吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 好唔鐘意未婚夫屋企人

夫婦情感今日: 0|主題: 42806

收藏本版

發帖

返回列表

跳至頁

查看: 17914 | 回覆: 40

好唔鐘意未婚夫屋企人 [複製鏈接]

12 3

bebekary

複式洋房

積分: 294

1^#

發表於 24-9-18 21:22 |只看該作者 |倒序瀏覽 |打印

有無試過唔鐘意男朋友/未婚夫屋企人？
我未婚夫父母已經去世。只淨返家姐同哥哥。佢地都有小朋友。
年年大時大節去佢地屋企食飯真係好悶，新年年初一至三要見足三，唔知點解。真係救命。每次見面佢地都當我透明咁。長輩多數都打牌，我又唔識打牌。細路都會坐係度睇電視，我都會跟住一齊睇電視。坐係隔離陪笑下，長期保持微笑，得閒幫下手。我都唔敢禁電話，廢是好似好無禮貌咁。但我男朋友有時會比說話我聽，你都應該容入下佢屋企，唔好好似好接咁坐埋一邊。
我真係好無奈，係你d阿哥家姐阿嫂當我透明。我以前去ex屋企，佢地都會問下我做野，屋企人係點。咁都可以打開話匣子。唔通我無啦啦同未婚夫屋企人自我介紹咩。就算未婚夫黎同我屋企人食飯（有埋其他親戚係度），我d親戚都係問下佢平時生活點樣。所以有時未婚夫講佢阿哥家姐點點點，我都覺得好反感。諗起之後結婚，成日對住佢地。。。。
想問下你地有無遇過呢個問題？

0 0 0

私人傳訊

PTMCYS

伯爵府

積分: 18431

馬年勳章

2^#

發表於 24-9-18 22:39 |只看該作者

本帖最後由 PTMCYS 於 24-9-18 22:45 編輯

bebekary 發表於 24-9-18 21:22
有無試過唔鐘意男朋友/未婚夫屋企人？
我未婚夫父母已經去世。只淨返家姐同哥哥。佢地都有小朋友。
年年大 ...

你男朋友/未婚夫都唔係好識做, 他應該清楚你是什麼類型的人, 應該care 你能否能容入屋企人, 如果唔習慣, 要先梳通處理好, 又或者去少D, 唔係齋叫你去習慣他們; 反正無老人家, 大家都是同輩他應該最關心的是你, 除非他以阿哥家姐為先, 你排第三, 最好你問清楚佢, 如果他仍覺得你有問題, 咁佢應該以原生家庭的概念為主, 你就要念清楚了.
其實家庭聚會太長時間, 伴侶覺得悶, 好多時帶對方落街行行, 係好常見既事, 他應該做好協調的位置.

私人傳訊

chole99

男爵府

積分: 5686

3^#

發表於 24-9-18 22:41 |只看該作者

bebekary 發表於 24-9-18 21:22
有無試過唔鐘意男朋友/未婚夫屋企人？
我未婚夫父母已經去世。只淨返家姐同哥哥。佢地都有小朋友。
年年大 ...

他沒有父母已少了很多問題，如果父母還在仲更加更加多問題

私人傳訊

bebekary

複式洋房

積分: 294

4^#

發表於 24-9-18 22:54 |只看該作者

回覆 PTMCYS 的帖子

好似你咁講，我又覺得佢應該以屋企人為先。有一次未婚夫問我: 你會唔會把我保險轉受益人轉做我。我就hea住先就話轉囉，但我心諗結左婚後睇情況。
之後佢同我講，佢會張保險受益人分一半比哥哥家姐。我就覺得好似唔太對路。我諗勁都唔明點分要分比阿哥家姐。佢地自己有正當工作，有屋住，又有小朋友，第時佢地小朋友大個都全照顧返佢地。之後有問佢點解要分比佢地，但佢都係笑笑口無應我。我明白分保險係佢自己供，我我無權力過問d錢你想點比。但我覺得我之後係你老婆，有一頭家要照顧，覺得你好似唔相信我，咩都要同你屋企人分。

私人傳訊

bebekary

複式洋房

積分: 294

5^#

發表於 24-9-18 22:58 |只看該作者

回覆 PTMCYS 的帖子

2年前新年，由上年11:00坐到夜晚9:00。我由朝早好好面口，坐到夜晚開始西面。佢仲要問我係咪好悶，心諗有樣睇啦。下年我醒呀，開飯7:00先浦頭，食完飯2個鐘走人。bye bye你條尾。

