點防防防治治治? 有關嘅西藥嘅作用同副作用, 有關嘅中藥....起居飲食要留意嘅地方....是否由於某些過敏源引至病發?

2) 你同你EX之間嘅死結, 應該點搞? 一大篇, 每一段都怪EX. 冇可能第二時, 小朋友變同性戀都要怪佢架, 係咪?

如果你想呻嘅, 咁, 你搵啱地方; 但如果你想解決問題, 有冇諗過應該點辦?

緊急求助熱線 / 中西醫藥網址 / 單親或情緒支援網址請按我的頭像進入!
老朽若偶有行善, 只為受人恩惠太多, 嘻嘻 !
恕本人設定為不接受任何ＰＭ

私人傳訊

behappy11

大宅

積分: 2840

5^#

發表於 15-10-5 15:42 |只看該作者

引用：你吾好將自己D精神好像拉像根甘拉到甘盡啦

原帖由 babytszkin 於 15-10-05 發表
你吾好將自己D精神好像拉像根甘拉到甘盡啦！
錫仔糸應該，但過份保護對他亦未必糸好事！
就算仔仔不跟爸爸 ...

子健媽，

我有睇開bk, 我知道你係一位好愛錫兒子嘅好媽媽！好多謝你嘅寶貴意見！
我明白个仔有爸爸錫一定係好過無，所以我一直配合，極度希望个仔得到爸爸什至男家家人嘅愛。但因為ex習慣講大話，又暪住我借落好多錢，我同佢真係相處唔倒而離婚的。ex係照顧个仔上同我有好大分歧，所以大家就算離左婚仍然因為个仔嘅事上好多野嘈交，咁亦令小朋友唔開心。

為左令个仔健康啲，我可以做嘅都試過了，打左流感針，每日用空氣清新機，一星期用熱水洗床單幾次。每星期學幾樣運動興趣班，好夠運動量了。今个暑假幫佢報游水班，可惜嘅係10堂入面只能上倒3堂，其餘7堂都因病不能上！中西名醫都睇過超過10个了，都不能根治，唉，真係好大壓力，又心灰意冷！

因為我个仔身體真係好差，又咁細个，我提議叫工人跟埋ex去幫手湊仔，ex又唔肯！我提議ex黎我屋企附近探仔，但唔好湊番男家成日咁長時間佢又話不會接受！
係咪繼續俾ex湊走全日，但个仔夜晚會咳到成晚瞓唔倒，仲要咳足幾个星期！而我只可以默默忍受ex不照顧个仔嘅後果？係咪咁先對个小朋友係最好嘅安排？

私人傳訊

behappy11

大宅

積分: 2840

6^#

發表於 15-10-5 15:45 |只看該作者

引用：Quote:behappy11 發表於 15-10-5 01:52 我

原帖由 酸棗仁 於 15-10-05 發表
樓主, 對唔主,

1. 看#5
2. 拿小朋友變同性戀黎講，也太缺德了吧！我閘住反彈！

私人傳訊

behappy11

大宅

積分: 2840

7^#

發表於 15-10-5 16:03 |只看該作者

引用：同法官講，唔好俾佢見同拎返男家…

原帖由 chowqv 於 15-10-05 發表
同法官講，唔好俾佢見同拎返男家…

請問可以從咩途徑申請？（之前已經法援請律師辦好離婚手續）

其實我真係唔想俾ex見，因為佢每次見完阿仔都教个仔講大話呃我，我真係好痛恨佢ex咁做，ex自己衰好啦，點解要教壞个仔變做佢果類人格低劣嘅人！

不過我為左个仔而退一步，我提出ex可以探視个仔，只要唔好帶番男家，ex都唔肯。我提出工人跟埋佢地出去，ex又拒絕，仲出言恐嚇我！

私人傳訊