單親天地 今日: 0 | 主題: 18402

積分: 150

1^#

發表於 22-9-23 14:23 |只看該作者 |倒序瀏覽 |打印

老公出軌第三次。

理由係我唔夠關心佢，性格太強，每一次都係我輕飄飄咁原諒咗。

其實我都唔想性格咁強，但佢乜都唔做，我唔負起呢啲責任咁邊個負責照顧小朋友照顧家庭。佢工作又唔穩定，屋企大部份支出都係我自己俾，日頭返工夜晚湊仔，其實我都會攰。

搵婚姻輔導，為咗我仔仔我盡量去配合佢討好佢，結果只係佢不斷話俾我聽佢有幾唔開心。我想講，我都唔開心，我都想有個珍惜我嘅人。

佢一直都係一個幾好嘅爸爸，阿仔都好鍾意佢，如果唔係為咗仔仔我覺得分開係最簡單容易嘅事情。

如果佢肯同我做一場戲，為咗阿仔，我絕對會繼續忍落去。可惜佢連呢一場氣都唔願意做。

我已經攰啦。

0 0 0

私人傳訊

islemon

積分: 275

2^#

發表於 22-9-23 16:49 |只看該作者

Take care , 加油

私人傳訊

積分: 150

3^#

發表於 22-9-23 17:16 |只看該作者

islemon 發表於 22-9-23 16:49
Take care , 加油

謝謝。。。真係好難過。。。

私人傳訊

積分: 106

4^#

發表於 22-9-23 18:16 |只看該作者

Josh11 發表於 22-9-23 14:23
老公出軌第三次。

理由係我唔夠關心佢，性格太強，每一次都係我輕飄飄咁原諒咗。

我自己都同樣問題。佢話我太多管制。其實20年啦⋯⋯當唔再愛。乜都講得出。為咗個女人錫咗10年嘅囡都棄養。仲周圍唱我精神虐待佢。想唔比贍養費。又唔想做衰人。唔比家用同生活費迫我離婚。以前拍戲先有渣男。原來係未遇到!

私人傳訊

積分: 150

5^#

發表於 22-9-23 18:38 |只看該作者

lovecatwalk 發表於 22-9-23 18:16
我自己都同樣問題。佢話我太多管制。其實20年啦⋯⋯當唔再愛。乜都講得出。為咗個女人錫咗10年嘅囡都棄養 ...

其實老婆同埋兒女對好多男人來講未必真係咁重要，真心唔明點解當初要求婚。

如果時光可以倒流，我一定唔會同呢個人一齊。

你答應咗離婚未？

私人傳訊

積分: 106

6^#

發表於 22-9-23 18:45 |只看該作者

Josh11 發表於 22-9-23 18:38
其實老婆同埋兒女對好多男人來講未必真係咁重要，真心唔明點解當初要求婚。

如果時光可以倒流，我一定唔 ...

因為我想全職湊囡等個女大啲先搵野做。但申請綜援要離婚咪申請法援搞。最主要是對佢巳經好失望，一邊話為咗個囡希望好好地，一邊出去搞三搞四。我已經忍左佢3年。對佢死心。同埋個囡寧願單親。都不想要一個吵鬧的家庭。

私人傳訊

積分: 106

7^#

發表於 22-9-23 18:49 |只看該作者

最後佢一句說話也沒有說就離開個家，我連發生乜事都唔知，又要睇住個囡，老爺果D又已讀不回。我連佢係咪願意離婚都唔知，佢可能想唔離婚就可以一蚊都唔比，我又奈佢唔可。

私人傳訊

積分: 106

8^#

發表於 22-9-23 18:51 |只看該作者

不過再比我揀。我一定唔結婚生小朋友，太傷太痛。尤其係付出全部，最後人又冇錢又冇。

若人意志消沉D弱D就瓜咗啦⋯⋯

私人傳訊

積分: 150

9^#

發表於 22-9-23 18:54 |只看該作者

lovecatwalk 發表於 22-9-23 18:45
因為我想全職湊囡等個女大啲先搵野做。但申請綜援要離婚咪申請法援搞。最主要是對佢巳經好失望，一邊話為 ...