私人傳訊

靚靚C9

瑪瑙宮

積分: 129650

2018復活節勳章玩具勳章畀面勳章 wyeth冷知識勳章親子達人勳章 BK Milk勳章

6^#

發表於 24-9-18 23:44 |只看該作者

bebekary 發表於 24-9-18 21:22
有無試過唔鐘意男朋友/未婚夫屋企人？
我未婚夫父母已經去世。只淨返家姐同哥哥。佢地都有小朋友。
年年大 ...

其實點解會初一至三都見呢？見咁多日做咩？你地未結婚，妳自己都有親戚家人，點解過年要幾日假期俾晒佢？
如果結咗婚，保險寫一半俾阿哥家姐更荒謬，如果俾一半阿爸阿媽都講得通，但俾阿哥家姐咁當妳係咩呀？完全不能接受。
同呢種男人結婚將來只會辛苦自己，除非妳好愛佢，否則趁未結婚真係要諗清楚。

私人傳訊

mccaou

大宅

積分: 2377

7^#

發表於 24-9-18 23:49 |只看該作者

靚靚C9 發表於 24-9-18 23:44
其實點解會初一至三都見呢？見咁多日做咩？你地未結婚，妳自己都有親戚家人，點解過年要幾日假期俾晒佢？
...

好認同，三日新年節目都係佢話事？你有冇反對？

私人傳訊

bebekary

複式洋房

積分: 294

8^#

發表於 24-9-19 02:56 |只看該作者

本帖最後由 bebekary 於 24-9-19 03:39 編輯

回覆 mccaou 的帖子

我有反對呀，個次我初一夜晚去左佢哥哥度食飯。本身我諗住淨係食初一。之後佢地又約初二去家姐屋企度玩，咁人地當住全世界面邀請我，咁我想唔好意思拒絕，就去左啦。之後我聽佢地講話初三又去另一個家姐屋企，佢地就無邀請我啦。我當然無舉手話去。我心諗，成個假期見足3日，洗唔洗呀，我依架諗起第時見足3日都想死。諗緊第時點步處唔去，不過我諗到時直接講唔想去。有假期我都想自己休息下，去做戲等於無休息過。你想去自己去飽佢。
因為本身我個邊屋企人好隨便，全部去哂一個屋企，拜完年食個午飯就完架啦。所以我唔係好理解見足3日咩玩法。

私人傳訊

kwhkwh

珍珠宮

積分: 30630

2026勳章 2025勳章蛇年勳章 2024年龍年勳章牛年勳章

9^#

發表於 24-9-19 07:44 |只看該作者

同輩哥姐戲都懶得交，jm睇路。

請勿轉載。搬字過紙不是記者的工作，未經同意, 即屬抄襲。

私人傳訊

crazypaper

珍珠宮

積分: 41473

10^#

發表於 24-9-19 08:07 |只看該作者

回覆樓主:

無男家父母已經好好多，淨低呀哥家姐，唔好開壞個頭，見一日或半日便好，見足3日你以後見少一日都會背後不滿。保單寫一半呀哥家姐，係有啲奇怪，不過佢地係咪超好感情或佢啲呀哥家姐照顧過佢幫過佢? 同佢傾清楚，你都要預留時間陪自己父母。

私人傳訊

陳小b

伯爵府

積分: 17221

畀面勳章

11^#

發表於 24-9-19 08:35 |只看該作者

回覆樓主:

香港地個個都咁忙。。難得放假我真係唔想日日都出晒去囉。。分分鐘仲攰過返工。。其實婚後我真係好唔鍾意新年。。勞民傷財。。事前事後都要做好多野。。忙裡忙外。買野好似打仗咁要搶。。去邊又勁多人。。最慘係要見一班平時好唔想見嘅假親戚。。。真係好慘。。但唔去又唔得。。話晒男家嘅人。。

我媽嗰邊反而輕鬆好多。冇咁注重大時大節。但男家就基本上每個節日都要去。。好煩。。

私人傳訊

mccaou

大宅

積分: 2377

12^#

發表於 24-9-19 09:19 |只看該作者

bebekary 發表於 24-9-19 02:56
回覆 mccaou 的帖子

我有反對呀，個次我初一夜晚去左佢哥哥度食飯。本身我諗住淨係食初一。之後佢地又約 ...

