本帖最後由 canna1hk 於 19-7-23 12:30 編輯
唔好意思，平日好少係網上出聲，但琴日睇到元朗白衣人事件，好震驚，香港幾時變成咁?
問得呢句，可能又有人準備講黑衣人點點點，我注冊個新帳號來發文一定係文宣等等，我更想問一句，香港人幾時變成非黑即白?
香港自豪既一點唔係多元文化，有各種聲音咩? 正在謂，我唔同意你既意見，但我維護你表達意見既權利。你可以宣傳，但我要睇完證據+思考過先做決定。
呢種思想先係香港人同中國政府最大既矛盾點，滅聲淨網，全國上下只有一種聲音，係香港人最怕既事，所以國教要遊行，23條要遊行。而家非黑即白，唔支持就要被圍攻，算唔算從心態上接受左中國政府個套做法?
我先申明個人觀點，我不滿政府議員，日日唔做野剩係玩政治，不滿香港官商勾結搶市民錢，不滿任何暴力行為，飛磚係謀殺，集結群眾用鐵通打人係黑社會，警察唔應該被人用磚打，亦唔應該睇住黑社會打人唔出手。
咁我算邊群人? 我屬於 6月9日 上午遊行完和平散去個群，唔係夜晚打門個群。
呢幾年睇住每年總有人出來大遊行，有幾十萬上百萬人上街，你話個個收錢或者無腦被扇動? 我個人真唔信。
但個個都暴力? 唔好開玩笑，真暴力既話，上午遊行集結時已經暴力左，點會等夜晚先來?
以我身邊人來講，唔少人都對政府不滿，但個種不滿，屬於政府可以做得更好，想政府改善既心態，想叫官員做野啦既心態。
港獨? 沒可能架！現實D啦！
遊行? 我．香港人．係有思想團結和平架！
破壞公物? ............唔係幾好喎
打警察 POST 私隱? 太過份啦！掟磚算謀殺啦！
反攻 XXX? 點解唔去圍 d 官既住宅? 做呢d野除左乞人憎有咩用?
白衣人打人? 呢d全部黑社會，應該全部拉去坐監！
警察唔做野? 投訴警察！
我本人香港出生，香港讀書，香港工作，唔打算移民，我想問，點解個個團體都話代表香港人? 我明明無簽授權書，無發聲明，點解 d 人打人時都話代表 xx 人爭取?
白衣人代表元朗? 有無元朗區議會通過? 有無鄉事會聲明? 18 鄉人數占全元朗大多數咩? 網上個 d 話元朗人贊既 post 個 ip 睇?
黑衣人代表香港市民? 點解我身邊聽到既聲音都話太暴力太過份?
我真係好想香港政府搞公投，合資格投票市民以不記名形式交問卷，表達對政治、對遊行、對警察、對商界等等各方面意見，結果出來可能會發現，原來支持無低線對抗既人數無想像中多，原來對警察既態度好多人好複雜，原來香港人討厭既唔止建制派仲有泛民。仲有好多人咩事都唔理，正所謂沈默既大多數。
更有可能，各方面怕太多人清醒之後終於記得，香港人唔係想香港死，d 議員同政府官員扇風點火後對民生一 d 改善都無，原來佢地先係香港市民最不滿，要做野既人。
P.S. 以上只係本人觀點，唔代表其他人
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
，不過我將來都會教我的小朋友去投票。但原來香港好多人都不是選民，就算係選民都唔去投票
返回列表