咁係咪即係分開咗？

其實我都好想有新嘅生活。而家一齊日日好似我欠咗佢咁，佢成日話自己係為咗我哋好，雖然好唔開心仍然留喺屋企。

講真，我搵錢仲多過佢，層樓係我買，個仔又跟我，雖然有工人但全屋嘅瑣碎事務我處理晒，出軌嗰個又係佢，都唔知欠咗佢乜嘢。唯一令我有啲猶豫嘅就係我個仔真係好鍾意爹哋媽咪，佢而家仲細，唔知將來佢會唔會覺得難受。

私人傳訊

積分: 150

10^#

發表於 22-9-23 18:56 |只看該作者

lovecatwalk 發表於 22-9-23 18:51
不過再比我揀。我一定唔結婚生小朋友，太傷太痛。尤其係付出全部，最後人又冇錢又冇。

若人意志消沉D弱D就 ...

咁我又冇後悔生小朋友，係後悔揀錯人啫。。。

私人傳訊

積分: 150

11^#

發表於 22-9-23 18:58 |只看該作者

lovecatwalk 發表於 22-9-23 18:49
最後佢一句說話也沒有說就離開個家，我連發生乜事都唔知，又要睇住個囡，老爺果D又已讀不回。我連佢係咪願 ...

好似幾年分居可以單方面離婚？

我老竇都係走咗佬，我阿媽單方面申請離婚。

私人傳訊

積分: 106

12^#

發表於 22-9-23 19:01 |只看該作者

分開住。我一去親戚度住。佢轉頭換咗鎖。搞緊離婚⋯⋯不過佢只願意比囡生活費。叫我去返工。當初就係話佢阿爸阿媽湊得唔好叫我辭職。現在叫我返工比佢阿爸阿媽湊

私人傳訊

積分: 150

13^#

發表於 22-9-23 19:04 |只看該作者

lovecatwalk 發表於 22-9-23 19:01
分開住。我一去親戚度住。佢轉頭換咗鎖。搞緊離婚⋯⋯不過佢只願意比囡生活費。叫我去返工。當初就係話佢阿 ...

本帖最後由 Josh11 於 22-9-23 19:05 編輯

真係中晒伏。當年我阿媽又係咁。

之前我老公成日都話我忙佢又忙，叫我辭職搵份part-time算。後來又話佢想去第二度做嘢（佢唔喺香港大，鍾意四圍飛），抱怨我唔為咗佢犧牲自己。

講真，我真係信唔過佢，佢由我哋結婚前出軌到結婚後再出軌到生仔後。我真係唔敢應承佢，諗都唔敢諗，就係驚萬一佢要走我渣都冇得剩。

私人傳訊

積分: 106

14^#

發表於 22-9-23 19:05 |只看該作者

男人變咗心，勉強一齊好痛苦，因為真心愛過。

我早三年就係為咗個囡忍佢。扮冇嘢。但心始終有條刺，除非大家真心維繫，如果唔係早分早超生。

分開可能好痛苦，但我寧願等傷口好返，也不要永永遠遠發炎

私人傳訊

積分: 150

15^#

發表於 22-9-23 19:10 |只看該作者

lovecatwalk 發表於 22-9-23 19:01
分開住。我一去親戚度住。佢轉頭換咗鎖。搞緊離婚⋯⋯不過佢只願意比囡生活費。叫我去返工。當初就係話佢阿 ...

希望你已經好返，未好返就快啲好返。為咗呢種渣宰浪費20年已經好蝕，剩下你嘅人生，希望你過得快快樂樂。

贍養費一定要攞，單據記住keep好啲，法律上佢有責任提供返你之前嘅生活。

私人傳訊