明白，我估你老公和他的家人感情應該好好，如果唔係冇人會提出連續幾日一斉玩。你要知道這個是他們的相處模式，不容易改變，但係你話未婚夫即係會結婚，或者以後年年都會係咁，平日你洗唔洗陪佢地去飲茶食飯，頻率高唔高，有冇令你覺得煩厭？如果有我覺得你要事先提出，又或者你接受。

私人傳訊

PTMCYS

伯爵府

積分: 18431

馬年勳章

13^#

發表於 24-9-19 09:27 |只看該作者

本帖最後由 PTMCYS 於 24-9-19 11:03 編輯

bebekary 發表於 24-9-18 22:54
回覆 PTMCYS 的帖子

好似你咁講，我又覺得佢應該以屋企人為先。有一次未婚夫問我: 你會唔會把我保險轉受益 ...

保險受益人分一半比哥哥家姐 --> 這個有問題, 你要了解原因, 是否哥姐的保單都寫一半給你未婚夫? 但知原因唔代表可以接受, 只是看怎樣應對和調教.

保單的受益人, 基本上代表你在他心目中的位置, 如果唔係放第一位, 你就要睇路了. 若你以他不是放你在保單第一位, 而你也同樣放你媽咪在內, 大家都放對方不在第一位置, 其實已失去意義.

我以前也遇到類似的保單問題, 我認識我太太時都未買保險, 但當我覺得她是結婚對象後, 都希望對她有份保障, 故立即買了份保險, 受益人也只有她, 第二年我們都供樓及結婚了, 而我也相信就算未結婚和未買樓時, 我有意外走左, 我這個當時的女朋友(現在的太太), 都會分一部份給我媽媽, 即使我從來沒有要求, 因我知她是什麼人, 我會相信她, 即使估錯就當我無眼識, 而我媽都不會因為沒有這份保障而完全失去依靠. 但我有要求當時已買保險的她把受益人, 從她媽媽改為我, 她當時都唔想, 說會改但遅D, 我就跟她說, 我的愛情和婚姻觀是把對方放到第一位, 而對方的原生家庭問題, 我們就大家一起商量負責, 現在我已把你放在第一位了, 你也要相應的把我放為第一位, 我才能更投入我更多的付出給大家, 如果你不放我在第一位, 我便不懂投入, 因為我是個完全投入的人, 唔想花時間計算投入多少. 她知我是怎樣的人, 什麼的性格, 也對她很好, 故很快也把受益人改為給我了.

老實說, 如果對方有保留, 我又保留, 是沒有意思的; 我可以付出我大部份的收入給對方, 但必定要她放我在第一位, 不然儲到錢和成果都可以給其他人, 其實好恐怖; 若干年後, 他可能把你們儲了的幾佰萬, 一聲阿哥等錢用就借給他, 才發覺你們夫妻這樣多年的編織原來很薄弱, 就會傷心/失望和後悔, 說是他儲的/他有份的, 但有沒有放你和你們的家庭為第一位先考慮, 有時連自己仔都未必會借......, 又或者是他私己錢? 如個有咁多你地都好有米, 跌左都無所謂就另計啦

所以係兩個人的事你就有權過問, 因為將來的家是大家一起建立, 除非你唔想. 如果你跟他了解後, 反映了你的擔心和需要, 他仍然不接受, 不聆聽, 咁你要再考慮了, 但起碼你已嘗試過. 他笑笑口唔正面回應, 咪就係玩賴皮囉, 唔想認真對待和解決你的問題, 你是想選擇這樣的人一起走人漫長的人生路嗎.

正確的思維是否這樣? 原生家庭的建立, 是基於原生家庭的父母有足夠的承擔能力才建立, 而仔女長大後, 也是到有足夠的承擔能力才建立他們自己的家庭; 當然仔女也要為父母的養育來報答及照顧他們, 並在自己的家庭承擔和照顧父母中取得平衡; 好多事情都會有突發及事與願為, 但怎樣都不應為照顧原生家庭而娶老婆來幫手, 以他原生的家庭為先, 更甚是哥姐有能力都要保障他們